منتديات قبيلة المهيمزات الرسمي - قصيدة السامر في رثاء سمو ولي القصيدة السامر في رثاء سمو ولي العهد سلطان الخير

قصيدة ( السامر ) في رثاء سمو ولي العهد ( سلطان الخير ) غفر الله له ورحمه وموتانا وجميع موتى المسلمين ....

*****

يا كبر حظ القبر واللحد والخـام
الله مشرفها بمسكن عظامه

للحل يا محقق عسيرات الاحلام
ما فيه مجد إلا تقلد وسامه

ماهوب حزنه عام وإلا طرف عام
حزنه مقيم ٍ لين يوم القيامه

حزن التواصل والسياسه والايتام
ومجدٍ رفع به رب الامه مقامه

حزنه حزن عـالم شعوبٍ وحكام
وحزن العزيز اللي يخونه حزامه

فقيدة الدين الحنيفي والاسـلام
وفقيدة سلوم العرب والسـلامه

سـلطان ما مثله على طول الايـام
مخجـل ملاقينه بنبل احترامـه

لو المـداد بحـور جَفَنّ الاقـلام
في حصر ما سجل بفخر وكرامه

سلطان سلطان الحقايق والارقام
المجـد به حقق منـاه ومرامـه

هذا وحظ أيتـام الاقـطار بـه قـام
وحجو لبيت الله ولبسـو احرامـه

عينه بركب الشـعب تنظـر لقدام
الله يبيحـه عـد وبـل الغمامـه

ويجبر عزانا فيه والحي مـا دام
ربٍ عطـاه زمـام طيب وشـهامه

شعرالأمير/
عبدالعزيز بن سعود بن محمد آل سعود ( السامر ) ...