|
شعار من بني رشيد(أدخل بسم شاعر أو شاعره من القبيله)
أعضاء وزوار موقع المهامزة (ماضي بني عبس وحاضر بني رشيد) السلام عليكم ورحمة الله وبركاته شعار وشاعرات القبيله لهم علينا الحق أن ندون أسماءهم ونفتخر بهم فمن هذا المنطلق لاأريد أن تدخل وتكتب شكراً الله يعطيك العافيه بل أريدك تدخل بسم شاعر له أسم وصدى أو شاعره وتكتب أسمه وقصيده من قصايده تختارها وهذا لكافة شعار القبيله وتقبلو خالص الود والتقدير |
هلا حياك اخوي خاتم وفكرة رائعة
ابدأ بالشاعر ثامر شبيب المهيمزي اكره اثنين [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] قالوا امدح شيخ والا امدح امير=لجل تكسب من مديحه فايده قلت انا في خير واحوالي بخير=ليه ادور شي ماني رايده .؟ ادري ان مال الكبير الا الكبير=الرجال تقاد والا قايده اكره اثنين : المنافق والحقير=تستقل طيب الرجال الرايده ان مدحت امدح وانا وجهي سفير=مدحت للحق ماهي سايده وكانها ماجات من قلب وضمير=مدحتي ذمه بحقه كايده وش علي ان صاد له طير يطير=لاهو بطيري ولاني صايده من خلقن الله احب اكون غير=ما احب اكون حاجه زايده الفقر ماعذرب اخلاق الفقير=في السنين الحاضره والبايده في الزمن اشياء تعني لي كثير=التمام الشمل حول المايده ومنظر البسمه على الطفل الصغير=في نهار العيد يوم تعايده قلتها وعذري يصير اللي يصير=كل راس يرتخي لوسايده انتبه وياي للبيتالاخير=اسمعه مني ولاني عايده تدري وش معناة رجال حقير=من يصاحب رجل لجل الفايده [/poem] |
شاعر بني عبس/عيد بن عوض بن مربح القلادي
شاعرعلم من فطاحلة الشعر شاعر قلطه وشاعر نظم يقول [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] بديت بآسم مكون الأنـس والجـان=بأسمه يعاهـد كـل جـنٍ مـرودي وردٍ علـى ماقالـه فـلان وفـلان=ضعوف النفوس اللي تغث الكبودي تاريـخ متجـرد وتأليـف عميـان=كنه علـى ظلـم العبـاد محـدودي أخص من سطر بالاحقـاد ديـوان=حقود والمصـدر كتابـة حقـودي اليا أنعدم مبدى العقيـده بالانسـان=يقـدر يسـوي مايسـوي اليهـودي ولأهل الوفا والصدق شكراٍ وعرفان=وتحيـةٍ عطـره وبـاقـة ورودي نعم رشيدي من بني عبس غطفـان=من قيس ابن عيلان شجرة جـدودي تحت مسمى عبس واشجع وذبيـان=تلقى عنا ويني ومجـدي وجـودي هرجٍ على صدق وحقايق وبرهـان=حقايـقٍ تدمـغ دمـاغ الجحـودي حقايقٍ تروي معانـي خبـر كـان=بخطوط كوفيـه بصـم الحيـودي حصل المنافس والسبب سبة حصان=سبة فرس وحصان راحت فهـودي وجانا بغا التركـي ودارن الاكـوان=دون الكرامه والوطـن والعـدودي ومر الجفاف وراحوا البدو فرقـان=كل ٍ طوى بيتـه بظهـر القعـودي وزاحوا لنا من غبر الايام فرسـان=احدٍ حـدر وأحـدٍ توجـه سنـودي شالوا على فلك البحـر لأم درمـان=يبـون وديـانٍ سقتهـا الرعـودي ثم استقـروا بيـن كسـلا وحلفـان=يتلـون شـف مطيـرات البـدودي ونزلٍ نزح للسيف راضي وقنعـان=مـن البحـر للدبدبـه للنـفـودي قوم ٍ لهم في ساحة المجـد ميـدان=يـوم ان كـلٍ دون حـده يـذودي صالوا وجالوا واستقـروا بهـدلان=دار الصباح اللـي تلـم الوفـودي ونزلٍ تورث منزلـة عبـس بأبـان=ونزلٍ بوادي السر سوى السـدودي وفي كل دار ألنا مـوارد وعربـان=وتاريخنا بارض العرب له وجـودي وحنـا بقينـا بالمنـازل والاوطـان=بأقسى الظروف مواصلين الصمودي ترمز لنـا الكفـه هويـه وعنـوان=الناس تعـرف والعوانـي تـرودي يوم الجزيره بين تسعيـن شيطـان=نطعن ونطعن دون هاك الحـدودي من المدينـه حدنـا ضلـع حبـران=مايمرها الا مـن خضـع للقيـودي ومن حرة الكوره لشرقـي مرغـان=بعد امرنا يردون ماهـا الـورودي ومن ذاق ضرب سهونا راح ندمان=يمـوت مافكـر بلـم الـجـرودي اسلاحنـا قـو العزيمـه والايمـان=والا عددنـا بالحسـاب مـعـدودي ودخيلنا ممن عن الضيم مـا يهـان=وسلامته نبـذل وراهـا الجهـودي وخوينا مايكظـم الغيـض زعـلان=وقصيرنـا نعطيـه حـقـه وزودي حنا هل المعروف ورجال الاحسـان=قومٍ نجود اليا أنعـدم كـل جـودي وأمجادنا غصبٍ على كل مرضـان=شعاع ذري في عيـون الحسـودي ويوم ارسل الله مسلما لم الاخـوان=سرنا ورى صقر الجزيره جنـودي من ضمن جيش الفيصلي نسل عدنان=والله يشهـد والخلايـق شـهـودي وننعم بحكم محاسبة كـل غلطـان=ولا عاش من يجرح كرامة سعودي [/poem] |
أبا عبدالرحمن أشكرك على كل جديد
وإن كنت في نظري الخاصة أن شاعر عبس هو مرشد البذال العجرمي لأن قصيدة حوا عبس وبني رشيد بشكل عام سلما وسمتا وتقاليدا وأخلاقا وأثر على الجميع بذلك واختار لك بعض القصائد . يقول مرشد البذال كان بيني وبين السديري مراسلات شعرية وكانت وسائل الاتصال آن ذاك قليلة فالمراسلة عن طريق البريد او الأشخاص وكنت اتمنى مقابلة السديري والجلوس معه وهذا تقريبا عام 1962م وفي يوم من الأيام سمعت خبرا بأن السديري مريض ثم قيل لي بانه في المستشفى وحالته خطرة ثم قيل بانه توفي ولم يصلني تأكيد لذلك فبعثت إليه بالقصيدة التالية لأتأكد من الخبر نورد الشاهدمن القصيدة ومن ثم رد الأمير محمد السديري ومن ثم نواصل الموقف يقول مرشد البذال: [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] اليوم في قلبي مـن الوجـد لهّـاف=اخطِّف أخبـار الطراقـي تخاطيـف سمعت علم حـط بالقلـب رجـاف=ومسيت من علم الخطر خارب الكيف ياسعود لعلـه خبـر كـل مذهـاف=ما كان يتسب من رجالٍ عواريـف النوم والمطعوم والضحـك ينعـاف=لين افهم المعنى بكـل التواصيـف ياليتنـي لسـراء الأخبـار كشـاف=إلين اسنع وش خبر مكرم الضيـف إما لقيتـه مثـل حـرٍ إبمشـراف=ولا صفقت الكف بالكـف تصريـف[/poem] الى قوله: [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] لي صاحبن يحسد عواريض الأصراف=سمعت علم عنـه مكـروه ومخيـف ياسعود شفي كـان ردت للاشفـاف=علم ينظف مخـزن الشـك تنظيـف يقول مرشد البذال وبعد شهر وصلني الرد من السديري اليكم بعض ابيات الرد: يقول من هو ناويٍ يتبـع القـاف=طارٍ عليه يصرف الشعر تصريـف ما عن في قلبه هوى سمر الاغداف=نجل العيون مخضبـات الاطاريـف قلته ونامن بين وديـان الاشـراف=بالمرتفع بيـن الجبـال المقانيـف جسمي بها كنه على جال ميهـاف=وهاجوس قلبي ناحرٍ يمة السيـف تسابـقٍ قلبـي هواجيـس ارداف=والليل طال وحنَّ قلبي على الكيـف [/poem] الى قوله: [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] ياحسين شب النار واسرف بها اسراف=حتى يصيـر الجمـر فيهـا مشانيـف ومن حب خولان الخضر هاته اجـزاف=واحمس ونسفها على الجمر تنسيـف[/poem] الى قوله: [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] اثر العلوم إضعاف وعلومها إضعاف=وقواههم للشيـن دايـم غواريـف انا بفضل منـزل آيـات الأحقـاف=لاجٍ بظله عن هيـوب العواصيـف[/poem] الى آخر القصيدة. |
يعطيكـ العافيه اخويـ خاتمــ..
موضوعـ رائعـ ومميز... مســــــــــــــــــاعد الرشــــــــــــــيديـــــ... كبوة حصان .. [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] لا عــاد تـــنشد ما بـقى عـــــندي علوم=كـــــل العلوم المبـــــطيات تــخبرها ما جــــــــيتك اشكي ميلة الوقت مزحوم=نفســي ليا ضاق المدى ما اخسرها ياصاحبي كنت امس كنت امس محشوم=واليــــــوم هــج بجيتك واختصرها خـلــك بعيد ابعد من العــــــــــام للــيوم=وادنى من احـــلام النجوم وقمـرها بعــض الكــلام اللي تحــليه مســـــموم=وما كــل كـــف صافحتك تغــــدرها كــــم طــيب ســــــاقـته الاقــدر لرخوم=ويا كــثر ناس تــنخدع في صورها والحــر ما يشــــره على خـــنعة البـوم=الله رفع شـــانه ووطا قـــــــــدرها لــــــو جــيتني كنك على الوجه ملطوم=بعــض الخـطايا عذرها مـا غــفرها عنـــدي تساوت هرجــة العــذر واللوم=هــــذيك ما ابغاها وذيـــك احتقرها زلــه وعـــدت ما حدتــني عــــن النوم=مرت ســلام وبـعد الله كـــــــدرها انــا اعتبرها كبـــوة حصـــــــان ويقوم=وانت اعــتبرها زي مــا تـعتــبرها[/poem] تقبلـ مروريــ.. يمـــ دروبي ـــــك.. |
شكري و تقديري لك اخوي خاتم على هذه الفكرة الرائعة ، شاعر الجزيرة العربية / صقر النصافي ، [poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياعلي خل العيد لم الدناديش =اللى تنظف كل يوم جسدها تبغي تماري ناقضات العكاريش =في كل ملفاح تنقض جعدها العيد عيد الله ولو فات حتيش =من حسبة ايام يمرك عددها نبي نعلمك المساري على الجيش =تمشي ذلولك لين يفتر جهدها خابرك ما انت بضاري للمطاريش =نبيك تونس حلوها من نكدها ليله على مسرى وليله مغابيش =وليله نخلي نومها لمن رقدها وليلة على تمره وليله على عيش=وليلة نوكلك الشحم صيد يدها ياعلي لاجيت العرب لاتجي ديش=خبل ليا جاب السوالف سردها احفظ لسانك لايجي فيه تبطيش =تصبح عيونك كايدات رمدها يجيك من ينشدك نشدة بتفتيش =يبي يسنع هرجة يعتمدها خله يقوم مفلت في يده ريش=يروح منك وحاجته ماوجدها تري دعابيل الخبول الفوانيش =تبدي بما فيها ولاحد نشدها يجيك واحدهم يورش توريش =عجاجته يسبق مطرها رعدها والا لغمقات السوالف مناقيش =قرايه الكلمه على اول عددها تجي سوالفهم بضحك وتبهيش =وقلوبهم محد يفك عقدها [/poem] |
الشاعر خاتم حاضر المهيمزي [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]بيني وبينك ماقـدر الطمـن الـراس =اموت وحيـا بـس مرفـوع راسـي اخـذت بدنياتجـارب مـع الـنـاس =تكـوي ابكيـن فيـه تلقـا الماسـي خمسة عشرعامن وانابحث عن الباس =ضاعن ونا مازلة في عمـق باسـي ولقيت نصف الخلق مجـرم وبـلاس =مليان من هـرج المجانيـن راسـي اسمع كلامي خـل تدلـي الانجـاس =ولاتستمـع للهرج ولقـرق قـاسـي ابعـد وتلقالـي بلقصيـن حــراس =متمركـزن بلعـز والطيـب راسـي ونذرن علي لموت وحمـاي مانـداس =خذها وعـد مشمرخـات الرواسـي[/poem] |
الشاعر/ عوض خيران الرشيدي
[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] غيرت لي عن طرق واخترت لي طرق =طرق الهنوف اللي ذبحني بطرقه أما يحرقني حرق والا أحرقه حرق=وان ماحرقته له نظام(ن) يحرقه ولاعشت في الحيلة ولاعشت في الدرق=ولا تهمت في درقه ولاجبت درقه وياضلع وين الورق مامرك الورق =اللي عيونه تسرق النوم سرقه اللي يخيل البرق لو مابرق برق =وين السحاب ووين غيمه وبرقه عنا بحر غربي وعنا بحر شرق =وخفر السواحل بين غربه وشرقه على قوارب بيض وعيونها زرق =متوقعين انه تجي فيه غرقه والرب واحد والبشر بينها فرق =يبين في دينه ودنياه فرقه والطيب زرقة رمح وأن مارقيت ارق =قبل تموت وسبت الموت شرقه[/poem] |
خاتم المهيمزي
يعطيـــــك العافيه ع الفكره الحلوه ........ الشاااعر محـــــــمد المويزري الرشيدي [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يا طير لو جنحانـك عـراض وطـوال=وثـقــال مــالاعــت مــتــون الـهـبـايـب ادرج ولــك بـيـن السـمـاوات مـدهــال=واغسل همومـك فـي كمـوم السحايـب لا صرت معطى في عيوني ولا زال=مـحـروم لاتـنـزل عـلــى كـــل نـايــب خل الأراضـي لـو بهـا الصيـد يختـال=وجبـالـهـا مـاكــر ومـربــا ونـصـايـب الـعـز لــو بـيـن عـلـى روس الأقــذال=ماطابـلـك لــو قـالـوا الـنــاس طـايــب مـادام مــن فـوقـه لــك بـيـوت وآمــال=إن كـــان مـاتـبـنـي ثــريــاك خــايــب الأرض من خلقت على كف الأهـوال=عـجـايـب وياهـولـهـا مــــن عـجـايــب لــك فوقـهـا بـيــن الـطـواريـح حـيــال=ولـك كـف عايـب بـس ماهـو بعـايـب يازنـك فـي درهـم و ديـنـار و ريــال=وأنت الكرم وأنـت الجـروح العطايـب حـتـام وجــروح الآوادم عـلــى جـــال=ماحـصـلـت حـتــى كـفــوف الـقـرايـب غنيتلـك والضيـق مثـل أشهـب الــلال=فـي صـدري ونفسـي ضماهـا كتايـب لـو مـربـك مـامـر فــي ممـحـل الـبـال=شابـت قحوفـك مـن شبـاب المصايـب[/poem] |
طبعا انا بدخل باسم الوالد عوض بن رفاع المهيمزي قصيده لاخيره في حفل المهامزه في عيد الفطر المبارك 1431
[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] يا غافل شوف السجن كم فيه مسجـــــون= الله يكافينا جميع المصايـــــــــب اغواه بليس وابليس من الرب ملعــــون= كم واحد اغواه لو كان شايـــــب وشوف الحوادث كثرها وش تعــــــدون =وبسبابها راحت كثيرالقريـــــب وشوف المستشفى فيه ناس يصيحـــــون =الي معوق واكثر الناس عايـــــب وشوف مستشفى لاعصاب كم فيه مجنون =كم العدد غير قسم الحبايـــــــــــــــب ياغافل الله خلق لك قلب وعيــــــون= ماتشوف في عينك كثير العجايب والله غفور ويرحم كل الي يتبون =ويقبل طلب الي من الذنب تايــــــــــب صل الفروض ولا تصير محزون= من قبل يحط من فواق راسك تصايب حنا نحارب سلسلت كل شارون= مير البلا السم بلبطن ذايــــــــــــــب حنا في حكم مطوعت كل فرعون= اللي حكمها فوق روس الركايـــــــتب تحكم بحد السيف وبا الشرع يمشون= وضد المعادي يوم وقت الحرايــــــــب وصلو على المختار يالي تصلون= وعداد ما هبت هبوب وسحايـــــــــــب [/poem] |
أشكر كل من شارك بهذا الموضوع بيض الله وجيهكم وأتمنى تنسيق القصايد ومن لايعرف ينسقها يكتبها بدون تكبير ولا تلوين كي يسهل علي تنسيقها ولكم خالص الود والتقدير الملحمة الرشيدية لمؤلفها الشـــــاعــر حميد فحيمان الذيابي الرشيدي [poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] حل نجع من بنـي عبـس وسـار=وقر في ربـع الجزيـرة واستـدار دار بيثـرب بناحـيـة الشـمـال=غربي البيضاء إلـى وادي البيـار حدنا وادي الرمة من صوب نجـد=من ورا ضرغط ونقصر عن قفـار هـي منـازل قيـس دار أجدادنـا=يوم ينزل في حجـا تلـك الحـرار قبلـة الحـرة لنـا ميـة جلـيـب=من روات عدودنـا عتـق الآثـار أصلنـا عدنـان بالقـول الصحيـح=في سعد وفي مضر وفـي نـزار واصبحوا حزبين في حرب الرهان=حرقوا مـن بينهـم عـود العشـار شـد ميـزان الحرايـب واستقـام=في زعامـات البـداوة والحضـار وأقتتـل غطفـان فيـمـا بينـهـم=يود داحس فـاز علـى أم الغبـار جبت لمحة مـن بطـولات عظـام=ماخفتني لكـن أحـب الأختصـار سل رشيد الزول وش سـوا ذيـاب=في نهار فيـه قصفـات الأعمـار يـوم سبـع رجـال قتلهـم جميـع=وامهـل الثامـن لـرد الأخـبـار وتبعه صـوب التـلال المظلمـات=وذبحه ما فـاد بـه نقـل الحـذار وبالسليلـة حاربونـا نـص عـام=ليـن دم الزلـم غـيـر بالثـبـار من بني رشيـد صـارت شارتيـن=حفظة الواجـب وفكينـا الحصـار سل ضليعات التمـة عـن السبـور=قضبوهـن قبـل ضيعـات العيـار يوم شيب الهجن جهزهـن سـرور=واعتزاء في صالحة عنـد المغـار معه اخو حسنه اليا هـاب الذليـل=قاد عقب ذياب إلى سبـاع الديـار واختلط جيش العـدو مـع جيشنـا=واختلـط كبـوا الفتايـل والغبـار وأخذوا ذود العـدو مـن ديارهـم=اخذوها غصب في وضـح النهـار ردوا الصادر على حوض الـورود=كفكفوهـا ماطلـع لــو حــوار وضربوها مع ملح عسر الـدروب=وقسمت بالصلصلـة مابـه انكـار وصار خمس الكسب بأعداد الألوف=غيـر مـن نفـل زيـادة بالسبـار كل واحد نـال لـه سهـمٍ جزيـل=من حلائب حرب صليبين الأشـوار سل جنوب شمذ عن لـم الجمـوع=فاز اخو عيفـاء بزينـات المثـار طش سبعة مـن غـزاة المعتديـن=عند ابـن عمـه ولاخـان العيـار سل شعيب عند غمرة مـن جنـوب=يوم سيل الدم وصل أعلى الجـدار طش راس الشيخ بالسيـل الدحـوم=عشقته لبست علـى فقـده سمـار سلم رجومٍ سميـت بأسـك عقيـد=في مطيحه ركزوا كـوم الحجـار ربع ابن هادي على صوت الرمـاه=جو من الحرة كما شروق الحـرار ضربوه سليـع فـي يـوم عبـوس=وبالزريب الوعر صار الأنحشـار سل حميرا يـوم صبحنـا القطيـن=ديـرة قشـرا ومنازلهـا وعــار انشهد هديان اخـو هـدوى العنيـد=يوم لاقا قبضهم فـي جـال غـار يوم جـا يسمـع كـلام السامريـن=في لقاح الجـو والطلمـاء غتـار واصطدم في بطل قضـبٍ باليديـن=ولابسه مثل البطـان مـع الـزوار وقـده هديـان بالحـد الشطـيـر=مااطلقـه خلـى مصارينـه نثـار سل شعيب سمـي الـواد الخضـر=ماعلينا مـن كـلام الصـح عـار يوم ذبـح الشيـخ قـدام الوسيـق=وانتحوا بالوضح هاديـت المسـار سل شعيب جبار عن لـم الجمـوع=يوم شالح صدهـم شرقـي جبـار كسبنا سعفات مـن جيـش الغـزاة=عند مصلح ما بهـن هجـن ثبـار شف تواليهـن الـى يـوم الشهيـد=هرجنـا بالصـح ماهـو مستعـار سل شريفة يـوم لاقينـا الجمـوع=من قريب الرمي صار بـلا عيـار اعتـزا جاسـم بعزوتنـا القـديـم=قال عبس اليـا قـدح بالجـو نـار وانتخوا ربعـه وقالـوا حاضريـن=من شروق الشمس حتى العصر دار عن جنوب البـل يصـدون الغـزاة=عند ذود الشيـخ صـار الأنتحـار البويضـاء عقلـوهـا للصـمـود=لين فكينـا السـوار مـن السـوار وقامت العرجاء على المنثر تحـوم=ربعـت عاميـن ماراحـت بـدار سل شعيب الحسو عن صد الجموع=بالقفـوش الشقـر شبينـا الشعـار فـي معادينـا تعشـى الحايمـات=وعندنـا للمعتـدي كسـر اعتبـار سل عقيد يـوم جانـا مـن شمـال=أوكـب البيـرق علينـا بانـحـدار مالقى إلا ثنيـن مـن بنـي رشيـد=ولعوا به يـوم نصـر العـز ثـار وعقبهـا حـرم حلـيـب نياقـهـا=يوم شـاف افعـال شبليـن النمـار سل جراد جـاء مـن حـد النفـود=جاه حضرم واجبره علـى الطيـار كـم ذلــول وسمـهـا مخـيـف=لجت الضلعان مـن كثـر الجعـار وسمنا من فوق وسـم أهلـه يبيـن=تظهـر الكفـه عليهـا كالشـعـار سل جليب سمـي الصـورة قديـم=يوم جونـا التـرك فـوق المهـار وذبحـوا شـلاح قهـار الخصيـم=وذبـح عنـده عشرتيـن رد ثـار سل جبـال الرقـب عـن البغـول=الكديش اللي تسلسـل مـن حمـار جـن يجـرن المدافـع طامعـيـن=وماحصل ماراد وصار الإنكسـار من عيال الـزول عطيبيـن الرمـاه=حول التركي عن المدافـع وسـار خلـوا الباشـا و ولـوا هاربـيـن=اعذروا فيهن وهـن نـار وعمـار سل شعيـب بيـن ابانـات الثنيـن=عن نهـار فيـه قصفـات العمـار يـوم جانـا قايـد الجمـع الكبيـر=قاصداً قتل الكبـار مـع الصغـار وحشروه من الخناق إلـى المحيـر=وعاد خاسرٍ من رجالـه والمهـار كل هـذا عـن فعـل بنـي رشيـد=جبت موجز يوم بحر الشعـر فـار كان مايلقى علـى هرجـي شهـود=عاتبونـي كـان ماهرجـي قـرار لين بان اسهيـل واطلـم بالنجـوم=واستقام العدل واللي صـار صـار [/poem] |
لشاعر الجيلين الشاعر الكبير / مرشد البذال رحمه الله [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] قالوا حكوا بك قلت وش هم يقولون=وش قيل فينا يا الوجيه الفليحة شوفوا مرد الهرج وش هم يطرون=حتى نعرف مزوره من صحيحه كان الكلام من المعادي على الهون=بعض المسبة بالمجالس مديحة تجيه عربان ٍ من الله يخافون=عن الظليمة ينصحونه نصيحة لو كل خلق الله على الحق يمشون=كان القلوب من الخطا مستريحة كم واحد ٍ بعروض الاجواد مفتون=و هو سلومه يفضحنه فضيحة و كم واحد ٍ يطعن و هو فيه مطعون=يذم ريح الناس و الشين ريحه بعض كلام الناس تهمات و ظنون=قول ٍ تنميه الوجيه الوقيحة الظلم لو فازوا هله ما يدومون=راع الظليمة لا تباطا مطيحة و الناس هذا الناس من عصر ذا النون=كل س على دربه ركابه مشيحة مقرود يا من بدل اللون باللون=بعض الكلام يحرفه عن صحيحه و الصدق هو و الكذب ماهو بمقرون=كان انها تدرس بلهجة فصيحة ما يمدح الرجال بالشكل و اللون=ابحث معه لينك تعرف القريحة تراك تعرف عنه و انتم تهرجون=يبين لك من كل جود ٍ نضيحة المستريح اللي من الشك مامون=مع كل خلق الله علومه مليحة كم واحد ٍ حي ٍ له الناس يثنون=و ليا توفى قالوا الله يبيحه و كم واحد ٍ لو هو بالالحاد مدفون=ذكراه عند الناس بيضا صفيحة و كم واحد ٍ يجمع كلايين و خزون=مال ٍ تنميه اليدين الشحيحة لا تشكره رملا و لا فك مديون=و لا حل مشكلة النطيح و نطيحه و لا له على جاره من الفضل ماعون=لو ان جيرانه تشوف الذبيحة و كم واحد ٍ جيران بيته يحمدون=للجار ريف و للجماعة منيحة و كم واحد ٍ منه العوادي يخافون=زبن المخيف اللي كثير ٍ فحيحه ربعه نهار الضيق فيه يتذرون=لا جا نهار ٍ فيه لجة و صيحة و بعض الرجال بهم شريفين و عفون=كل ٍ على ما قيل يرجع لكيحة و بعض الرجال بضحكهم يستغلون=يجيبها من نوع زلقة بطيحة هذاك بين له من الهرج مدفون=خله ليا شافك يزين سميحه الهرج له نقال و الرد له شون=مزح الجزع يثر بكبدك جريحة هذا و انا ماني من الناس ملسون=لا شك ارفض من تزايد جميحه قلته و كل الناس غيري يقولون=راع الظليمة لا تباطا مطيحه [/poem] |
شكري وتقديري لك اخوي خاتم على الفكره الرئعة وهذي القصيدة لشاعر الكبير صقر النصافي رحمه الله [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] ياصاحبي ماني براعي مهاداه=اما ارضني والا اجفني واستخيري اما تعال وماطلبناك عطناه=ولاتروح وجعل دربك سفيري من شق شقً ياريش العين يرفاه=وانت الذي شقيت خافي ضميري تضحك وانا صملان قلبي مطواه=وتقول لي لين الفلك يستديري ماني بمن يطرد سراباً بمضماه=شاف السراب ويحسبنه غديري عيني على شوف الولايف مخباه=جزوع لاجاه الجفاء من عشيري مايستوي حبٍ بليا مراضاه=بيني وبينك يالغضي مايصيري [/poem] |
رد: شعار من بني رشيد(أدخل بسم شاعر أو شاعره من القبيله)
من معلقات شاعر الحكم والنصايح [poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="outset,8,burlywood" type=2 line=0 align=center use=ex num="0,black""]الشاعر الكبير / مرشد بن سعد العجرمي الرشيدي رحمه الله بواسع رحمته مع الابرار واموات المسلمين قـال الـذي زيـن المعانـي قطفهـا=أمثال مبداهـن عـن الشـك مفـرود امثال عنهـن قاصـر العـرف يفهـا=من حيث درب العرف طلعات وصعود لو كل مـن قـال المثايـل عسفهـا=ماصار نقص(ن) بالمعانـي ولا زود والبنـدق العوجـا تجنـب هدفـهـا=لا صار منظرها عن القطـر مصـدود وغاية جميع الخلق محد(ن) عرفهـا=رضا جميع الخلـق ماهـو بموجـود لاشك تـدي كـل نفـس(ن) نصفهـا=وترى كلام العدل يظهر لـه اشهـود من رابـع العقـال نفسـه صرفهـا=عن تيهة(ن) يشقى بها مابهـا فـود اسمح عـن اللـي تيهتـه ماعرفهـا=مكن يرد ليا لقـى الـدرب مسـدود لومي على اللي تيهتـه قيـل شفهـا=من العيا كنه عـن الرشـد مطـرود نفسه على شيـن المماشـي حذفهـا=اصبح ذميم(ن) لوه من نسل محمـود لايفتخر بافعـال نـاس(ن) وصفهـا=له الفخر كانه وقـف ماقـف العـود ماكـل اجاويـد(ن) تبعهـا خلفـهـا=لابد مايخلـف حمـد سيـرة احمـود كم واحـد(ن) يمـة جـدوده نسفهـا=على الشمـال ورد مـع دربـه اردود درع بأمور(ن) مانشـد عـن كلفهـا=وكدّر سماه وصار بالجهـل مزيـود نفسه غضب غيره لعب فـي شرفهـا=اصبح بخيت(ن) لابس(ن) ثوب مقرود كم واحـد(ن) ربعـه يعـدل عجفهـا=من حشمته صاروا مشاكيـل وفهـود عنهـم مهمـات الأفاعـي كتفـهـا=محد(ن) يجيهم بطش والحق مريـود لومي على راعي مماش(ن) حرفهـا=عن سلم ابوه وسلم جده هل الجـود أقـول لـه دنيـا بـلا مـدح عفهـا=ترى بقايـا العمـر للقـاع والـدود أنتم بثـر نـاس(ن) تقـدم سلفهـا=مرحانها تقهـا خلايـا مـن الـرود هـاذي مبانيهـا وهـاذي اغرفـهـا=بقى العمار وبانـي القصـر مفقـود وغيره بيـوت(ن) للفـداوي ارففهـا=مثل الجبال السمـر والوانهـا سـود محلى حللها عقـب سيـرة صلفهـا=في خايع(ن) نبته له ارقاب واعضود كم فيضة(ن) زيـن المبانـي كنفهـا=يابونها للخيـل عـن مرتـع الـذود قـب(ن) مطاليـب المقفـي نحفهـا=ياما نضح منها العرق نضحة الجـود لامـن كسّـاب الزعيمـه خطفـهـا=صاح الصياح وجاوبه حـس بـارود كل(ن) ركبهـا مانشـد عـن كلفهـا=جنك على الداعي مع الحزم جلحـود كم أبلج(ن) عنـه الجبانـه كشفهـا=خلاّ بجيش القـوم حـاوي ومـردود وكم أبلج(ن) روحه حياهـا قصفهـا=اصبح فؤاد أمه من الحـزن ملهـود هاذي وصوف اللي تقافـت اصففهـا=يوم الهوى عـدل(ن) لركابـة القـود واليوم ترحـم حالهـا مـن ضعفهـا=ماكنهـم شيفـوا بمربـاع واعـدود مضما البكار اللـي تنفّـض اشعفهـا=لو تنحره عينـت بـه ريـد وهنـود قلّـي عـلام الوقـت هـذا صدفهـا=وأقول لك هذا آخر الوقـت مشهـود محد(ن) تصاريف الزمـان أكتشفهـا=تغيرت سلم(ن) على الخلـق مقـدود دنيـاك بالغفـلات يضـرب طخفهـا=لمحة بصر ماله سنا بـرق وارعـود غـدارة(ن) لـو ضحكتـك بطرفهـا=تراك عقب الضحـك ببكـاك ماعـود ان اقبلـت قامـت تمشـط ازلفـهـا=هنوف عرس(ن) طيبها المسك والعود وان ادبرت شفت الكدر مـن حرفهـا=تمسي تسيد وتصبح الصبح مسيـود[/poem] |
رد: شعار من بني رشيد(أدخل بسم شاعر أو شاعره من القبيله)
الشاعر /عايض باين المهيمزي الرشيدي
[poem=font="simplified arabic,6,darkblue,normal,normal" bkcolor="transparent" bkimage="" border="groove,8,gray" type=2 line=0 align=center use=ex num="0,black""] يوم كلً عارضً له طيف في مرقاده=أتحرى من رفيق السؤ يلوي ردني طالبك عفوّك وسترك يامجير اعباده=لاإله إلا أنت من فضلك وعلمك زدني وأكفني من حضرة الشيطان والحساده=ياكريم الوجه من ثوب الردى جردني من سلب مال اليتامى ينقصه مازاده=مادرى عن ويش حكمه لين يومه يدني ومن هجا الأجواد ظلم مورثه لأحفاده=يا الله أنك تحرمه من ريح جنة عدني أنت ياللي تحسد الطرقي على مقعاده=مابقى الأ تقول ياوجه القشر ساعدني الحقيقه واضحه وأنا كلامي ساده=كل خلق الله تشيل اذنوب لاتقصدني البعير ليا تثنى ويش أبي بشداده=ياوسيع العرف لاتبخل عليه فدني ماتبي هذا السؤال وكثروا النشاده=قدر معنى الصمت قبل أنشدك لاتنشدني لاتفاخر بالكلام اللي ضعيف أسناده=كان ماصدرتني من خير لا توردني مابقى للعيد الأول غير ثوب أحداده=ويش تبغى بالعزاء بالمقبله عايدني أعتزي بالمستحيل المنتهي با أسياده=ياصلاح الدين بعد المعركه جندني كلهم شعار ابو سلسال وأم اقلاده=بس منهو منهم اللي بالخطأ ينقدني يازماني ماش من ريش النعام اوساده=دام أنا قبطان من موج البحر وسدني أبا أوآصل سير نبراس الزمن وأمجاده=ماقضيت اسنين عمري في مدينة سدني ولا دعاني يوم طوني في حفل ميلاده=كل هذا لا يشرفني ولا يسعدني ابدوي يقدح من الصّوان نار ازناده=مات جده ماتسدح بالقرى والمدني [/poem] |
رد: شعار من بني رشيد(أدخل بسم شاعر أو شاعره من القبيله)
الشاعر الذي ظهر صوته في أرجى القبايل و البلاد وهو فهد بن ناوي المهيمزي وهذه من قصايده وهي بعنوان// مال الجزيله بين الأضلاع مقيال ,,, والكلب باسط ساعده في وصيده .. نُصرةٍ لـِ عائشه ..! لي خافقن .. غنى من الضيق مـوال وأجثت عليه .. المظلمات الشديده من ضيقته .. مر المنازل والأطـلال يراجع أوقاتٍ .. مضتلـه سعيـده يومه .. على قحص المغاتير رحـال يدوا .. الديار المدهـره والجديـد هاض وتغنى .. وأنضوت فيه الأمثال و أضناه علمن .. بينّتـه الجريـده علمن تغنابه .. خبيثيـن الأعمـال من لجته .. سقت البيوت الفريـده نذرن عليـه .. والمناذيـر تنقـال أني لا أشوتل .. في نحرهم قصيـده وأحطهم .. منزال بقعاء والأهمـال وأخمهم .. خم البهـم والطريـده بلبس .. المخطي تراكي وسلسـال وأطوع .. أفكارن هفتبـه عنيـده وأجربعه .. بين الفيافي والأدغـال وأعلمه .. كل العلـوم الأكيـده ما للجزيله .. بين الأضلاع مقيـال والكلب .. باسط ساعده في وصيده كلبٍ .. تمقنا بين الأوباش يختـال لا لزمت .. عند المواقف شريـده منحط قدره .. للهزيـلات شيـال شفت اللعانه .. روبعت في وريـده ملعون كتره .. للمفاليـس نقـال زنديق هيسٍ .. لعن جده وسيـده جانا تمخطى .. شايل الحقد يجتـال مدري وش اللي .. بالغلط مستفيده سب العفيفه .. وأنبرت منه الأقذال وأقفى يدحج .. بالهروج الزهيـده يلعنه ربٍ .. للصعيبـات حـلال ربٍ .. حقر كل العقـول البليـده ربٍ .. تعالا يكفي السيل لاجـال ربٍ .. تجـلا دان لـه مايـريـده وياعايشه .. دونك صناديد وارجال ماضكهم .. حدب الجبال الصليده لالا يهمك .. هافي القدر لا مـال لالايهمك .. هرجةٍ مـن رصيـده يامفخرة .. كل العروبه والأجيـال ياحافظه .. بيت النبـي والعقيـده محشوم قدرك .. يافرح كل الأطفال يأم الفعول .. الطيبـات الحميـده ويالله .. يامنزل تبـارك والأنفـال ياغافـرن .. زلات جملـة عبيـده يامبدلن .. حال المخاليق بأحـوال با المختصر .. يارب جملـه مفيـده أنك .. تطربقها على روس الأنذال وتلفهم .. بين القهـر والضهيـده وترقهـم .. رق المهانـه والإذلال وتحطهـم .. بالمضنيـات الوقيـده |
رد: شعار من بني رشيد(أدخل بسم شاعر أو شاعره من القبيله)
لرفع....................
|
رد: شعار من بني رشيد(أدخل بسم شاعر أو شاعره من القبيله)
صح لسانك ومشكور اخوي على القصيده الرائعه..
|
| الساعة الآن 03:41 AM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host