![]() |
نمشي من الملوي على حزة اعصير
بســــــــــــــــــم الله الرحمن الرحيم
االسلام عليكم ورحمة الله وبركاته ابيات وجهتها لشاعر محمد معلث الرشيدي ------------------------------------------ سر ياقلم واكتب على الطرس تعبير وسلم على اللي داعي الطيب داعيه سـلـم عـلى محمد زبون المخاسير اللي سنام الـطـيـب يـسكـن شواطيه مـن سـاس قـومـآ لـلـمنـايا طوابير عـدوهـم تـفـقـد اديـاره مـواطـيـه قـلـه حـلات اليـوم روس الشناظير في خـاطـري ولا الـزمن مانجاريه نمشي من الملوي على حزت اعصير ونـمـشـي سنـود وكل قـافـآ نغـنـيه وبالراس الابيض نزل العفش يالزير ونسوي الفنجال با احسن خباريه والليل قمراء والسوالف مسايير ونحاكي الغربي مع الليل نسريه وعقب صلاة الفجر مع سرحت الطير يازين فـنجالآ عـلـى الجـمر حـاضيه وقبل طلوع الشمس نسرح على خير نـمـشـي عـدال وكـل رجـمـآ انعـديه ونـشـوف مدهـال البدو والمغاتير ايـام فـاتـت كل وقـتـآ ومـاضـيـه هذا المنى بالقلب ورد اومصادير ولا الـعـمـر يفـنى وتـبـقى حكاويه وياكاتب اكتب وارسله بالتقارير وده لـمـن طـيـبه يـسـانـد هقـاويه ====================== مرد الشاعر محمد معلث الرشيدي ------------------------------------ هات الورق ياعبيد من غير تأخير ابغاء القلم بالحبر الازرق يحليه رد السلام لصاحبن منهجه غير اللي على سلطان نجله مسميه الذ واصفى من العسل بالقوارير عن الشوايب قبل يهداء مصفيه يامير لك شكرآ وتقدير يامير مع كل ذعذاع النسانيس نهديه خذها هدية صاملآ مابعد دير مواقفه عند الرجاجيل تحميه من بعدها يامير باقول واشير عساء القراء غر الروايح تمسيه لستوى فوق الحلي والعثامير يرخي هماليله وبروي ضواميه لوكان مالي بالقراء شاة وبعير يامير جعل الوسم صبحآ يساقيه ابـغـاء الـرصـاد يـوثـقه بالتصاوير يوم الحصى من راس الابيض يدربيه مـايكـف لـين يـمزر الـلـوب تـمـزير حتى الجحف والعبد الاسمر يساويه ولايخطي الملوي يصوبه شخاتير سـيـلـه يضايق بطن دعـبه اواديه مايضر من حوله به النفع والخير مـامـات مـن عـرقـن يـعـلـه ويحييه |
رد: نمشي من الملوي على حزة اعصير
صح الله السنتكم جميع
|
رد: نمشي من الملوي على حزة اعصير
صح لسانك ولسان محمد معلث
|
رد: نمشي من الملوي على حزة اعصير
صح السانك يابو سلطان وصح السان ابن معلث
|
رد: نمشي من الملوي على حزة اعصير
صح لسانك وعلى شانك
|
رد: نمشي من الملوي على حزة اعصير
صح لسانك ابو سلطان
ولا يهون محمد معلث شوقتونا وابدعتو |
الساعة الآن 11:35 PM |
Powered by vBulletin® Copyright ©2000 - 2024, Jelsoft Enterprises Ltd. Supported By Noc-Host