مَنَ ( رشايدةٍ ) يروون السناني =يوم ردات البرا صبح وعشيه •!
 

قصيدتي التي القيتها ليلة البارحة في حفل تكريم الشعراء مـّنَ قبل قبيلة المهيميزات
..
[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

اللزوم اللي عن أشغالي حـداني =جيت له منَ حسن ذات وطيب نيه
أحسب الأميال واعد الثوانـــي !=وفي هجوس الشعر دفعه معنويه
يوم أبو طارق بـ جواله دعانـي =أكد الدعوه ،و كــررها عــليه
شفت مال العذر فـ اللازم مكاني =لو ظروفي كنها هضبة طميه .!
وجيت عاني منَ ورئ دار حلباني =جعل تسقيه المزون الموسميه .!
لـ الرجال اللي لهم بين المحاني =سيرةٍ فيها ( مقام ومقدريــه )
المهيميزات ذربين ألـيماني =كاسبين النعم في روحه وجيه
فعلهم منقوش في صدر الزماني =مأتمحيه ( الليـال السرمديــــه )
منَ يعاديهم شرب حوض الهواني =يرهقونه بالفعـول الصيرميه !!
مأخلق فيهم ولا شخصٍ جباني =ياردون مَّنَ السطر حوض المنيه
ومن يصاحبهم لقى ( قيمه وشاني )=صحبـةٍ تبقى ،! مبانيها قــــويـه..
مكرمين الضيف مَن حيلٍ سماني =و نارهم تبقى مع الأيام ( حيـه )
لا احتمى الميقاف فازو بالرهاني =عصرنا الحاضر ، و عصر الجاهليه !
مَنَ ( رشايدةٍ ) يروون السناني =يوم ردات البرا صبح وعشيه •!
صيتهم مثل الجدي وسهيل باني =فارقينن.( بالكفوف الحاتميه )
شاهدٍ لـ أفعالهم قاصي وداني =يقلطون مع الصفوف الأوليه !
مدحهم تفخر به أجزال المعاني =والشعر في مثلهم يأحي حيه
قلتها وانا من اعراب المجانـي=عزوتي دايم مواقفهم جريه.!
عزوةٍ تشوم عن دار الطماني=من بنوك الطيب والطاله غنيه
ربعي (العتبان ) مزبن كل جاني=وضيفنا يبشر بحيل وشاذليه
الولد يخلق (جبله مرحباني )=والرجل منا يساوي له سريه
جارنا يعيش عمره مايهاني =ونلطم العايل ونحمى كل هيه
في رجوم المجد (بنينا مباني)=بالنعاره والفعول العالميه.!
وكاني جملت (صح الله لسناني)=وان حصل قاصر رجيت المعذريه
[/poem]

لـ الشاعر : عناد الشيباني

رد: مَنَ ( رشايدةٍ ) يروون السناني =يوم ردات البرا صبح وعشيه •!
 

صح لسانك واعتلا شانك

رد: مَنَ ( رشايدةٍ ) يروون السناني =يوم ردات البرا صبح وعشيه •!
 

جمل وكفيت وفيت وبيض الله وجهك ... وبني عبس والهيلا.. يستاهلون وغنيين عن التعريف
وأنت شاعر جزل ومبدع ...وبصراحه أنا كنت من ضمن الحضور البارح فأمتعتنا بقصائدك الرائعة
وخاصة : أمن الطرق فورت الأحمر ...... والمجاراة التي جاريت فيها مشعل (الشامية )
عناد شاعر قادم أتمنى لك التوفيق وصح السانك وطاب وجدانك
فلك الشكر من أعماق المتعمق

رد: مَنَ ( رشايدةٍ ) يروون السناني =يوم ردات البرا صبح وعشيه •!
 

الـمـهـيـمـيــزات*ذربــــيــــن*ألــيــمــانــيكاس ـبـيـن*الـنـعـم*فـــي*روحـــه*وجـيــه
صح لسانك عناد الشيباني وتشرفنا بمعرفتك ، ونتمنى لك التوفيق في حياتك العلمية والشعرية وفقك الله .

رد: مَنَ ( رشايدةٍ ) يروون السناني =يوم ردات البرا صبح وعشيه •!
 

عناد الشيباني

صح الله السانك مليون ولايسدون شاعر من الوزن الثفيل تستاهل الفوز والتكريم
وبيض الله وجهك ولاعليك زود يا لغالي وهذا من طيب ساسك

لك فائق احترامي وتقديري

رد: مَنَ ( رشايدةٍ ) يروون السناني =يوم ردات البرا صبح وعشيه •!
 

رد: مَنَ ( رشايدةٍ ) يروون السناني =يوم ردات البرا صبح وعشيه •!
 

الشاعر عناد الشيباني

صح الله لسانك مليون لا يسدون ولاعليك زود
وبيض الله وجهك على هذه القصيدة التي نالت استحسان الحضور عندما القاها شاعرنا العذب عناد
في حفل توزيع جوائز المسابقه
واستمتعنا بكل القصائد التي القاها هذا الشاعر في الحفل وكان له حضور مميز

صح الله لسانك مره اخرى