|
بين حبيب و الرياحي
من أقوى المحاورات بين حبيب العازمي و فيصل الرياحي رحمه الله فيصل الرياحي سلام ياهل الديار اللي عليها سـلام*** حامينها أهل السيوف الحدب حامينها الليله الملعبـه ماتعتـرف بالنظـام*** وليا حضرنا تبى ترجح موازينهـا حبيب العازمي يامرحبا يارجال(ن) من ديار(ن) كلام*** يازينها في ليـال الصيـف يازينهـا الليله الملعبه تحتـاج ربـط الحـزام*** وليا وقفنا نبـى نخـزي شياطينهـا فيصل الرياحي اليا خلطت السوالف من حلال وحرام*** الكلمـه الثانيـه عنـدي براهينـهـا ياحبيب اليوم خلك شعرة(ن) في سنام*** والبـدو تلقـاك لاشـدت بعارينهـا حبيب العازمي أن جنبت في اللحم وأن وافقت في العضام*** والكلمـه الثانيـه تاصلـك فـي حينهـا ماني بشعره أناخصمك قطـوع العـرام*** وان زاد جن البقـوم أحشـر مجانينهـا فيصل الرياحي أن وقعت في الصخر وان وقعت في العدام*** حنا سيـوف المعـارك وأنـت سكينهـا الله ربـي وربـك يامـطـوع جـهـام*** تسجد علـى الأرض لاثـارت براكينهـا حبيب العازمي لو مامعي غير سكين ومطرق بشام*** أخذ سيوف أكثر البقمى من يدينها الله رب الجميع وصاحبي مايـلام*** هجت ذلوله تلوى فـي كراعينهـا فيصل الرياحي كم عالم(ن) يحلمون ويشمتون الحلام*** ماردك عـن البقـوم ألا سلاطينهـا ترا هذيك الهنوف أم الذهب والزمام*** ماعدك ألا قذاة(ن) في طرف عينها حبيب العازمي وين السلاطين يوم(ن) الشجاري خيام*** هي بيض من طبعهـا ولا مكسينهـا وأنته بعد في حدا الخدين دقت وشـام*** الله يعينـك علـى الأيـام ويعينـهـا فيصل الرياحي شهد لنا بخيت يوم الهوش تحت العسام*** ماهي بكذبـه مـع العبلـه مسوينهـا عاملتها بالوفـا والطيـب والأحتـرام*** وأنته تجمع على الخبـزه وراعينهـا حبيب العازمي شهادة طيبه لاهل الهوا والغـرام*** قصيدتن كل خلـق الله مغنينهـا ياصحابنا لايزيد الطق فوق اللحام*** أنتـم مغدينهـا حنـا معشينهـا فيصل الرياحي أنتم كما الزرع ياعتيبه وحنا الصرام*** لأرض ماعـاد تحماكـم ميادينهـا ياشاعرن في الملاعب لبسوك الوسام*** ضيعت في الليل عشرتها وعشرينها حبيب العازمي كلمتك هذي ماتنقص للنشاما مقـام*** ياللي تهدد عتيبـه وينـك ووينهـا يالشاعر اللي نبتلك مثل ريش النعام*** ماصالحـن للبقـوم ألا دكاكينهـا فيصل الرياحي ندخل على الله ترانا مانسـب الكـرام*** أقوللـي سالفـه مـاهـم بناسينـهـا من يوم ركبت طوقن مثل طوق الحمام*** حتى أم ضرفين جادينك على دينهـا حبيب العازمي السب ماله مجال ولايفك الزحـام*** وأن جبتلك سالفه ميعادك دوينهـا مايختلف هالرياحي منتفخ كل عام*** كن أم ضرفين غاذيته بضرفينها فيصل الرياحي مزكوم ياصاحبي واعديتنـي بالزكـام*** دينت بنت الحـلال ولا قضـا دينهـا سبحان من حط جسمك مثل عود الثمام*** كنك مـن أفريقيـا وأحـد مساكينهـا حبيب العازمي خلـه لعلـه عساكـم كلكـم للهيــام*** العافيـه صـح منـتـم مستحقينـهـا وزن الخشب طن ولا الماس كيلو جرام*** حمـر الفلسطيـن نكبتهـا فلسطينهـا |
الله يرحم الرياحي
محاوره جزله لاهنت معيبد على النقل الجزل وتقبل خالص الود والتقدير |
مشكور شاعرنا ع النقل
|
مشكور على النقل والطرح الجميل
|
رحمك الله يافيصل الرياحي فقيده في الساحه الشعريه
محاوره ناريه بين شاعرين كبيرين ومشكور ياشاعرنا على النقل وتسلم يمينك |
رحم الله الشاعر فيصل الرياحي
محاوره من الوزن الثقيل معيبد الرشيدي كن بيخرا بدوي فااااهم |
خاتم المهيمزي سلطان المهيمزي علي بن حبيب عيسى الساطي بدوي فااااهم أسعدني مروركم ، لا هنتم ، لكم خالص الود . :oo5o.com (25): |
يعطيك العافيه اخوي معيبد..
هههههه مع اني بصراحه ماافهم شي بالاشياء هاذي ... على العمووم تقبل مروري .... |
حياك الله اختي الغند و هذا فن المحاورة ، بنات حواء ما لهن فيه مجال الا اذا خلف الكواليس ما ادري عاد ههههه ، ع العموم انا استغرب يوم البنات يقولن ما نفهم فيه شي ، ليه ماهو شعر هو ؟ صح ممكن المعاني صعبة بس اقل شي افهموا الكلام الظاهري و استمتعوا فيه :oo5o.com (2): تحيتي لكـ ِ . :oo5o.com (25): |
اقتباس:
هههههههههههههه لاهو شعر بس مايناسبنا لان الكلام اللي فيه بعيد عن المشاعر والاحاسيس اللي بشعر الغزل الي تحسها تلامس المشاعر وتوصف الاحساسيس هذا الشعر اغلبه مدح وذم وكذا يعني مايصلح للبنات ولانفهم فيه شي تحسه بس للرجال فقط :oo5o.com (2): وانا اتكلم عن نفسي يمكن فيه بنات يحبونه ويعرفون له ويفهمونه :oo5o.com (26): ...تقبل مروري :oo5o.com (25): |
| الساعة الآن 02:32 AM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host