قصيدة صعبة منو يقدر يحفظها؟؟
 

رد: قصيدة صعبة منو يقدر يحفظها؟؟
 

دنوووو ،، الصراحه مرره صعبهhttp://forum.illaftrain.co.uk/images/smilies/eek.gif/،
وتضحك شوي هههههه http://forum.illaftrain.co.uk/images...es/biggrin.gif هههههاي/،

بس من جد يحتاج لها وقت لتفكيك رموز كلماتهاhttp://forum.illaftrain.co.uk/images...s/confused.gif/،

يعني شوفي اقدر احفضها لكن لما اكون فاهمه معانيها يعني بهالطريقه بيسهل علي الحفظ،،

شوفي اول شي امسك بيت بيت واشرحه وافههمه بكذا بيكون حفضها سهل ،،
طيب بنشرح القصيدهـ،باللي نعرف او نقدر عليهـ،،

صالي صلا صدري صفق صافي الجوف **** لو صاب صم الصخر عصب صلاها


الصالي تعبير عن شئ من النار اللي ماتوصل لحد الإحراق..

صلا صدري يعني الهب صدري..

صفق صافي الجوف هنا تعبير عن قوة الحدث و قوة أثر وقوعه بلفظ

صفق يعني ضرب و وصل بشكل مباشر و سريع..

صافي الجوف اشاره لعدم وجود تجربه سابقه و ان الأعماق ماتعودت مثل

هالمواجهات و مااستعدت لمثل هالامر فتفاجأت على ماكانت عليه من بساطه

و صفاء..


لو صاب صم الصخر غصبٍ صلاها..

تعبير عن قوة تأثير هالأمر للدرجه اللي لو يتعرض له الصخر يتعذب منه..


زلزل زبـار الــزرع زلــزال مــزهـــوف **** هــزهـز زهــور اـلـزاد وازهـد زهـاها

زلزل هز بعنف..

و زبار الزرع هو أجمل الزرع و أكثره كثافه و أزهاه و المعني هنا القلب..

زلزال مزهوف يمكن يقصد التعبير عن ان الهز العنيف للقلب كان بشكل عجيب

و غريب..


هزهز هي الهز المستمر و المتكرر للقلب..

زهور الزاد إحتمال تكون ملامح الإرتياح بالإنسان و آثار النعمه يعني الصحه و العافيه..

أزهد زهاها تعني قلَّل من جماليتها أو أفقدها جماليتها بتأثيره وتأثير المعاناة اللي تسبب

فيها..


حنحن تحـنـحـن كــن وانــعــن بصــنوف **** وانه تحـن يـجـن سـامــع صــداهــا

حنحن تحنحن يعني يصدر ونَّات حنين و تأوهات ألم بإستمرار..

كن يعني كتم بعض الشئ..

و انعن بصنوف ... انعن يمكن تكون بمعنى تاه أو تحيَّر و صنوف معناها اشكال و انواع

ونه تحن يجن سامع صداها يعني أنين القلب و حنينه اللي يسمع صداه ينجن..



لـــجلــج ولــج بـلالـج لـجلاج بــرجــوف **** عــجـعــج لـهـيـب هـاج واهـج سـنـاهـا

لجلج بمعنى ماكان له من تحركات وصلت من قوتها لحد انه يصدر منها اصوات قويه..

ولج وصل الى داخل الاعماق ..

بلالج لجلاج برجوف يعني كان دخوله للقلب بالقوه لدرجة الإرتجاف..


عجعج يعني أثار و نشر ..

لهيب هاج يعني نار مفقوده السيطره عليها..

واهج سناها اشاره لواهج النار و تعبير عن شدته..



سبــت ســهيف الســـاج مسلـوب ملـهوف **** ســلـهـم بـسـود ســــل نـفـسـي سـبـاهـا

سبت سهيف الساج مسلوب ملهوف..

يعني أخذت القلب المسلوب الملهوف..


سلهم من السلهمه.. و السود العيون.. و سل نفسي أتعب النفس.. و سباها امتلكها..


غرو غريــر يــغر مغرم وغــضروف **** اغنج غنوج صـغـيـر غـالــي غــلاهــا

غرو تعبير عن صغر السن .. و غرير جاهل لبعض الامور .. يغر يعني يشغل و يخدع..

مغرم يعني اللي يتعلق فيه .. و غضروف احتمال تكون تعبير عن الشخص الشديد..


اغنج تعني اكثر دلع .. و غنوج دلوع.. صغير غالي غلاها يعني رغم صغر سنه الا ان

مكانته كبيره بالقلب..



شعشع شعاع الشـمـس لا من بدا الشوف **** شبيه خـشـف الـريــم شــادي حــلاهــا

شعشع شعاع الشمس يعني نوَّر مثل الشمس .. لا من بدأ الشوف يعني لا ظهر للعين..

شبيه خشف الريم شادي حلاها يعني يشبه صغير الغزلان بما فيه من حلا..


تـلـتـل وتــل القــلـب تـلات بــتــلوف **** عــشـريـن تـلـه فــــوق تـــلـــه تـلاهـــا

تلتل تعني التكرار المتزايد .. و تل القلب يعني سحب القلب بقوه .. تلات بتلوف يعني

هالسحب المتكرر و القوي بيتلف و يعطل القلب..


عشرين تله فوق تله تلاها يعني تابع عشرين محاوله و الحقها بوحده بعد..


هلهل جديل هـل هايل علـى كتـوف **** اشقر هــبل نـفـسـي وهــيـض هــواهــا

هلهل جديل يعني نزل شعره لاكثر من مره على الكتف..

اشقر اللون .. هبل نفسي و هيض هواها يعني فاجأ بالجمال للدرجه اللي صحَّت الهوى بالنفس..


اسمه بحرف الهاء وبعدها ثلاث حروف **** الــف وســــيــن وبــاء تــالــي نــداهــا

رمزية حروف للاسم..



انــخـى خبـيـر خــاض مدخــال مخلــوف **** صــقــر عـريـب الـخــال ويـقدر خفاها

انخى بمعنى استفزع .. خبير خاض مدخال مخلوف يعني فاهم من التجربه اللي سبق

و كانت له و كانت دخوله فيها مخلوف التعب ..

صقر عريب الخال و يقدر خفاها يعني فاهم و عزِّه من عز خاله و يقدر يكشف و يحل هالامر..



فــــرم قــديـر اقــــدر قـوي ومعـروف **** قــــادر قـــرا قــافــي ويــقـــدر دواهــا

قرم يعني الرجل صاحب القلب الحي السنع الحرك حسن التصرف ..

قدير من القدره..

قوي يعني له سلطه و نفوذ..

معروف تعبير عن الشهره بما سبق من المواصفات..

قادر قرأ قافي يعني قرأ قصيدتي و فهم المقصود فيها..

و يقدر دواها يعني يقدر يساعدني و يحل لي موضوعي..


هذا الكلام كله طبعاً حسب مفهوم شخصي قابل للصواب وللخطأ.. :)

و هذا اللي قدرت عليه و ساعدتني فيه معرفتي و فهمي و أعتذر عن أي خطأ وارد..

مع العلم ان هالنوع من القصايد تكسر الكثير من القواعد الشعريه لبناء الصور الغريبه

و اللي يضطر الشاعر فيها لإستخدام ألفاظ غير شائعه و صعبه لعرض قدراته كنوع من التحدي للتركيب../،،


لكن اقولك وبكل صراحه انا اقدر احفضه واذابتسمعين لي سمعيلي هههههاي/،



يسلموووو دانه جد امتعتينا بهالقصيده وضحكتيني :)

ربي يسعدك ياررروحي ودام جديدك المميزززز/،

واسفه على الاطااالهـ،،،،ـ/،

رد: قصيدة صعبة منو يقدر يحفظها؟؟
 

رد: قصيدة صعبة منو يقدر يحفظها؟؟
 

هههههههههههههههههههههههه
قصيده جميلة وحلوه
بنت رجال محلله هاه
مشكورين ويعطيكم العافيه
تقبلوا مروري ودمتم بخير

رد: قصيدة صعبة منو يقدر يحفظها؟؟
 

ههههههههههههاي سلمان ليش وش فيهـ تحليلي ،،

طيب انت حللها ونشوف تحليلك يمكن نفهم عليه اكثرررر /،

ابو رشا ايوه محلله ليش عندك اعتراض<<بتخانق،،ههههاي

جد اذا تحليلي مااعجبكم طيب انتم حللوها يمكن يكون اوووضح/،

رد: قصيدة صعبة منو يقدر يحفظها؟؟
 

لا ماعندي اعتراض <<<< خايف هع
وتحليلك واضح ومافيه شيء
والان ننتظر تحليل الاخ سلمان >>> نكبات تايم - هع

رد: قصيدة صعبة منو يقدر يحفظها؟؟
 

دانه
يعطيك العافيه على النقل
وهذه القصيدة ليس فيها من الشعر ولا بيت

هذا تسمى بالشعر ((التعجيزي)) وغالباً مايصير فيه تحدي بين الشعراء سوى في قديم الزمان

او في هذا الزمن بس قليل جداً يحصل مثل هذا الشي

ودائماً يكون خلي من الصور الشعريه ولاكن يعتمدون على القافيه الصعبه والوزن التعجيزي مثل الكلامات النادره او تكرار الكلمات التى لها صله بالشعر العامي وحصل هذا الحدي بين
الشاعرين الكبيرين حبيب العازمي وفيصل الرياحي
(رحمه الله) بينما كان يعلبون في أحد ساحات المحاوره قبل
خمس أو ست سنوات وبدأ في البيت الاولى فيصل الرياحي
لكي يحرج فيه حبيب أمام الجمهور وهذه سياسة شعار المحاوره هذا كان الخصم كبير مثل حبيب وهو عباره عن بيت تعجيزي ولاكن للاسف ماني حافظ هذا البيت ولاكن من ذكى حبيب رد عليه ببيت تعجيزي ولاكن ليس على قافية فيصل ولا وزنه فطلب من فيصل يرد ولاكنه لم يستطع

عنه الحديث يطول اكتفي بالقدر هذا على وعسى ان يكون اصبت الهدف :)

تحيااااتي للجميع

رد: قصيدة صعبة منو يقدر يحفظها؟؟
 

رد: قصيدة صعبة منو يقدر يحفظها؟؟
 

شي رااائع التواجد والنقاش حولها ... هذا اللي نبيه تفاعل مع المواضيع ومناقشات مفيده ... لما العضو يضع موضوع واذا كان فيه مجال نقاش نتناقش ونبحث فيه ... بجذيه يصير للمواضيع معنى ومنتدانا يرتقي وما يصبح مملّ .... :)

بصراااحه استانست وفرحت من هذه الآراء والمناقشات ...... وارجو من الشعراء المشاركه بآرائهم وخبراتهم سواء الصغار او الكبار لأثراء المواضيع والاستفاده .........

بنوته يالمحلله الشعريه ..... اسعدني تواجدك

سلمان البلقان ........ شكرا لتواجدك ورايك واتمنى مشاركتنا بتحليل للمعاني :)

ابو رشا ....... لك شكري لتواجدك وابداء الرأي

البحر الهادي ..... مرورك رائع وانار صفحتي ...

سعد الصبيح .... وجودك له الثقل في صفحتي ... وآراءك والمعلومات التي طرحتها ... رائعه ومفيده للآخرين........


وحول القصيده .. انا مو شاطره بالشعر ... ولا بحوره .... بس القصيده حلوه والمعاني فيها هي الصعبه نبي معجم لتفسيرها ... واحس انها متوازنه وفيها موسيقى شعريه حلوه ... ولها معني
اما اذا كانت ماتتبع اي بحر شعري ما ادري :)

وشكراااا لتواجدكم .......

:)

رد: قصيدة صعبة منو يقدر يحفظها؟؟
 

رد: قصيدة صعبة منو يقدر يحفظها؟؟
 

مشكوووووور والله يعطيك الف عافيه

رد: قصيدة صعبة منو يقدر يحفظها؟؟
 

قصيده رائعه تركيب الابيات ونبرت صداها
قصيده راقت لي كثيراً الف شكر لك اختي
دانه على النقل الرائع
تحياتي

رد: قصيدة صعبة منو يقدر يحفظها؟؟
 

شاعرنا المبدع معيبد تواجدك فقط له تشريف واشراقه للصفحه وشكرا لما وضعت لنا من معلومات استفدنا منها .....

ابو سامي لقد انارت الصفحه بوجودك لك شكري

حكيم اهلا وسهلا بك من بعد غياب .. اسعدني تواجدك معنا من جديد

رد: قصيدة صعبة منو يقدر يحفظها؟؟
 

يعطيك العافيه على النقل الجيد

رد: قصيدة صعبة منو يقدر يحفظها؟؟