منتديات قبيلة المهيمزات الرسمي - تهت بطريق وهاجس القلب ناداه""

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى الشــعر الشعبي ► (http://www.almohemzat-abs.com/vb/forumdisplay.php?f=36)

- - تهت بطريق وهاجس القلب ناداه"" (http://www.almohemzat-abs.com/vb/showthread.php?t=28826)

تهت بطريق وهاجس القلب ناداه""

تهت بطريق وهاجس القلب ناداه
وأن جيت ابنشد عنه انا ويش اقولي
ياقلب عطني رايك اللي تورآه
قبل افضحك ياقلب ونشد عذولي
قال اصبر اصبر والحقايق مغراه
بالك تسرع بالخبر لو يطولي
قلت انت دايم وانت راعي مراواه
ساعتك حوليه ونا ضاق جولي
قال اكثر اقلوب النشاما معناه
ولابه سليم هموم غير الخبولي
والله مايرتاح طيب بدنياه
لا شك لسرار النشاما قفولي
وكبر دليل ابيات شعر(ن) قريناه
ويش السديري بالمثايل يقولي
اللي ذكر قايت كلامه ولا ابداه
يخاف من عوجن عوجها تطولي
ونا كتبت ابيات شعر(ن) مقطاه
تضمنت رمز(ن) بعيدن وحولي
لا سمعها الجاهل بها تاهت ارياه
وعليه من كثر النواحي تطولي
وان سمعها العاقل بها الدرب مغواه
ونا بها ابخص كان مغويت قولي
لو أن قلبي كاثراتن نوياه
وعقب التبجح صايرن به جفولي
لو مخلف السيره ولا غير ارياه
وقلب(ن) وفي(ن) مع هذاك وهذولي
شعر:رشيد سليمان(ابومحمد)