كنت أعد أصحاب عمري
 

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أن سألت تقول ضايق تراي أقول أيه = والا أنا ماني بضايق ولا مرتاح بال
كل صوتٍ لا صفق صوح رده يقتفيه = بس مال الهرج خانه اليا طال الجدال
بأختصار العلم واضح ويا أنفسهم خذيه = مل كثر العقل عقلي وفكيت العقال
يامتسلحة التماثيل بلطان الوجيه = ياعشاشيق التفرعان في سهود الليال
كنت أعد أصحاب عمري على ماكنت أبيه = وأثرني نادر مبادي سموي مايطال
سامح الله نية الطهر والطيب النزيه = كيف خابت هقوة الفطن يوم الدرب طال
السؤال أسهل من الماء وسر الماء شبيه = بالأجابه والأجابه على فهم السؤال
ماتناقص أي طيّب وأجل مثلي سفيه = بس عدّيت الكثيرين بسفوح الجبال
الردي يأخذ وعلمه على ما أعطاه أبيه = ولايساوون الزناتييت بأشباه الرجال
والمدى اللي في مساريه ذيداني تتيه = معذوره بس أنا ذاخرن قرم العيال
ماتزعز يوم غيره ضلاله يحتديه = واحدٍ يجفل من الناس لا قالوا تعال
يحسب أنه كل هزلٍ هو المقصود فيه = ويحسب أن الناس مثله وهو مضرب مثال
السراب يغر جاهل ولا يغري نبيه = والعزيز أن ضاق صدره تناديه الطوال
يستر الله كل مستور حالٍ ماتجيه = بس ربي يفضح الخبل لاجاله مجال
والختام أن صاموا أصوم والأجر أرتجيه = وأن تمادوا زدت شومه وقطعت الحبال
[/poem]

رد: كنت أعد أصحاب عمري
 

رد: كنت أعد أصحاب عمري
 

الشاعر العذب / عبدالله عواد

صح السانك مدد بلا عدد على هذه الجزله

والحقيقه كان ودي اختار بيت لأضعه هنا ولاكن وجب علي ان اختار القصيده كامله

بأنتظار الجديد

ازكى تحيه

رد: كنت أعد أصحاب عمري
 

رد: كنت أعد أصحاب عمري
 

الله الله يابو عواد

صح لسانك ي مبدع حقا مغاير

تثبيت تستاهل

رد: كنت أعد أصحاب عمري
 

رد: كنت أعد أصحاب عمري