منتديات قبيلة المهيمزات الرسمي

ظرف الزمان يحدني واتحداه*
وكلن بهدنيا يصارع ظروفه*
ياما راينا من عجايب بدنياه*
وشين نشوفه مابعدنا نشوفه*
شفنا عزيز النفس والضيم ياطاه*
وهموم بقعاء دايم(ن )ماتطوفه*
ماله يغير الصبر والهم ينحاه*
ومن حر مابه بس يصفق أكفوفه*
وهو كما ذيب(ن) ومن حر ماجاه
يجر صوته من هموم(ن) تلوفه*
حدوه عن دربه وهو كان يبغاه*
يم الجبال النايفات النكوفه*
وعلي أهمومه دايم(ن) ماتعداه*
لا جاك نص الليل قامت تحوفه
اسباب منهو تل قلبي من اقصاه*
للي حلاه بهالزمن ماتشوفه*
نادر وجوده والحلاء من مزاياه
وان راح ياقلبي عليه الحسوفه*

علي الرشيدي