عامين تجمعنا الدلال المباهير
 

السلام عليكم ورحمة الله وبركاته

ايها الاحبه أعضاء وزوارموقع المهامزه الرسمي اصافحكم بهذه القصيده الموجهه للجار سعد الرشيدي مدير شبكة بني عبس
اتمنى تحوز على رضاكم ملاحضه القصيده تنفي مازعم باحد قصايدي والتي فسرت بان المقصود بها شبكة بني عبس وبعض القايمين عليها

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياجارعلماًصارماضنه ايصير=ولاضن بين الجاروالجارشكه
عامين تجمعنا الدلال المباهير=وعلم الردى نبحث عن اللي يصكه
وياكيف تسمعبي كلام وتقارير=وانا عن المقصود يابعد مكه
عن الخبر واللي سكن وسط اغادير=ياجارجاك العلم وافهم محكه
وعندك خبر قدام لايشلع الطير= يوم(ن)راع الطير عيا يفكه
العلم والضح مايبيله تفاسير=وترى الشرار يطير بدناة حكه
ولامقصدي ربعي وانا مقصدي غير=واخذتها بيمناي من وسط فكه
وسلامتك يابن الرجال المناعير=ولاضن بين الجار والجارشكه
[/poem]


محبكم خاتم الرشيدي

وتقبلو خالص الود والتقدير

الشاعر القدير خاتم المهيمزي

صح الله السانك ملايين على هالقصيد الوافيه والكافيه ويسعدني ان اكون اول المعانقين لها سلم نباك يابن الكرام الحلاحيل لاعدمناك شاعرنا الفذ

تقبل مروري وتحيييييييياتي الحاره لك

الله الله الله

عليك اخي خاتم المهيمزي صح لسانك على هذا الابداع

الذي يتوج جميع نصوصك ولي الفخر بان ادرج

مشاركتي في هذا النص الشامخ وانت شاعر مميز

شهاتي فيك مجروحه وارجو ان تقبل شكري وتقديري
ومروري وتعديلي للخطاء المطبعي في هذا البيت

العلم والضح مايبيله تفاسير=وترى الشرار يطير بدناة حكه

العلم واضح ما يبي له تفاسير = وترى الشرار يطير بدناة حكه

صح الله بدنكم واشكركم على ردودكم المشرفه والتي اعتبرها تاج على راسي

اخوي ناصر الشريف انت تمون وعدل اللي تشوف انه خطا ترى الاملاء عندي لك عليه
وتقبلو خالص الود والتقدير