|
وانا لو اني بالتفت بالتفت ليه ؟ الرمح غالي والفريسه ذبابه ؛؛؛جنرال المهيمزات ***
السلام عليكم ورحمة الله وبركاته
جنرال المهيمزات القائد الاعلى لكافة جيوش وسرايا بني عبس في الداخل والخارج جنرال المهيمزات يفتتح مدونته بينكم اليوم الثلاثاء 22/3/1433هـ الساعة 11:33 ليلا |
رد: وانا لو اني بالتفت بالتفت ليه ؟ الرمح غالي والفريسه ذبابه ؛؛؛جنرال المهيمزات ***
هذا الخطا اللي ما توقعـت يخطيـه شف كيف كشر طيـب القلـب نابـه أثر الحسد لا عشعش بصدر راعيه يزرع مـن قلـوب الحبايـب ذيابـه اللي تعلـم مـن سكوتـي تماديـه علَمنـي استقبـل خطـاه برحـابـه والواجب انه لو جحد فزعتي فيـه ما يجحد حقـوق النسـب والقرابـه وانا اللي يوم ان المصايـب تبكيـه كنت أقرب إله بضيقتـه مـن ثيابـه ٍاللي تعـاف أولـه. ينعـاف تاليـه وأنا كفا صدري من الحزن مـا بـه من لا وقف لي وقفة رجال.. ما ابيه يغني عـن حضـور المقفـي غيابـه من لا فزع بالكايدة مع بنـي خيـه وقت الرخا ما يحسب حسـاب لابـه علمت غيري كيف لاصـد ماجيـه وانـا تعلمـت الصبـر والصـلابـه اصد والضحكه من هنيه من هنيـه وازداد بوقوعـي شمـوخ ومهـابـه لأن الكتوم إن ما لقى مـن يواسيـه إن ما نشدتـه مـا علمـت بمصابـه ليه استغيث في جاه مخلوق وادعيه واللمبتلـي ساعـة دعـا مستجـابـه لي صار بعدي عن رفيقي بيرضيـه نـذر علـي انـي فـلا اطـق بابـه الضعف ما طيقه ولا أطيق طاريـه والدمـع مـا يرقـى ولا ينرقـا بـه إن ما جمعت وجيه ماأفرق وجيـه ومـن لا بنيتـه ماسعيـت لخـرابـه مثلـي يعيـش برفعتـه وبمعاليـه وان طاح طاح من الثـرى للسحابـه قناعة اللـي كسـرة الخبـز تغنيـه وشجاعة اللي مـا يخـاف المجابـه بدري علي احسب حسابه واحاتيـه وبدري عليـه يشيلنـي مـن حسابـه كأنـي عتقتـه بأعتقـه رأفـةٍ فيـه بعض العرب معزتـك فـي اجتنابـه ماهو على شانه عشـان المشاريـه صرت احتمل زلات حضرت جنابـه وانا لواني باألتفـت باألتفـت ليـه الرمـح غالـي والفريسـه ذبـابـه اليا كسر في خاطرك شخص تغليـه حتى المعاتـب تستحـي مـن عتابـه اللي سكن صدري من الحزن يكفيه ملـت تفاصيلـي سكـوت ورتـابـه شف من متى وانا اتحمـل بلاويـه واليا متى وانا احتـرق مـن عذابـه احزان تنثرنـي مـن التيـه للتيـه واحـزان تجمعنـي كـآبـه كـآبـه كـان احترامـي للقرابـه مجريـه ياشيـخ ملعـون امهـا مـن قرابـه من لا يراعـي خوتـك لا تراعيـه ومـن لا يقـدر هيبتـك لا تهـابـه لو كل مخطي بستحي منه وارضيه بطيح في ايديـن الـردي و الزلابـه من هالدقيقه عطف واخلاص مافيـه والله لـبـدل طيبـتـي بالـطـلابـه ياهيه مثلـي مايقولـون لـه هيـه مثلي يخاطـب بإحتـرام و الذرابـه اللي بيدخل فـي مزاجـي بسويـه واخاطـب الغـظ الغليـظ بخطـابـه مثل الغلا اللي بأخذه منـه بعطيـه يسمع جوابي مثل’.. ما اسمع جوابـه وانا ليا من قلت لي قـول.. يوفيـه و مثلي لا مـن وكـد العلـم جابـه سمه تحـدي سمـه اللـي تسميـه بس الوكـاد انـه مهـوب استجابـه اللي مهـب قـد المواجـه يخليـه ومن لا قـدرت تهيبـه منـك هابـه الله يعـز وجيـه ويطمـن وجيـه وحنا بشر لكـن بشـر وسـط غابـه ومن لا فزع بالكايده مع بنـي خيـه وقت الرخا ما يحسب حسـاب لابـه |
رد: وانا لو اني بالتفت بالتفت ليه ؟ الرمح غالي والفريسه ذبابه ؛؛؛جنرال المهيمزات ***
طبعا القصيدة هي ( الفريسه ) للشاعر العلم حامد زيد
حامد زيد العازمي وياكثر ماتسمع من اسئلة العازمي رشيدي ماني مفتيكم لاني ماتكلم بغير مجالي لكن اعرف العازمي يقول للرشيدي يا خال ونعم الولد بخاله |
رد: وانا لو اني بالتفت بالتفت ليه ؟ الرمح غالي والفريسه ذبابه ؛؛؛جنرال المهيمزات ***
سوريا افضل دولة عربية في التمثيل ولا تدرون حتى في العالم ضحكوا علينا بباب الحارة قلنا حرروا القدس وقبلها
ضحكوا علينا بالجولان يقولون يبون يحررونها ماصدقنا صدام يوم قال الخطر سوريا ماهي ايران واليوم نشوف كيف حكومة ابو رقبة بشار يقتلون بعباد الله ويقولون ارهاب يفجرون ويقولون ارهاب عليهم تمثيل اللهم انصر شعب سوريا على الظالم الطاغية ابن الطاغية |
رد: وانا لو اني بالتفت بالتفت ليه ؟ الرمح غالي والفريسه ذبابه ؛؛؛جنرال المهيمزات ***
على تويتر سلطان الجوفي رئيس تحرير جريدة النخبة يتهم العودة انه وراء تنظيم قطري شيعي ليبرالي ضد السلفيه
وتوالى سقطات الاخوان . |
رد: وانا لو اني بالتفت بالتفت ليه ؟ الرمح غالي والفريسه ذبابه ؛؛؛جنرال المهيمزات ***
الرجال الطيبة
الزمن يتغير والوقت يتغير والظروف تغير لكن الرجال تبقى لكن للاسف تقل كل ماراح زمن وتغير الوقت كل ماقلت الرجال الطيبة ولا يبقى من الرجال الا انذالها وكل ماتقدم الوقت تبكي طيب الرجال تبكي اهل المروة واهل الكرم واهل النخوة واهل الحميه لو يكثر المال وتكثر الرجال ويكثر العلم وتطور الناس من غير طيب ماتلقى لها نفع وفي وقتنا هذا نشوف العجايب ونشوف الهوايل من مابقى من اهل الطيب يطلق عليه مسكين ومن كان مقامه في اخر المجالس اليوم يطلق عليه شيخ ومن كبار القوم هالوقت فعلا وقت الانذال ولكم يا طيبين ربا مايضيعكم طبعا البلاء لاصارت الانذال على مستوى الدولة يغشون ولي الامر ويغشون الرعية ويوم اتفكر اشوف قبل وقت مضى على حياة الطيبين اللي نبكيهم شفنا هالانذال مالهم صوت ولا لهم وجود لان النذاله تصغر قدام الطيب قصيدة (( درب الأنذال )) للشاعر عادل الحدي , أتمنى أن تنال اعجابكم : يا صاحبي بنهيك عن درب الأنذال وأنهيك عن درب الحسد والوشايه ترى النذل بالعون ماهوب رجال طبعه كذا من كان عمره بدايه المبتدي بالشر في كل الأحوال شره يجره لي طريق النهايه عرفت بأن النذل به شين الأفعال وبعض البشر ما عاد فيهم درايه لاني بمتهني ولا يسرك الحال ما عاد يرحمني ولا من عنايه هو الذي أضرب على شره أمثال هو الذي كم جر همي ورايه المشكل إني صابني كل غربال وكل الجروح بجوف قلبي شقايه اسلي الخاطر ولا اشغل البال |
رد: وانا لو اني بالتفت بالتفت ليه ؟ الرمح غالي والفريسه ذبابه ؛؛؛جنرال المهيمزات ***
الكبيسي يهاجم الخليفة الاموي وكاتب وحي النبي صلى الله عليه وسلم معاوية بن أبي سفيان رضي
الله عنه [youtube]http://www.youtube.com/watch?v=pi0mtwMjhic[/youtube] |
| الساعة الآن 02:47 PM |
Powered by vBulletin® Copyright ©2000 - 2024, Jelsoft Enterprises Ltd. Supported By Noc-Host