سـمـــوّ الحــــبّ
 

[poem=font="simplified arabic,6,black,bold,normal" bkcolor="transparent" bkimage="" border="groove,8,gray" type=2 line=0 align=center use=ex num="0,black""]
يا عيون اللي تعنوا عاشقينه=نادرٍ ما ينزل الا راس قارة
حددوا وقت العبور مدورينه=و احسبوا له و استعدوا لانتظاره
الشبك قبل الصباح مجهزينه=و أفلسوا من صيدته تالي نهاره
مرهم تحت السحاب موصفينه=طايرات الميق في تنفيذ غارة
وينهم عن ما هوت نفسه ؟ و وينه=عقبه الصقار جاز من الصقارة
القواسم تشترك بينك و بينه=بالنزاهة و النظارة و الندارة
يا طراة العمر يا لذة سنينه=يا سموّ الحبّ يا رمز الطهارة
وش يقول اللي تهل الدمع عينه=من مشاعر صادقة ما هي عيارة
كل حرفٍ من حروفك تكتبينه=في مدينة حبنا يبني عمارة
كيف سطرٍ بالوداد تسطرينه=ميّزه ذوقك و ذوقك بالصدارة
كل سطرٍ من سطورك عن مدينة=أحلى مدن أزورها و أحلى زيارة
بس ضاعت فرصة العمر الثمينة=حلم الأرباح انتهى بأكبر خسارة
من شكى نار الفراق الله يعينه=كل يوم الذكريات تزيد ناره
تمضي الأيام و أيامه حزينة=ما سمع علمٍ يبشر بالبشارة
بين هم اللي جفاه و لايمينه=مثل مسجونٍ تمنى شوف داره
و الضنين اللي تغرّب عن ضنينه=يحسبنّ الصدّ و الفرقا شطارة
قولوا انه له حبيبٍ في يمينه=من غزير الدمع يكتب له عبارة
و الله ان الروح ما زالت رهينة=و ان ما عنده على الفرقا جسارة
كيف يجسر و يتسلى عن حنينه=بعض الأشياء ما تجي له باختياره
بس يمكن شاف ما حقق يقينه=و التجارب تعطي الألباب إشارة
شاف شيءٍ سابقينه شايفينه=خبرة أهل الحب تخبر عن مساره
الهوى معروف عند مجربينه=حاليٍ مبداه و آخرته مرارة !!
[/poem]

رد: سـمـــوّ الحــــبّ
 

رد: سـمـــوّ الحــــبّ
 

رد: سـمـــوّ الحــــبّ
 

رد: سـمـــوّ الحــــبّ
 

رد: سـمـــوّ الحــــبّ
 

الشاعر /معيبد بن شعبان

الحمد لله على السلامه وعوداً حميدا ان شاء الله

وصح الله السانك ملايين ولايستغرب عليك الابداع

ازكى تحيه

رد: سـمـــوّ الحــــبّ