فان كانك تعز الرفيق
 

[poem=font="simplified arabic,6,black,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
مديت لك كفي على رغم احتياجي يوم جيت=وانا معي شيمه تعاف اني اطالبك الوفى
انا اشهد اني وافيٍ لك لو تناسيت وجفيت=من خوف لا تلحقني من الناس لو كلمة افا
والله ما ادري انت متناسي او انك لي نسيت=بس الوكاد انك ابد ما ترتضي لي بالحفا
يا ما على فعل الجمايل بين خلق الله سعيت=والقلب يصرخ يوم ما به واحد لفعله صفا
اقدم المعروف واسهر عين تحتاج المبيت=ويضيمها فعل السفيه اللي لما استكفى جفى
لا باس يا راسٍ على روس الرجاجيل ارتقيت=الطايله ساس الفخر والمجد بالعز احتفى
انا زرعت الطيب لكن يا فوادي وش جنيت=الا مذلة راس عن درب الكرامه ما غفى
اصيح باعلى الصوت واغت الكمد لا من شكيت=لا الهم فارقني ولا ضيم الزمن عني عفا
من يزرع المعروف في غير اهله يلاقيه ميت=مثل السراج بحزة الظلما معى الخوف انطفى
والمال يوم اني عطيته دين للغالي رضيت=انه يفارقني ويتشرد لو ان عقلي نفى
فان كانك تعز الرفيق احذر من الدين ان وعيت=واذا عطيته بش في وجهه الا منه لفى
في حضرته لا تطلبه وارعاه لا منك مشيت=واحفظ حقوق الخوه انا اخوك في جهر وخفى
يمكن ليا جار الزمان ومن قسى وقته بكيت=يكون ظلك فالمقيل وفالشتا يصبح دفى
او يمكن انما عنده القدره يجيك بما عطيت=واليا طلبته كنك تسفه على وجهه سفى
يا مخي اللي جوف راسي عن ردى الفسله عليت=يا هاجسي بالله وقف لا تكملها كفى
[/poem]

رد: فان كانك تعز الرفيق
 

رد: فان كانك تعز الرفيق
 

رد: فان كانك تعز الرفيق
 

رد: فان كانك تعز الرفيق
 

صح السانك اخوي ناصر
كليمات وافيه وانت اوفاء
لك خالص اتقدير والحترام
لشخصك الكريم
تقبل مروري وتحياتي
انا من جمهورك ويشرفني ذالك بي اني
من جماهير ناصر الشريف

رد: فان كانك تعز الرفيق
 

صح بدنك اخي ومشرفنا معيبد الرشيدي


ولا هنت على الاطراء الجميل والمرور الرائع


تقبل تحياتي وخالص تقديري

رد: فان كانك تعز الرفيق
 

الاخ العزيز سعد المهيمزي

صح بدنك ولا هنت على المرور الجميل

الذي دائما ما يضيء صفحاتي

تقبل تحياتي وخالص تقديري