زيد بن راجح لاضاقتبك من الدنيا هدومـك
 

[poem=font="traditional arabic,6,blue,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يابحور المرجله والطيب قـل اللـي يعومـك=وصار فعل الطيب والمعروف سلم اليوم بايـد
ياظلام الليل ماتساعد على المسرى نجومـك=والقمر غايب ومسرن فيك نكبات وهجايـد
وضقت يالكون الوسيع وضاقبي ليلك ويومك=وكل ليل ويوم ضيق النفس والهـم يتزايـد
وخابت الهقوات وشتدت مع ظروفك سمومك=وسكرت كل الدروب اللي قبل معها نحايـد
ولانخيت اهل المواقف بالشدايـد مايلومـك=غير راد الحظ معـدوم المراجـل والفوايـد
نصها الطيب لو انه ماهو من ربعك وقومـك=نصها اللي له علوم المرجله طبـع وعوايـد
نصها اللي لا وصلته ينتهي عنـده لزومـك=طيب السمعه عريب الساس والفعل الوكايـد
طيب(ن)يفرح بافعل الطيب ويفز لقدومـك=ويرتكي للحمل من دونك لو ان الحمل كايد
تنفرج باذن الله المعبـود لاجيتـه همومـك=صاحب المعروف والوقفات في يوم الشدايـد
تاصله ذليل وقت ولاتهنا الليـل نومـك=ومنه تمشي بالسعاده والفـرح والعـز عايـد
زيد بن راجح لاضاقتبك من الدنيا هدومـك=وغرك اللي واعدك وخلف عقب بان الوعايد
ترفعك يمناه لاطاحت من الشـده عزومـك=ماتظام وزيد بن راجح الك ذخـر وسنايـد
اخر النخوات سلم عقبه امرك لاخصومـك=وامتثل للامر ونف اللي كتبت من القصايـد
[/poem]







[poem=font="traditional arabic,6,red,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]
ياقصيدي فج بيبانـك ونفـذ عـن كمومـك=لاتحسب فى مواجيب الخوي ناقـص وزايـد
ابد بالترحيب باللآفي وقل عطنـي علومـك=مانصاك يـدور السفـره وتقديـم الموايـد
له لزوم وقاضي الحاجات لصحابه نعومـك=ماله الآ النعم في غيابـه وترديـد الحمايـد
يا هلا يا مرحبا يا خليف شرفنـي قدومـك=انت وافي فى علوم الطيب وبيوتـك فرايـد
اعتبرني فى الدفاع مدافعي و اول هجومـك=واعتبرني فى مقاديم السّرب جنـدي وقايـد
واعتبرني سيف فى كفك وسهم ٍ من سهومك=قوم واضرب به ولايبقى لمن تضرب شرايـد
واعتبر جاهي وكفي لك وقسم ٍ من قسومـك=كلمة ٍ نوفي بها ما هيب من بـاب المزايـد
فى سماك غيوم من عامين ما زالت غيومك=خلها تمطر بماطرها علـى وسـاع البنايـد
افطر افطر بالكلام اللي تريده بعـد صومـك=ما يصام الدهر فى كـل المذاهـب والعقايـد
ولا تفكر فى الردي لا قامت افكارك تهومـك=ما يوسع خاطر المحتار غيـر ابـا العوايـد
لا تحسبه لو يكون اخوك والآ اقرب لحومك=فزعته والا مقامـه مـا تجيـب الآ النقايـد
وانت لو غلي الثمن لا . لا تبيع اللى يسومك=اشتره مهما حصل لو كـان تاخذهـا رفايـد
ياقصيدى ركز اعلامك ونفـذ عـن كمومـك=خلها تنساق لك مثل الـدرر وسـط القلايـد
[/poem]

هنا الصوت وهنا الصدى

كل منهما لاتمل سماعه ,تناسق جميل وتناغم فى المفرده واللحن والجزاله لله دركما من شاعرين

خليف الوهيداني*****زيد البقمي

صحت السنتكم وقلوبكم ودام لنا هذا النقاء والابداع

ابو خلف

لك ارق تحيه

نصها اللي لا وصلته ينتهي عنـده لزومـك
طيب السمعه عريب الساس والفعل الوكاي\

------------------------------------------اعتبرني فى الدفاع مدافعي و اول هجومـك
واعتبرني فى مقاديم السّرب جنـدي وقايـد