مجموعة امثال شعبية
ماضاع حق وراه مطالب هذا المثل يُضرب عندما يكون هناك سعى وراء الحقوق أي أن هذا السعي لن يضيع ,لأنك تسعى وراء حق http://www.ykuwait.org/up/up/wh_10292619.gif الحي يحييك والميت يزيدك غبن هذا المثل يُضرب للشخص الرزين الشقردي الذي يبعث فيك الحيوية والنشاط أما الشخص الآخر يبعث فيك الخمول والقهر والغبينة . http://www.ykuwait.org/up/up/wh_10292619.gif مسى والشيطان يخسى هذا المثل يُضرب عندما يكون هناك أشخاص يتهاوشون في موضوع ٍ ما هنا يقول آخر هذا القول : مسى والشيطان يخسى أي تعوذوا من إبليس . http://www.ykuwait.org/up/up/wh_10292619.gif ماحار إلا كلام الريجيل هذا المثل يُضرب عندما يقول رجل كلمة (( أح )) عند تعرضه للحرارة هنا يُقال هذا المثل أي أن الحار هو كلام الريجيل http://www.ykuwait.org/up/up/wh_10292619.gif لساكت الناكت أو السكوتي هو الموتي هذا المثل يُضرب للشخص الذي دائما ساكت ولكنه يُخفي وراء هذا السكوت حكمة وتروّي وقوة حجة . http://www.ykuwait.org/up/up/wh_10292619.gif أدّب النساء بالنساء والبل بالعصا هذا المثل يُضرب عندما يفكر الرجل بالزواج من ثانية ولذا إذا أردت عزيزي الرجل أن تؤدب المرأة الأولى تزوج عليها ثانية حتى تتأدب , والإبل إذا أردت تأديبها عليك بالعصا لكي تعسفها . http://www.ykuwait.org/up/up/wh_10292619.gif قومٌ تعاونوا ماذلوا هذي الحمه تنقال للقبيلة التي تتعاون فيما بينها أو حتى مجموعة معينة فإنهم لن يُذلوا بإذن الله لأن يد الله مع الجماعة . http://www.ykuwait.org/up/up/wh_10292619.gif لحقوق تبالها حلوق هذا المثل يُضرب للرجل الذي يسعى في حصوله على حقوقه فلابد له أن يكون صاحب لسان وصوت عال ولذا رمز للصوت حلوق . http://www.ykuwait.org/up/up/wh_10292619.gif الذيب مع طاريه هذي الحكمه تنقال للرجل أو الشيء الذي يحضر في وقت مطلبه , مثلا كنتَ تتكلم عن شخص تريده وإذا به أمامك وفجأة تقول : الذيب مع طاريه . http://www.ykuwait.org/up/up/wh_10292619.gif نفضيه نفض الردى وان كان به نصيب ما غدى هذي الحكمه تقال للي تبي شي وغصب اخذته http://www.ykuwait.org/up/up/wh_10292619.gif من تلزق طاح هذي تنقال للي ما تبي المشاكل وتدور الستر http://www.ykuwait.org/up/up/wh_10292619.gif العبد في التفكير والرب في التدبير يعني وكل امرك الله http://www.ykuwait.org/up/up/wh_10292619.gif ماخذتن خيره ومتزينتن لغيره هذا مثل يقال للمراه اللي طلقها رجلها http://www.ykuwait.org/up/up/wh_10292619.gif قضي حويك وابنية معناة اذا عندج فلوس اصرفيها لبيتج وابنية http://www.ykuwait.org/up/up/wh_10292619.gif من ضحك بالثرمان يضحك بلا سن معناة من يضحك اولا يبكي اخرا واللي يعيب اللة يبلاة http://www.ykuwait.org/up/up/wh_10292619.gif عيب الرغى عقب الهدير اي عيب التنازل بعد الصمود http://www.ykuwait.org/up/up/wh_10292619.gif وش لك بالداب وشجرتة يعني شنو تبي براعي المشاكل http://www.ykuwait.org/up/up/wh_10292619.gif ام القعود للدار تعود يعني اللي تطلقت وعندها عيال لابد ترجع http://www.ykuwait.org/up/up/wh_10292619.gif صــغــآيآهم تســمع لغــآيآهم يعنــي الســوآلف اللــي يقــولــونهـآ الصغــآر يكــونــون ســآمعينهــآ من الكبــآر http://www.ykuwait.org/up/up/wh_10292619.gif مااطـاح من النجــــوم خـف للســـما والمعـنى ( للشخص المزعج العلـه لووولز ) http://www.ykuwait.org/up/up/wh_10292619.gif إذا كثروا الرعيان ضاعت الغنم يعني الشغلة إذا اشتغل فيها أكثر من شخص خربت http://www.ykuwait.org/up/up/wh_10292619.gif من حبك لحاجه يبيها ابغضـك لاقلت مـالك " شغل " فيها يعني من حبك لمصلحه تركك إذا خلصت http://www.ykuwait.org/up/up/wh_10292619.gif لا تعابي العوبه اتعابيك تحط كل بلاها فيك يقال عن المرأه الخبيثه الي تقلب مثل الحيه وتقلب السالفه على الي يناجرها http://www.ykuwait.org/up/up/wh_10292619.gif لعنبو خبري بالصخبري تنقال حق اللي يصروخ (( الجذاب )) http://www.ykuwait.org/up/up/wh_10292619.gif سبع بيوتن لافتهم بضحويه ساقت الفرجان في مركاض ساعه تنقال للمرأه الدواجه الي كل بره البيت http://www.ykuwait.org/up/up/wh_10292619.gif اصبر عليهم جمره واحصدهم ثمره تقال للأم الي كل تشتكي من اذيت عيالهااا وشطانتهم http://www.ykuwait.org/up/up/wh_10292619.gif ضحك على الرجال بحب خشومها يمعنى اذا تبون من اهلكم اي شي حبواا خشومهم يسونه لكم لولز http://www.ykuwait.org/up/up/wh_10292619.gif يتهيا له رجل قالت عور تقال للشخص اللي كان يبي حاجه ولما صارت حاجته ماجازتله او قام يتعنفق http://www.ykuwait.org/up/up/wh_10292619.gif نفع ثنيه لهله هذي سالفه قديمه ثنيه بنت بدويه وكل ما سوت شي تنفع اهلها راحت وخربته عمرها ما اصلحت شي فيقولون : للوحده اللي الي تبي تنفع وللاسف وينها ووين النفع لووولز نفع ثنيه لهله http://www.ykuwait.org/up/up/wh_10292619.gif مهف مقيط ورشااه تقال عند روحة الشخص اللي ماله قبول او منغثين منه http://www.ykuwait.org/up/up/wh_10292619.gif ضيّع صيدته بعجاجته تقال للشخص اللي ضيّع او خسر شغله يسويها بسبب طفاقته http://www.ykuwait.org/up/up/wh_10292619.gif المنسدح مايخلى تقال للشخص المسالم وناشبين في حلجه ومايخلونه بحاله بحاله http://www.ykuwait.org/up/up/wh_10292619.gif الضب مايعرف ربه لين يسلقى يقال للشخص اللي يلف يمين ويسار وتمشينه سيده http://www.ykuwait.org/up/up/wh_10292619.gif طب رفله وافق عافيه تقال لشخص الي مايعرف بشغله وتضبط معاهـ صدفـه http://www.ykuwait.org/up/up/wh_10292619.gif المكتوتي منه الموتي يعني دايم الانسان الساكت يكون وراه بلاوي متلتله http://www.ykuwait.org/up/up/wh_10292619.gif الاسم لي والغبوق لمريم يعني عندما يكون الشيئ لك بالاسم فقط والاستفاده للغير http://www.ykuwait.org/up/up/wh_10292619.gif طبخن طبختيه يالرفله اكليه إذا حصلت مشكله ومالها حل واااااااااااااااااااضح http://www.ykuwait.org/up/up/wh_10292619.gif زلت الفزعة وابونا يحتزم معناه ان وقت الحاجة خلصت وابوانا اللي نبي فزعته للحين ماخلص لبسه وحنا ننطره يقال اذا طلبت شغله ووصلت لك متأخـر http://www.ykuwait.org/up/up/wh_10292619.gif الدنيا ما بتغني عن الآخرة واضح يعني لاتسعى بدنيا وتنسى الاخره http://www.ykuwait.org/up/up/wh_10292619.gif يرزق الدود في الحجر الجلمود معناه ان الرزق عند الله http://www.ykuwait.org/up/up/wh_10292619.gif إذا كان الكذب بينجّي ، الصدق أنجى تقال للي يسوي الخطأ ويعترف انـه مخطي http://www.ykuwait.org/up/up/wh_10292619.gif اعزم وأكرم وأكل العيش نصيب يقال عندما تكرم الضيف وتوجبه واهووو يرفض او يعتذر http://www.ykuwait.org/up/up/wh_10292619.gif اللي بيمشي على رجليه لا تحلف عليه بمعنى لا تحلف بيمين وتقسم بالجذب عشان برئ شخص http://www.ykuwait.org/up/up/wh_10292619.gif أهل السماح ملاح يقال عندما يسامح احدهم الاخر متناسي زلته وخطأه . http://www.ykuwait.org/up/up/wh_10292619.gif جارك القريب ولا أخوك البعيد جارك القريب ينفعك ويوقف معاك كانه اخووو لك http://www.ykuwait.org/up/up/wh_10292619.gif الضيف إن أقبل أمير وإن قَعَد أسير وإن قام شاعر يقال لضيف > يعني مدحـه http://www.ykuwait.org/up/up/wh_10292619.gif امهات القبوره وهذي سالفه قديمه ان في اخت كل ماطلب منها اخوها تروح البير وترويه منه تتعذر الان مالها خلق وتقول لا انا اخاف لمن اشوف عكس صورتي بالماي واهو مسكين يرضى ويسكت ولمن يصير ليل هالاخت تروح المقابر وتفتش القبور وطلع الكفن وتخيطهم اهدوم وتبيعهم عاد الاخو استغرب اخته كل مالها افلوسها اتزيد فكر بيوم يسوي نفسه نايم ويعرف سالفتها المهم يوم صار ليل راحت هالاخت تفتش القبور وطلع الكفن طاح عليها اخوها وجكها وقال (( امهات القبوره )) يعني تقولين اخاف من صورتي بالماء وانتي تفتشين القبر تقال للمرأه العياره |
رد: ماضاع حق وراه مطالب
مشكوووووور والله يعطيك الف عافيه
علي هذا الابداع في الطرح والعطاء المنميز تحياتي لسموك |
رد: ماضاع حق وراه مطالب
امثال في قمة الروعه تقبل مروري
|
رد: ماضاع حق وراه مطالب
يعطيك العافيه ع الموضوع الممييز |
رد: ماضاع حق وراه مطالب
اشكرك اخوي فهد على الاختيار الرائع
والأمثال لاتعد ولاتحصى وتختلف من منطقة لأخرى ينقل لمنتدى قصص وروايات من الماضي تحياتي |
رد: مجموعة امثال شعبية
معلومات وامثال تعتبر حكم
يسلم على النقل |
رد: مجموعة امثال شعبية
بارك الله فيك ابو فيصل
|
الساعة الآن 04:02 PM |
Powered by vBulletin® Copyright ©2000 - 2024, Jelsoft Enterprises Ltd. Supported By Noc-Host