" اخذت لي في مقعدي سبع دورات " للشاعر نشمي زامل الرشيدي
 

قصيدة الشاعر /نشمي زامل الرشيدي


اخذت لي في مقعدي سبع دورات
مدري عﻻم الراس مخه يدوري
مدري عروق الدم وﻻ الكريات
وﻻ انتهت اسنينا والشهوري
والناس لو تبكي على كل من مات
مافاقده غير أهله والبزوري
الي جاء من يعزيه يقول هيهات
هذا البقيع اموسعا للقبوري
والعبد لو يأخذ بدنياه عبرات
ما غرته فيها كثير الغروري
لكان تأخذنا الليالي بغفلات
لما نشوف الموت جاله اسبوري
أول اسبور ولع الرآس شيبات
ثم ادبحت اكتافنا و الظهوري
والعين ماتلقي مع الخد نظرات
قصر نظرها والضرير معثوري
وحتى الضروس اللي من اول قويات
متبينا للسوس فيهن إجحوري
والرجل فيها حيرتا عقب سجات
كأني على المشي القريب امعسوري
اقطعك من دنيا ولو فيك طربات
مثل عميلاً في عميله يبوري
لو ذقتبك حلو الليالي ولذات
مشيك سناد ومشينا بالحدوري
أوصيك في دنياك ياطيب الذات
خمس الركون مكملات الطهوري
أول بدايتهن تراها الشهادات
وأخر نهايتهن يسمى معموري
مع ماتيسر من نفائل وصدقات
وبالوالدين أوصيك خلك بروري
يالله يارب الحروف العزيزات
يأ منزل القرآن زين السطوري
يامنزل الصحف العزاز الشريفات
فرقانهن وأنجيلهن والزبوري
عسى لنا عندك منازل رفيعات
في يوم توزيع العمل و الاجوري
ياللي لك الاسماء الحسان الحسينات
رجواك ﻻ تطفي مع الخلق نوري
أرجوك تجعل لي رفيع الدراجات
يوما قليل الدين غير معذوري
وأنا لساني به خطايا وزﻻت
وألو ذبك يأ من لعبده غفوري
يامخرج أهل النور من الضلامات
يامبشر المؤمن بيوم السروري
ياللي رجمت أبليس في سبع حصوات
لين كملت تسعه مع أربع اعشوري
رحماك ياكاسي عظاما عريات
يوما به الكفار تدعو ثبوري
أرجوك عفوك بالليالي الخليات
ومن بعدهن تدعى البشر للنشوري
وتمت عدد ما اترتل احروف الايات
بتنوينهن وسكونهن والكسوري
على النبي مني سلام و اصلاوات
عداد مايخرج نبات البذوري