يا جماهير ناصر
 

[poem=font="simplified arabic,6,blue,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
اشربي يا حروف الود دمع الوصال=وانتهي يا دروب التفرقه والزعل

اشهد ان المعالي تطلب لها رجال=واشهد ان الثعاله تنتهي بالفشل

كل شي يا رفيقي تاليته الزوال=النعم والالم والهم وايض العلل

شف دوام المعيشه شي والله محال=والجماله تجمل قوم طول الاجل

لا تخلي طموحك حي بالاتكال=ولا تواكل وشل الصعب قبل السهل

الرجال بتجاربها تزيد اشتعال=واشتباك الظروف يزدها بالحلل

حد لما ضاقت الدنيا عليه استمال=يطلب العون ويصيب الضماير شلل

والشلي بالعزيمه يدحن اقسى الليال=ما يهبط عزومه ضيق حال وملل

رايته شامخه وافعال كفه طوال=كل قمه عليها بالعزايم وصل

يكضم جروح نفسه دون قيلٍ وقال=ويمدح افعال غيره دون شك وجدل

ذاك بين النجوم الساريه كالهلال=ما يغثي صديق ولا يدور زلل

ينطح القوم لا جا للعزاوي مجال=لا تنوا يطول ولا تكلم فعل

مؤمن ان تالي الدنيا جميع الزوال=ليه يذخر جميله بين كيف ولعل

ذي فقط نبذه تبين حميد الخصال=خوته تنشرا والصيت قبله نزل

المشاعر شعور وللشعور ارتجال=كل واحد من الفاظ المشاعر نهل

حد يجي بالسمين وحد يجي بالهزال=وحد يقلد عرب ويروح عمره عطل

وحد يسوق المعاني زي سوق الحلال=هامته شامخه زي النخل والجبل

سيرته ثابته ما بان فيه اختلال=وصورته ظاهره في كل بيت انتقل

ذي مزايا قصيدي دوم صعب المنال=لذته في قلوب الناس زي العسل

الصراحه تنومس والعنى لا يزال=يوم للكذب خيبه تحرق اجمل امل

اعذروني على بعدي وقطع الوصال=جيت بعد الغياب امشي وحالي نحل

يا جماهير ناصر عندي لكم سؤال=من هو اللي فقدني ؟ له تحيه دبل

[/poem]

رد: يا جماهير ناصر
 

رد: يا جماهير ناصر
 

صح السانك ياناصر قصيده رائعه

رد: يا جماهير ناصر
 

رد: يا جماهير ناصر
 

صح السانك ياناصر وبيض الله وجهك

رد: يا جماهير ناصر
 

رد: يا جماهير ناصر
 

ياهلا ومرحبا
ياناصر الشريف
حياك الله الحمد لله على السلامة وين الغيبة عوده حميده
وصح بوحك وسلمت روحك من كل شر
قصيده جزله وشاعرها جزل كالعاده
تقبل مروري المتواضع وفائق إحترامي وجل تقديري
دمت بألف خير وصحة وسلامة