منتديات قبيلة المهيمزات الرسمي - قصيدة تعبر عن تاريخ عبس

بـديـت بـآسـم مـكـون الأنــس والـجــان
بأسـمـه يعـاهـد كـــل جـــن(ن) مـــرودي
ورد(ن) عــلــى مـاقـالــه فــــلان وفــــلان
ضعوف النفوس اللـي تغـث الكبـودي
تــاريـــخ مـتــجــرد وتـألــيــف عـمــيــان
كـنــه عـلــى ظـلــم الـعـبــاد مــحــدودي
أخــص مــن سـطــر بـالاحـقـاد ديـــوان
حــقــود والـمـصــدر كـتــابــة حــقـــودي
اليـا أنعـدم مـبـدى العقـيـده بالانـسـان
يـقــدر يــســوي مـايـســوي الـيـهــودي
ولأهل الوفا والصدق شكـر(ن) وعرفـان
وتـحــيــة(ن) عـــطـــره وبـــاقـــة ورودي
نعـم رشيـدي مـن بنـي عـبـس غطـفـان
مـن قيـس ابـن عيـلان شجـرة جــدودي
تحـت مسمـى عبـس واشجـع وذبـيـان
تلـقـى عـنـا ويـنـي ومـجـدي وجـــودي
هرج(ن) على صـدق وحقايـق وبرهـان
حقـايـق(ن) تـدمــغ دمـــاغ الـجـحـودي
حقـايـق(ن) تــروي معـانـي خـبـر كــان
بـخـطـوط كـوفـيــه بــصــم الـحـيــودي
حصل المنافس والسبـب سبـة حصـان
سـبـة فــرس وحـصـان راحــت فـهـودي
وجـانــا بـغــا الـتـركـي ودارن الاكـــوان
دون الـكــرامــه والــوطـــن والــعـــدودي
ومــر الجـفـاف وراحــوا الـبـدو فـرقــان
كــل (ن) طــوى بيـتـه بظـهـر القـعـودي
وزاحــوا لـنـا مــن غـبـر الايــام فـرسـان
احد(ن) حـدر وأحـد(ن) توجـه سنـودي
شـالـوا عـلـى فـلـك الـبـحـر لأم درمـــان
يـبــون وديـــان(ن) سقـتـهـا الــرعــودي
ثـــم اسـتـقـروا بـيــن كــســلا وحـلـفــان
يـتـلــون شـــــف مـطــيــرات الــبـــدودي
ونزل(ن) نـزح للسيـف راضـي وقنعـان
مـــــن الــبــحــر لـلـدبــدبــه لـلـنــفــودي
قـوم (ن) لهـم فـي ساحـة المجـد ميـدان
يـــوم ان كــــل(ن) دون حــــده يــــذودي
صـالــوا وجـالــوا واسـتـقـروا بـهــدلان
دار الـصـبـاح الــلــي تــلــم الــوفــودي
ونــزل(ن) تــورث منـزلـة عـبـس بـأبــان
ونزل(ن) بوادي السر سـوى السـدودي
وفـــي كـــل دار ألـنــا مـــوارد وعــربــان
وتاريخنـا بـارض الـعـرب لــه وجــودي
وحــنــا بـقـيـنـا بـالـمـنــازل والاوطـــــان
بأقسى الظروف مواصليـن الصمـودي
تــرمــز لــنــا الـكـفــه هــويــه وعــنــوان
الـنــاس تــعــرف والـعـوانــي تــــرودي
يــوم الجـزيـره بـيـن تسـعـيـن شـيـطـان
نطـعـن ونطـعـن دون هـــاك الـحــدودي
مـــن الـمـديـنـه حــدنــا ضــلــع حــبــران
مايـمـرهـا الا مــــن خــضــع لـلـقـيـودي
ومـــن حـــرة الـكــوره لـشـرقـي مـرغــان
بـعــد امـرنــا يـــردون مـاهــا الـــورودي
ومــن ذاق ضــرب سهـونـا راح نـدمــان
يـــمـــوت مــافــكــر بـــلـــم الـــجــــرودي
اسـلاحـنــا قــــو الـعـزيـمـه والايــمـــان
والا عــددنـــا بـالـحــســاب مـــعـــدودي
ودخيلنـا مـمـن عــن الضـيـم مــا يـهـان
وسـلامـتـه نـبــذل وراهــــا الـجـهــودي
وخـويـنـا مـايـكـظـم الـغـيــض زعــــلان
وقـصـيــرنــا نـعـطــيــه حـــقــــه وزودي
حـنـا هــل المـعـروف ورجــال الاحـسـان
قـوم(ن) نجـود اليـا أنعـدم كـل جــودي
وأمجادنا غصـب(ن) علـى كـل مرضـان
شـعــاع ذري فـــي عـيــون الـحـسـودي
ويـوم ارســل الله مسلـمـا لــم الاخــوان
سـرنـا ورى صـقـر الـجـزيـره جـنــودي
من ضمن جيش الفيصلي نسل عدنان
والله يـشــهــد والــخــلايــق شـــهـــودي
وننـعـم بحـكـم محاسـبـة كـــل غـلـطـان
ولا عاش من يجرح كرامة سعودي

الشاعر // عيد بن مربح الرشيدي العبسي