منتديات قبيلة المهيمزات الرسمي - إعوضك عن بارد الوجه جربوع

السلام عليكم ورحمة الله وبركاته
أسعد الله أيامكم بالمسرات جميعاً
أيها الأحبة
من الجديد مجاراة لأربعة ابيات ارسلت لي برسالة على الجوال في الغلط ولا اعرف لا صاحب هذه الأبيات أو القصيده إذا لها بقيه ولا أعلم هي للمرسل أو لغيره وربما تكون لغيره
وهذه الأبيات وياليها المجاراه عسى ان تنال إعجابكم تروي ذائقتكم الشعرية الراقية

الابيات

[poem=font="simplified arabic,6,black,bold,normal" bkcolor="transparent" bkimage="" border="outset,8,burlywood" type=2 line=0 align=center use=ex num="0,black""]
أهل العلوم الطيّبه هم تجاره=هم راس مالي زاد نفسي عن الجوع
عود الخشب واحد ويفرق خياره=نادر وجوده والثمن فيه مرفوع
لا من بدااللازم تطاير شراره=والا كما سيل تحدر وينبوع
يالله لاتطفي للاجواد ناره=وتجعل لهم من خيرة الخلق شافوع
[/poem]

وهذه المجاراة

[poem=font="simplified arabic,6,black,bold,normal" bkcolor="transparent" bkimage="" border="outset,8,burlywood" type=2 line=0 align=center use=ex num="0,black""]
الطيب راع الطيب يرفع وقاره=مهو على كل المطاليق ممنوع
الغانمين إلهم مواري وشاره=تفرق بهم فرق الثريا عن القوع
اسند على اللي مايهاب الخساره=اللي بوقت اللازمه فيه منفوع
وإلا الردي ماينفعك بإعتباره=إعوّضك عن بارد الوجه جربوع
من رافق الطيّب سلك مع مساره=ومن رافق الخيّب من العز مصروع
وثنتين عوق اللي بكبده مراره=الفقر هو القهر والعمر منزوع
وثنتين دون المحكمه والأماره=عرضك ومالك حفظهن حق مشروع
والنار تكبر والبدايه شراره=ولازالت النخوه لها يوم وافزوع
هذا كلام اللي موثّق قراره=الشك بجذوره من النفس مقطوع
ماعيروا جده بضيفه وجاره=وراس الخوي مرفوع مهو بمخنوع
ميزة تفوّق نادره بالجداره=ماهي بمسبوقه ولا مثلها نوع[/poem]

وسلامتكم من كل شر