القصيدة الملغبه بالعبسيه (الأولى)
 

هذه القصيدة (العبسيه)مثل مالغبوها الشعار من بني عبس وغيرهم من القبايل
وهي قيلت من 20سنه تقريباً
وهي للشاعر الكبير والقدير
عوده بن عواد سيار الخياري الرشيدي

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بيت بسم منزل العلم تنزيل=على محمد في صدوق الرسايل
أمنزل القرآن من بعد الأنجيل=شرع لنا الأسلام زين الفضايل
وأرسل به محمد على لسان جبريل=وفرض علينا خمسها والنفايل
في قدرة يسلخ نهاره عن الليل=منشي من المنشى صدوق المخايل
اللي حماء بيت الحرم من هل الفيل=يوم أبرهه على أقدس البقع صايل
أرسل عليه من السماء طير أبابيل=بحجارةٍ جتهم من الله نزايل
ومن بعد ذكر الله تكلمت بالقيل=أبيات شعر مابها قول قايل
قال الرشيدي يوم قال التماثيل=فكر الرشيدي قال زين المثايل
عدلت معناها على الكيف تعديل=ورتبتها ترتيب عن كل مايل
كلام أحلى من شراب الشهاليل=مهو كلام ألي بليا حصايل
ياناشدٍ بالجد هاك التفاصيل=أعطيك علم وفوق علمي دلايل
ولا فيه داعي معك للحط والشيل=ولاتصير في دنياك للهم شايل
حنا عرب ماننتمي من إسرائيل=أنتم وحنا ننتمي من قبايل
ولاحد طلع من باذر العشب بالسيل=في واديٍ يوم أصبح الصبح سايل
الله خلقنا من تراب وصلاصيل=سلالة آدم ماخلطتنا سلايل
منكم وفيكم ماعلينا مداخيل=الدين واحد واللغة والفعايل
والرب واحد ماعبدنا الأباطيل=أخوان بالأسلام والكل زايل
والدم واحد والشكل والتحاليل=يطلع على التحليل نفس الفصايل
الدم واحد من سلالة إسماعيل=والعنصريه للرجال الهزايل
والجاهليه في عقول الجواهيل=ولا الذكي من ذروة العرف نايل
والكبر ويل وجارنا الله من الويل=أكبر رذيله من كبار الرذايل
وأنا رشيدي من رجالٍ مشاكيل=من لابة يوم الملاقاء هوايل
ربعي هل الطولات سوء أهل الخيل=بني رشيد مجودين الحبايل
ياما أيتمواوالبيض راحن مراميل=بالعون صارن رمل عقب الحلايل
وكم شيخ قوماً حط فوقه غراميل=عليه ناحن ناقضات الجدايل
وياما غدوا بالذود وقفاء زعاجيل=بالجيش ولا فوق قب الأصايل
وكم من حلايب قوم جيبن مقابيل=راحن ولا عنهن حريب يسايل
أهل الكرم ومحرقين المعاميل=تلقاء زبار البن فوق النثايل
مكرمين الضيف ذباحت الحيل=ومع المروه محتسين الجمايل
خويهم مرفي عن الحيف والميل=وقصيرهم بالعز عن كل طايل
أن جاء نهاراً فيه عيال ومعيل=في يوماً أسود وأحمر الدم سايل
راجم عليهم شاربين الفناجيل=ويروون حد مرهفات الصقايل
حريبهم يسهر إلى تالي الليل=وياما زرعوا بقصاء ضميره غلايل
غلٍ زرع وسط القلوب المغاليل=ماينمحي لو محدثاته سمايل
كم فارسٍ اصبح واقعنٍ بالمحاييل=وكم فارسٍ طشوه وسط الخمايل
وكم فارسٍ خلوه يلقاء البهاذيل=وكم فارسٍ شاف النجوم القوايل
وكم فارسٍ حرم حليب المباهيل= حرم لبن ناقة حيال الحمايل
وقت يشيب بالمراضيع ويهيل=يوم أنها في وقت صايل وجايل
يثنون من دون أمهات المخافيل=فج النحور معيسات الشمايل
ألياء أعتزاء يوم اللقاء كل حلحيل=ناطى على درب الخطر مانسايل
حنا سلايل عبس جيلٍ على جيل=سم الحريب ومدخلين الدخايل
سجل لنا التاريخ ماضي تساجيل=وعلق لنا في لوحة العز فايل
قبيلة نالت من العزبالحيل=وتمركزت بين المدينه وحيل
وتطاولوا واد الرمه بالمنازيل=من العلم لشمذ لام الثمايل
ومن العماير سوق لدنا مكيحيل=ومن اللحن حتى الثمد بالشمايل
ومن شرق أبانات وفيهن حلاجيل=نعم القبيله كاملين الخصايل
وفي دولة السودان منا رجاجيل=ويم الكويت أشعوب ماهي قلايل
هذي مساكن كاسبين التنافيل=ورث خذوه من الجدود الأوايل
رشايده من عصر أبو زيد والفيل=مطوعين ألي عن الحق عايل
جاك الكلام ألي عليه التداليل=من غير تقصيراً بباق القبايل
كلٍ يكيل الطيب ويوفي الكيل=واجد من المخلوق للطيب كايل
واليوم في حكم السعودي تساهيل=أمن وأمان وراح دور الفعايل
حكم أخو نوره زال كل العراقيل=والله مانرضى بداله بدايل
بالعدل قام وبطل الشر تبطيل=وبالسيف الأجرد عدلوا كل مايل
وقفاء الظلام وولعن القناديل=ودور الجهل ولاء عن الناس زايل
ولافيه فرق بين الأمة وتفضيل=إلا بتقوى الله وزين العمايل
أكرمكم أتقاكم كثير التهاليل=يدي فروض الله مدور فضايل
هذا كلام مفصل العلم تفصيل=لهل العقول الصاحية والهبايل
صلاة ربي عد رش الهماليل=وعداد من صلاء وصام التفايل
على نبياً ذلل الشرك تذليل=نبينا ألي ماوقع بالزلايل
[/poem]

ناقل القصيدة /سعد بن صبيح المهيمزي الرشيدي

ارجوا التثبيت

مشكور يابن صبيح
يستاهل التثبيت

صح لسان الشاعر القدير والكبير
ولاهنت على الطرح

أخوي سلمان تشرفت برورك على صفحتي

ونورتها تقبل تحياتي مشكورا

الأخ علي يعطيك العافيه على مرورك تشرفت به

تقبل تحياااااتي مشكورا

حنا وحنا وحنا وحنا وحنا وحنا وحنا والنعم في حنا

قصيده تستحق التثبيت من روعتها الله لايروع شاعر ولاناقلها

كوني بخيرا

بدوي فاااااهم

صح الله أبدان الجميع ولاهنتم على المرور

وجودكم في صفحتي نور لها

شاكراً مرور الجميع

قصائد جزلة الله يعطيكم العافـــية
على النقل الراقـــــــــي

لاحضر وقت اللقاء ودك بوقت الوداااع .....وان زعلت الاربعاء منت راضي بالخميس

لاجتمعنا بعد غيبة تفل الاجتماع .....دخلت ماكملوها العروسه والعريس

ياحبيبي لاتقوووول باعد وضاع.....اذكر الله الاله وتعوذ من ابليس

في الحكايات القديمات مافيك اقتناع....وعنتر وعبله وماصاااار في ليلى وقيس

بس لوانك متابع سنووووت الضياع.....هل دمعك يوم يحيى يبا ينقذ لميس

اشهد انه يووووم قالووو يباع العمر باع...طلقة وسط الشراااين من تيم الخسيس

وانت باللي شفتك تووت وعيونك وساع ...مارحمت النون والحب والحظ التعيس

ماحمت اللي مطيره سما واحيان نقاع...والزمن مرااات موجس ومرات ونيس

ولو صارت بشجاعه شجاع من شجاع ..من رجااال باول الصف لاحمى الوطيس

ولوكلن يحتمل فوق قدره المستطاااع..كان يحيى باول الفلم متزوووج لميس

وسلامتكم

ياسلام الله يعطيك العافيه اخوي سعد
صح الله السان الشاعر القدير الخياري

اقتباس:
صح لسانك يا الخيااري

ياسلاااااااااااااااااااااااااااااااااااام يابو صبيح
عيشتني جو ثااااااااااااااااااااني
تسلم ع النقل
وصح لسان الخياري

صح السان الشاعر

صح السان الشاعر الكبير
عوده الخياري

صح لسان الشاعر القدير والكبير
ولاهنت على الطرح

صخ السان العبسي

صح لسانك

رد: القصيدة الملغبه بالعبسيه (الأولى)
 

رد: القصيدة الملغبه بالعبسيه (الأولى)
 

صح لسان الشاعر :


عوده بن عواد



وتسلم يمناك الي اطرحت شي زي كذا
الله لايهينك ولا عدا امناك ياسليل عـــــــــــــــــــــــــــــــــــــــــــــــــ ـــــــــــــــبـــــــــــــــــــــــــــــــــس

كفوووووووووووووووووووووووووووووووووووووووووووووووو ووووو كفوووووووووووووووووووووووووووووووووووووووووو

ننتظر
ا
ل
م
ز
ي
د

..............................صالح المهيمزي.......................

رد: القصيدة الملغبه بالعبسيه (الأولى)