قصيده وطنيه للشاعر نافع طامح
 

[poem=font="simplified arabic,4,black,bold,italic" bkcolor="gray" bkimage="" border="outset,4,gray" type=0 line=0 align=center use=ex num="0,black""]
يالله يامعبود ياخير معبود = ياواحد تركع له الناس سجاد
ياواحد تركع له العالم سجود = رافع سماواته يالارواق وعماد
تحفظ بلدنا من طغى كل مجحود = وتجيرها من كل ظالم وحساد
من صايع ضايع من الناس مفرود = مسممن فكره على الشر لفاد
راع الخيانه يارده كل منقود = ومن باق عهد الله لابد ينصاد
ويسن قالات الفتن كل مقرود = من راس شيطانن نبغ بين الاجواد
نسمع لنا علم وخبر غير ماكود = من عام الاول بالبلد حس رعاد
والبلبله هي والدعايه لها حدود = وان كان زادت تاتي بكل ماكاد
تاتي لنا بذري وخردل وعنقود = وتنصب لها بالارض جيشن وقياد
وبعض البشر ماله مواثيق ووعود = انظر ماصار بشعب كابول وبغداد
شعبن مصبح بالقنابل ومهجود = صالي جهنم فوقهم يوقد اوقاد
باروع حروب العصر والجرم مكبود = تجرعوا كاس القهر مر الاكباد
صاروا ضحية بين مارق ونمرود = وصفهم الصحاف بعلوج واوغاد
والقاعده كن جالها ذراع وعضود = ماهمنا كثر الحكي والتوعاد
شر ذمتن حطت لها فروع وبنود = فيروسها وجاسوسها بالبلد زاد
قوموا عليها بلا تقاعس ولا صدود = قوموا عليها واقطعوا كل الامداد
قدام لاتكبر وتالد بمولود = اقضوا عليها دامها واسط الامهاد
النار تبدا بناحل ارقيق العود = قدحت فتيله من شرارة من زناد
شعله شراره تفجر الفين بارود = ويحرق سناها اللي ورا الضلع منغاد
لمحة بصر تقضي على البيض والسود = بالثانيه والربع تحرق مية واد
اعصار الرياح ان صاحبه برق ورعود = في ليلتن فيها اكثر الناس رقاد
يشيل بنيانن زما كنه حيود = ويهز عرشن ثبتت فيها الاوتاد
وحنا على عهدن نظمنا مع العود = الله يرحم شايبن تحت الالحاد
عبدالعزيزالي بالافعال مشهود = نبقى على عهده ولانخون الاسياد
من بيننا وبينه مواعيد وعهود = عهدن من الاجداد لاحفاد الاحفاد
ناقف بخندق واحد احفاد وجدود = وتلى السلف يمشي على درب الاجداد
عدونا يصبح من الغبن ملهود = ناطا على كبده ونسقيه الانكاد
يومن عد الموت بالروح مارود = نادر على حياض المنايا بالاجساد
مشكل علينا قول ساعد ومسعود = شعب السعودي ماهو للشمس عباد
شعب يعيش العمر بسهود ومهود = اسلام واابنا اسلام واللهجه الضاد
نجد اولن عمهوجتن لينت عود = عشاقها ياكثرها مالها اعداد
الخصر ناحل والجسم ردف ونهود = ملكة جمال ولا لها عيد ميلاد
في عنقها وبخصرها سحر معقود = عقدن ماهو ماري ومن غير عقاد
بطلسم قلم هاروت محكم ومرصود = من شافها بعينه عن الغي ماهاد
واللي قرب منها له القبر ملحود = كم راس شيخن طشته عند جلاد
ولها بعذاب الناس رغبه ومقصود = جمالها للناس فتنه ومرصاد
بعنقن طوبل وصدر وجعود وخدود = ورمشن طويل اسود من الليل لهاد
تغضي بنجلن سود والراس مكدود = وتمكر لها بناسن عن الدين سهاد
جذابتن بغضاي واقبال وصدود = وهي كما الزئبق مايقبض وينصاد
تقرب العشاق وتبيح بسدود = وجمالها صيته ظهر والعقل ماد
تعطرت بالمسك والورد والعود = والعنبر الغالي بالاسواق والكاد
ثم اصبحت في سحرها الباهر تكود = تكود وهي بقدرة الله ماتنكاد
وجاها معزي والبشر كلها رقود = في ليلتن فيها المخاليق نواد
واستسلمت من غير شرطن ولا قيود = مثل الاسير اللي وقع بين الافراد
من الكويت اوجه على شمخ القود = حيلن مثل صيدن لمح زول صياد
بجيش ماهو واجد مجهز ومعدود = ومغرزات وهيت ولعان ميعاد
اوجه يبي قصرن يمينن من العود = غرب الغرابي كان له فيه مقعاد
مغرغزن عجلان به تقل عمرود = حصل له من الحكم وزعه ومقصاد
غابت عليه الشمس ماهو بمسيود = ولا يدري ان معزي لديرته عااد
وطالت عليه الشمس من غد مفقود = والملك عااد لياهله عقب الانفاد
ونادا وقال الحكم لله ولسعود = وعقب الظلام اشرق سنا الصبح وانقاد
وجهز جيوش مالها احصاي وعدود = يشدا الجرادن ماانقصه صيد جراد
يشد المزنن خيل ونوه يقود = ربان مزنه يلمس الارض منقاد
وعداه غيمن مقتفيته هوى النود = غيمن تقفاه الهوى وراح شراد
روضة مهنا مع حنيضل وباالدود = مر القصيم وصار ممشاه باسناد
يقود له جيشن بالافعال مزيود = ومزودن بالمعنويه والامجاد
جيشن بتقوى الله والدين ممدود = والباس والنوماس صارت له اسناد
جيش دحر ضده ولاهو بمضدود = جيشن هزم حزب العدا وضد الاضداد
وبيض الوجيه اهل اللحا جولة جنود= اللي يعبون المحازم بالاعتاد
اجدادنا اللي راحله مالها رود = معاصرين غبر الايام بجهاد
كلن معه خنجز وسيفه وبارود = وليا رقد حط الحجر تحته وساد
وبعض الليالي يسري الليل ماينود = كم ليلتن مرت بلا زاد ورقاد
على النضا والقود والضد مضهود = من فوق حيلن كلها نسل وتلاد
سفن الصحاري فوقها كل بالود = وخفوفها من كثر الأدلاج بياد
مافوقها الا قليل الزاد مشدود = وبندق وسيف وقربه وخرج وشداد
على الحديده دوجن صف عرجود = ولهن على ديره سبا بصبح ميراد
لولا البحر رده فلا يرده الكود = مايرده الا منبع النيل وتشاد
واهل الحجاز الها البرا كان مردود =جاء موعده الوعده وتسديد القصاد
جاهم وخلا قصر الاتراك مهدود = خلا القصر من قوفهم يرجد ارجاد
واصبح سقف عرشه على الساس مرجود = لو طلبت حمر الطرابيش الانجاد
غير القطار اللي ليا اليوم موجود = عليه دب النمل بحزوم الاجراد
واشمل يبي للحرث والشام بسنود = واشرف على النهرين وديار الاكراد
وحايل مر بحزوم خضرا وفرهود = وحقق حلومن بالمنا والتوجاد
وياما فتح بابن مقفل ومسدود =وقتن مضى مابه جهازات وارصاد
ايام كانت مرعبه موحشه سود = وقتن مضى وقفا عن الناس لا عاد
يومن نون العين بالسقم مرمود = يومن اهالي نجد مرضى وزهاد
هاذي فعول اللي بالانجاد محمود = ماهي علومن فوق دله وبراد
عبد العزيز اللي فعوله له شهود = ماخلق مثله من عصر جرهم وعاد
خلا الطيور الجارحه تبغض القود =هي والحباري باوسط الروض لباد
كم حاكم جابه كما الكبش مقيود =مكتفات ايديه والرجل بقياد
خلا جزيرتنا لها حدود وردود =ثم استقر الشرع فيها والارشاد
والبطش عنها راح والعدل ماجود = والحق فيها مقيم والظلم شداد
حكم بعزم وحزم والسيف مجرود = تحت السما فوق الوطا والبشر ساد
وشعبن على ماضيه معطى ومحسود = تمر السنه في سرع وايامها اعياد
رمال نجد اللي بها حزوم وصمود =فيها الوضيحي واشقر الحر هداد
منطيتن عقب الظما زرع وعدود =وطيورها فوق البساتين غراد
عبدالعزيز اللي حكم عقبه سعود = وفيصل وخالد والفهد نسل الاجواد
وعبدالله وسلطان له درع وزنود = اخوان ماجاء بينهم كره وعناد
وش الجما والضرس والناب مفقود =عينن بليا نون مع دربها تقاد
كم واحدن ثوبه على المتن مقدود = اليوم ميزانيته تغني بلاد
ياما رفعوا جندن مبهذل ومزهود = يشكي الوبا ويشكي العرى وقلة الزاد
بظل اهل العوجا لبسوا ثوب ماهود = عقب العرى وعقب الوزا خيرهم جاد
ناسن من اول يمشي بجسمها الدود = اليوم فوق الارض اطبا ورواد
به قسم منهم لابسين درع داوود =والقسم الاخر شال سيف ابن شداد
في ظلهم صارو ضرلغيم وفهود = وهو من اول حبتن عند حصاد
ويرجى السموحه كان بالهرج منقود= ماسلم من نقد الشعر كل قصاد

[/poem]

صح الله لسان الشاعر نافع بن طامح

على هذه الشامخه كـ شموخ الجبال

وبارك لله فيك فهد على النقل

ارق تحيه

صح لسان الشاعر الكبير نافع بن طامع على هذه القصيدة الجزله الذي ليس بغريب على ابو فيصل هذا الوفاء

صح السان الشاعر الكبير نافع طامح ويعطية العافية وشكرا الحب الغموض على النقل الجميل

اشكركم جميعا على المرور الجميل
تحياتي لكم

مشكور فهد على النقل والله يعطي ابو فيصل الف عااافيه على المشاعر الوطنيه

صح الله السانك الشاعر نافع طامح
ولاهو مستغرب عليه شاعرجزل ووافي
اشكرك فهد على النقل