منتديات قبيلة المهيمزات الرسمي - الــــــــــجوهــــــــرة

الجوهرة

شخـصٍ سألنـي قـال مـن اي القبائـل والديـار
ارجوك خبر من سأل باصلـك وفصلـك والمحـل

قلت اسأل نجوم السماء لي فوقها منـزل ودار
ان كـان تجهـل صورتـي او ديـرتـي وإلاّ الأصــل

اسـأل ديـارٍ واسعـة اسـأل شجـر اسـأل بحـار
اسـأل طيـورٍ طايـره فـوق الجبـل وإلاّ السـهـل

اســأل مجاهـيـم الإبــل اســأل مغاتـيـرٍ كـثــار
تلقى الخبر تلقى الخبر عند الجمل وأم الجمـل

اسـأل بنـات الريـح عنـي يــوم ثــار الـعـج ثــار
اسـأل سيـوف لامعـة يـوم الـردي منهـا جفـل

اسـأل روابـي نجـد عنـي كـان طــال الانتـظـار
اســأل جـبـال عالـيـه تنبـيـك عـنــي بالـعـجـل

اسـأل حيـاة البـاديـه تخـبـرك عـنـي باختـصـار
انـا بـدوي ارعـى الغنـم انـا بـدوي أرعـى الإبـل

اسـأل دلالٍ حرقـت فـي وسطـهـا بــن وبـهـار
من فوقها بيت الشعر منسوج من صوف وغزل

رمـز الأصـل رمـز الوفـاء رمـز الكـرم ليـل ونهـار
فــي ربعـتـه تلـقـى رجــالٍ لا تـكـل ولا تـمــل

الـعـود الأزرق بينـهـم بالمـدخـنـة دايـــم يـــدار
امامهم خضر الفياض اللـي بهـا خزامـى ونفـل

انـا بـدوي طيـب وكـرم لضيـف عـز الـكـل جــار
احشم خويي وادخل دخيلـي علـي اليـا دخـل

انـا سعـودي موطنـي فيـه الحـرم دايــم يــزار
قبلـه لكـل المسلميـن اطهـر بلـد وأطهـر رمـل

انا سعودي موطني فـوق الأمـم باعلـى مـدار
بالعلـم والحكمـة وصلنـا للقـمـر مــات الجـهـل

انـا سعـودي والعـلـم يحـمـل شـعـار الانتـصـار
هـي كلمـة التوحيـد فيهـا مــا نـزيـغ ولا نـظـل

انـا خليجـي موطنـي سـت الـدول هــذا قــرار
فخـر العـرب دار الخليـج الـديـن فيـهـا مكتـمـل

انا خليجـي موطنـي غيـثٍ لمـن فيـه استجـار
يلقى حلـول لمشكلاتـه كـان فـي حالـه بحـل

انـا سعـودي موطنـي بـامـنٍ وامــانٍ وازدهــار
يشهـد لنـا التاريـخ دايــم تعـتـرف فيـنـا الــدول

انـا سعـودي موطنـي مسكـن وماكـر للـحـرار
والعـقـدة الصعـبـة بـيـد القـائـد الأعـلـى تـحـل

انا سعـودي موطنـي فيـه العـدل رمـز وشعـار
عـز العروبـة موطنـي بقـيـادة الشـيـخ البـطـل

مليكـنـا هــو خــادم البيتـيـن لــه قـــدرٍ وكـــار
خلـى الجلالـه للولـي والحـكـم حـكـمٍ بالـعـدل

من العرب سـاس العـرب يمنـى ولا حنـا يسـار
فيـنـا الـمـرؤه والـكـرم والطـيـب فيـنـا متـصـل

من عبس انا رمز الشجاعة والشهامـة والوقـار
اصلي وفصلي في سنام المجد بالعالـي نـزل

فـوق الثريـاء منزلـي عامـر ودايـم فـي عـمـار
مـن لابـةٍٍ ربـي رفــع مقـدارهـا أصــل وفـصـل

بـنـي رشـيـد الله خلقـهـا للـعـدى ســمٍ ونـــار
عدوانـهـا مــا تنتـصـر بــإذن الـولـي لازم تــذل

وكل القبائل بالكرم والطيـب فـي هـذا المسـار
مـا سبهـم مـا ذمهـم نـعـم تسـجـل بالسـجـل

وكلٍ على مـا قيـل بأصلـه يفتخـر فيـه افتخـار
وانـا افتخـر باصـلٍٍ تعلّـى واعتلـى نجمـة زٌحـل

الله خلقنـي كالجبـل شامـخ ولا يـهـزه عـصـار
عزمي قوي صبر وجلـد والريـح مـا تهـز الجبـل

مـا خضـع لاحــد إلا لــربٍ عـالـمٍ ســر وجـهـارا
حدٍ صمـد وقـت الصـلاة اخضـع لربـي والتكـل

الشاعر / عبيد الله دعيع الرشيدي