منتديات قبيلة المهيمزات الرسمي

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى الشــعر الشعبي ► (http://www.almohemzat-abs.com/vb/forumdisplay.php?f=36)

- - طعنه (http://www.almohemzat-abs.com/vb/showthread.php?t=17029)

مصافحه اولى

بلا مقدمات

من القلب الى الورق
ـــــــــــــ

طعنه

حطيته بقلبي ولحدن يساويه.
....................قدرٍ رفيعٍ ما عطيته اخواني.

كان يتمنى بس لو المس ايديه.
...................ويضيق لامن غبت عنه ثواني.

ولبطيت عاتبني ويزعل واراضيه.
..................الله بلاه بحبي والله بلاني.

حتى الخطأ لوهو كبيرٍ يعديه.
.................يغفر خطايه قبل ينطق لساني.

ويخاف لزعل خايف اني اخليه.
................ما يدري انه عايشٍ في كياني.

توه صغيرٍ والبراءه تخاويه.
...............جاهل بصدمات القدر والزماني.

وعلمته اسلوب الغرام ومباديه.
...............واصبح عليلٍ بالغرام ويعاني.

وجاب الزمان الي خذلني بلاويه.
..............طعنه طعمها غير وبشكل ثاني.

شفته تغير قلت:وش فيك ياهيه.
..............قال انت حبك ما بقاله مكاني.

هذاك وقتٍ راح ولاعاد نبغيه.
................تعبت اجامل في غرامك تراني.

وانا لقيت الي يبيني وانا ابيه.
................وعطيته كل الي بغاه وعطاني.

قلت: انت تمزح قال:وش حاجتي فيه.
................ما هو بوقت المزح واصبر عشاني.

وهليت دمعٍ ما قدرت اني اخفيه.
.................دمع القهر والجرح هل وكواني.

وقال الوداع وصحت بالصوت اناديه.
..................واقفى وكن الموت بعده خذاني.

ياوقت ساعدني ويا حظ صحيه.
..................وقل له ترى طيفك حشاء مانساني.

وقل له جرحني جرح محدن يداويه.
...................واني خذيت من الشقاء ما كفاني.

ولازلت احبه واعشقه ميتٍ فيه.
..................وحبه بقلبي ما تغير وهاني.

ورغم الخيانه والجروح وتجافيه.
...................والله منساء صورته لو ثواني.

صحيح راح ولابقاء غير طاريه.
.....................بس والله اني منه لازلت اعاني.

بقلمي....

ويخاف لزعل خايف اني اخليه.
................ما يدري انه عايشٍ في كياني.

للحب لحظات نعيشها،،
وللعشق ملامح نتقاسمها،،

هنا رايت ملامح حب وعشق ونثرات عاشق في سماء الابداع ،،
لكن القصيده موالمه حقا",,,بس حفظ الحب بداخل القلب كافي لنهاية كل الم،،

عبداللهـ،،،

صح لسااانك وربي يديمك لغاااليك ..
قصيده روعه حقا والله ماتوصف من روعتها

كل الشكر لك ودمت باحسن حااال،،باذن اللهـ،،،

أخووووي عبدالله ابو سعد الله يحييك في محلك

وتشرفنا بحضورك بيننا وتواجدك

وصح الله لسااانك وأبدعت

وسجل أعجابي بقلمك المتميز

لا ني قريلك كم قصيده في ديوانك الشعري

يا ((جـــــريـــــaــــح))

ولا تحرمنا من جديدك

أخووك ابن دارع تحياتي لك

وعلمته اسلوب الغرام ومباديه.
...............واصبح عليلٍ بالغرام ويعاني

صح لسانك عبدالله , وحياك الله بيننا
ومشكور على هذه القصيده الرايعه

مشكوووووووووووووووووور
صح السانك
تحياتي لك

ابو عرعر
صح لسانك واعتلى شانك
كن بخيرا