منتديات قبيلة المهيمزات الرسمي - فيني خليط اشواق مع لوعة افـراق

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - فيني خليط اشواق مع لوعة افـراق (http://www.almohemzat-abs.com/vb/showthread.php?t=14352)

فيني خليط اشواق مع لوعة افـراق

فيني خليط اشواق مع لوعة افـراق
اعيشهـا مابيـن ضايـق ورايـق

فيها الغلا مع صادق الـود ينسـاق
وفيها الغموض اللي يشب الحرايـق

للي غيابـه محرقـاً قلبـي احـراق
شحت على وصله جميـع الطرايـق

قربه مسافه ينثني دونهـا السـاق
وبعده حسافـه تستبيـح الوثايـق

من وين مدري كيف تجميع الاشواق
لا صار في دربـي ثمانيـن عايـق

ظلم البشر مغرور والوقـت سـراق
والصبـر للمحتـار ماهـو بلايـق

سواد ليلي مارحم طيف الاشـراق
اغتالت الضلمـا شمـوع الحدايـق

اكتب وجف الحبر في عيون الاوراق
يالله دخيلك مـن عيـون الخلايـق

ياعاذل المجنون من خاطـراً ضـاق
هون ترى المجنون ماهـو بفايـق

والله تبي تشتاق لو منـت مشتـاق
لا شفت من بعض الحقايق حقايـق

وتصير كلك كومة اشـواق وفـراق
وتعيش مثلي بين ضايـق ورايـق