رد: فخامة ذوق لا أكثر #
 

تذكر النسيان ... لاعاد تنساه
ياقلب ... وانسي القلب لعل يشفا


يدرى الحبيب ... انه حبيبٍ وابجفاه
ماهو خراب الكون ... لاقفيت واقفا

كان الخطا منى ... فقلبي خطاياه
هو علمه ... وشلون ... يهجر ويجفا

تعب المسافر ... وابعد الموج مرساه
صار المدى له يم ... والشمس مرفا

ومل الهوى نوحه ... وبوحه ... ونجواه
ماعاد لى صبر على الجرح ... تكفا

الى متى ...صدري بيحترق حناياه
كنك على صالي ...عظامي بتدفا

والى متى ... جفنى بيسقيك من ماه
كن الليالي لاصفا الدمع تصفا

تذكر النسيان .... ياقلب وانساه
وانسي ... الجروح اللي مع الوقت تشفا

رد: فخامة ذوق لا أكثر #
 

دمع الوفآ / غرّد / على بيض الاوراق
يروي / تفاصيل القلـوب .. النقيّـه !

ماكل غيبه .. ياهوى الـروح تنطـاق
صدّك / نزع ستر الجـروح الطريّـه !

سافرت .. ماصنت / المودّه والاشواق
كنّ .. الوصل / بيني وبينك قضيّـه !

ليش الرحيل .. وليش تحطيم الاعماق
جرح الشعور المرهف / أكبر خطيّه !

إفراق / تدري وش ورى كلمة إفراق ؟
غير ... التعاسة / والشقى / والأذيّة !

كل الفرح .. فيني / بعد غيبتك ضاق
والحزن.. تغْريه / الضروف الشقيّه !

أرجع / فديتك .. ننتظر منّك الإشراق
طال الصبر ... يالليلة / السرمديّـة !

ماهو خطأ : فالعشق ترتيب الأوراق
الموت / لو مالك على الوصل نيّـه !

رد: فخامة ذوق لا أكثر #
 

خذاني الشوق لعيونك وجيتك
طرالي شي ما عمره طرالي


على بالي ولا لحظة نسيتك
اسولف فيك من حالي لحالي

تغيب الناس لا جيت ولقيتك
اشوف بضحكتك وقتٍ مضى لي

خذيت من العمر عمر وعطيتك
دفا الايام وسعود الليالي

انا وش لون اعيش ان ما لقيتك
تذكرت الغياب وضاق بالي

تعال وقلبي المشتاق بيتك
فرشت الورد لقدومك يا غالي

زرعتك للوفا ظل وجنيتك
تذوب الشمس وغصونك ظلالي

تجول بخاطري لا من طريتك
اماني مالها اول وتالي

رد: فخامة ذوق لا أكثر #
 

بين جفنك وعينك الف معنى ومعنى
وش بقاء للقصايد يوم ترخي جفونك

انت ياللي بزينك جيتنا تنتزعنا
وسع الصدر وارحمني على هون هونك

انت والله لو اني نبي نسري رجعنا
لا انتهاء زين غيرك كنهم يبتدونك

حي ذلك الحلا فيك عنهن قطعنا
مبطي ما ورد الزين من يشبهونك

كم بغيناك في وصف وانا اقول ضعنا
عجز ابيات شعر معذبك يا صفونك

كم شرينا بسوق الوصف غيرك وبعنا
وانت مهما وصفنا كله يطيح دونك

يا مضيق صدور البيض في مجتمعنا
والله اني بشعري ما قوينا عيونك

تذكر النظره اللي من ورائها اندفعنا
يوم تقبل سكوتك مختلط مع جنونك

ما تكلمت لكن سمعنا واطعنا
كن الناس مثلي كلهم يفهمونك

جيتنا في غرور ورحت تعلن ولعنا
لو انك تبيع كلامك والله اني زبونك

يوم قفيت والله ثقلنا ما نفعنا
اخذت ناس وناس ودهم يتبعونك

دام قلبك كبير وراهي يتسعنا
ظفنا معك او ظفنا في ردونك

اثر للزين هيبه تونا ما اقتنعنا
اقراء لا جيت تطلع وانتبه يحسدونك

لو معانا سكاكين لك الله قطعنا
بس ربك حميد وقطعتنا عيونك

رد: فخامة ذوق لا أكثر #
 

الود ودي في غيابك انا أجيك . .
وأنثر ورد الشوق وأعلن قدومي ) !

وأعطرك من فيض شعري وأغنيك . .
وأنسى على شوفتك باقي همومي ) !

رد: فخامة ذوق لا أكثر #
 

مآزلت لين اليوم .. ياقلب وآفي
والناس حولك في وفآھا .. بخيله

كآفي قصيد .. وضيق ياقلب كآفي
قفّل على الموضوع .. دوّر بديله

رد: فخامة ذوق لا أكثر #
 

العز غيمه والوفاء ضوح براق
والصدق طبع ماتخونك مباديه

وانا على عهدي ولاخنت ميثاق
من مبتدأ عمري لآخر لياليه

كل له الله لاتحسف وتنساق
في ساقة اللي يسهجون المشاريه

ذولا بشر صارو خطيه للأذواق
والحر يفهم بالأشاره وتكفيه

رد: فخامة ذوق لا أكثر #
 

مـاعـاد بـاقـي بالعـمـر كـثــر مـافــات ..
يالله عـسـى قلـبـك يـجـي فـــي مـســاري

اختـرت احبـك واعشـقـك طــول الاوقــات ..
ولاهــو بكيـفـي احـبــك فـــي خـيــاري

اهـواك لـو عمـري مـعـك بــس لحـظـات ..
واشــوف حـبـك مــن يـمـيـن ويـســاري

لاصـــارت الـدنـيـا بـدايــة نـهـايــات ..
واشـلـون ابـبـدى مـعـك والعـمـر جـــاري

رد: فخامة ذوق لا أكثر #
 

أجيه وأدري لو أجـي مالقيتـه
لكن كذا أرتاح لاجيـت ماضيـه

والله لا اموت وغايتي مانسيتـه
حتى بصلاتي اطلـب الله يهنيـه

أقول بنسى .. وأحسب أني نسيته
الحب الأول صعب نسيان .. راعيه

عانيت من بعده كثر ما .. هويته
لا أحتلت في قربه ولاني .. بناسيه

له منزله في وسط روحي .. بنيته
جدرانه ضلوعي وهو ساكن .. فيه

رد: فخامة ذوق لا أكثر #
 

لولا غيابك .. ياهوى النفس ما ضاق
صدري .. ولا بانت .. بنظرآتي الشوق

لي قلب مثلك .. واسهر الليل واشتاق
وغيرك فلا .. والله .. تمنيت مخلوق

رد: فخامة ذوق لا أكثر #
 

صباح الخير ..

رد: فخامة ذوق لا أكثر #
 

استغفر الله واتوب إليه

رد: فخامة ذوق لا أكثر #
 

الحمدلله على كل حال ..

رد: فخامة ذوق لا أكثر #
 

لا عاد تـنشد ما بـقى عندي علوم
كـل العلوم المبـطيات تـخبرها

ما جــيتك اشكي ميلة الوقت مزحوم
نفسـي ليا ضاق المدى ما اخسرها

ياصاحبي كنت امس كنت امس محشوم
واليـوم هــج بجيتك واختصرها

خلك بعيد ابعد من العـام للـيوم
وادنى من احـلام النجوم وقمرها

رد: فخامة ذوق لا أكثر #
 

يكفي إنك كل ما ضقت .. إعترفت :
...... ما تفارق إيدي .. أي لحظه / يديك

ما قدرت أنسى ، ولا حتى ذرفت
...... دمعتي من عيني ، رغم إني أبيك !

لكن اللي صار من وقت ، وعرفت :
...... إني أول شخص .. ما يطري عليك !

رد: فخامة ذوق لا أكثر #
 

مهما الزمن يخفيك ياريحة الطيـب
يبقى مدى طيبك على النفس طايب

في كل يوم تشرق الشمس وتغيـب
تبقى رفيق الطيب ولو كنت غايب

رد: فخامة ذوق لا أكثر #
 

أستغفر الله وأتوب إاليه .

رد: فخامة ذوق لا أكثر #
 

الشمش تشرق تعد الناس وتظلم
والنور شال الظلام واتعب كتوفه

خايف على دمعتك تفضحك وتعلم
عين المجاريح بين الناس معروفه

رد: فخامة ذوق لا أكثر #
 

هني من تاب لله مـن ذنوبـه .. وانـاب
زهد بدنيـاً .. مسـاوي كثرهـا / قلّهـا

مشى على سنـة محمـد ونهـج الكتـاب
تبـع دروب ٍ .. قليـل الديـن مادلّـهـا

مع مسبلين اللحـا .. ومقصريـن الثيـاب
قوم ٍ .. علـى طاعـة الله ياحلـو دلّهـا

رد: فخامة ذوق لا أكثر #
 

برحل وانا باشوف وش ممكن يصير
وانت اعتبر صاحبـك ميـت وفانـي

لاني تعبت من السهر والمشاويـر
واتعبت قلب ٍ صابـرٍ لـك عشانـي

ولا اعتبرها من صدوف المقاديـر
ولا اعتبرهـا غلطـةٍ مـن زمانـي

خلاص ما تنفـع كبـار المعاذيـر
دامي رخصت وبعتنـي فـي ثوانـي

باعز نفسي عنك لو مانـي بخيـر
واقطع سواليـف الهـوى والامانـي

لاني كذا مخلوق في طبعـي كبيـر
ماني عديم احسـاس ولانـي انانـي

يا ما على شوفتك سقت التباشيـر
وياما نثرت الهـرج لجلـك اغانـي

واليوم كنه مال حبك علـى الغيـر
بدّلت واحد مـا رضـا فيـك ثانـي

تبي اكمل .. ولا تصبح على خيـر
بكره تعاني مثـل مـا انـا اعانـي

رد: فخامة ذوق لا أكثر #
 

يامرحبا حياك وألف حياك
يا من سكن وسط الحشا ياغلاتي

علقت قلبي بإيدينك لرضاك
واسمك كتبته من ذهب في بياني

هذي يميني ضمها تحت يمناك
طالع عيوني شوف شلون اعاني

مابي حياتي لو حياتي بلياك
مقدر على فرقاك لو هي ثواني!!

رد: فخامة ذوق لا أكثر #
 

يامرحبا حياك وألف حياك
يا من سكن وسط الحشا ياغلاتي

علقت قلبي بإيدينك لرضاك
واسمك كتبته من ذهب في بياني

هذي يميني ضمها تحت يمناك
طالع عيوني شوف شلون اعاني

مابي حياتي لو حياتي بلياك
مقدر على فرقاك لو هي ثواني!!

رد: فخامة ذوق لا أكثر #
 

تصاحبك السلامه والأماني يانصيب الغير !!
أنا كل الكلام اللي بقوله يحفظك ربي

وتبقى أكبر واكبر بعيني والزمان صغير
ولو ما قلت احبك .. كل يوم يقولها قلبي

رد: فخامة ذوق لا أكثر #
 

تبختر بين دقات الخفوق ونشـوة التفكيـر
ترى كل الحياة اصغر من اللي بيني وبينك

احس انك تجي والعشب ينبت والطيور تطير
واحس ان السحاب يلوح براقه على يدينك !!

رد: فخامة ذوق لا أكثر #
 

منهو بقالي كان عني تخليت
وأنت الوحيد اللي بحياتي بقالي

الحب ماهو بس خذني وأنا أجيك
الحب وقفة بين غالي وغالي

أفرح بشوفتك شوفت الحي للميت
اللي عن هله خذته الليالي

رد: فخامة ذوق لا أكثر #
 

في غيابك .. ضاقت بعيني الأماكن
,, كن دنيـاي انطفــت من نفــخ زفــرة
واستــوى جـو المدن مظلــم وســاكن
,, واشهقت وسط العيون ألفين عبره

رد: فخامة ذوق لا أكثر #
 

أحبك ياسحاب بعده أعشب قلبي الممطور
تراه بحبك استبشر عسى ماينقطع حبك

أحبك كلمة ماقالها إلا واحد مخطور
بغى كل الكلام ولالقى إلا كلمة أحبك

رد: فخامة ذوق لا أكثر #
 

الصمت ثوبي والمواجع عباتي
والحزن كلهـ وسط قلبي مقره

لو استعيد بـ واقعي ذكرياتي
أحيا وأموت في الثانيهـ ألف مره

همي يجيني من جميع الجهاتي
تجاوز حدود الفلك والمجره !!

رد: فخامة ذوق لا أكثر #
 

فديت وقتن حط في دربي رفيق
واحدن يضحك معي واضحك معه

واحدن لا صار وسط القلب ضيق
بالسوالف والمزايح وسعه

وان حكى باسلوبه العذب الرقيق
يسرق من الجوف قلبن يسمعه ..

رد: فخامة ذوق لا أكثر #
 

من يقول أنك على بالي طريت
أو ذكرت أسمك بعد طوال الغياب .. ؟

ما دريت اني في فراقك كم سليت
وكم تفتح لي بدربي كم باب .. !!

رد: فخامة ذوق لا أكثر #
 

راح أغيب لظروف خاصة ولشيء مهم ..
راح أفقدكم ولو أنكم بالقلب ..
ماراح أطول كثير حوالي شهر وعليها كم يوم !!
دعواتكم .