وش بقى للناس شرهه و وش باقي حنين
 

السلام عليكم ورحمة الله وبركاته


بعد الغياب لعلها تشفع لي عندكم ..!

[poem=font="simplified arabic,5,darkblue,bold,normal" bkcolor="transparent" bkimage="" border="double,3,red" type=1 line=0 align=center use=ex num="0,black""]



سولفي .. يا نكبة الحظ لعيون الحزين=من بداية شهر عشرة اليا... غرة صفر
وش بقى للناس .. شرهة و وش باقي حنين=واجمعيني وانثريني على .. حفنة جمر
باحترق واحرق معي.. كل حاجه تكرهين=ضحكتي .. دمعة عيوني .. و مافيني شعر
الحياة اشبه بتابوت .. فوقه كوم طين=في غياب .. اللي غيابه عن عيوني عمر
الحبيب اللي ظلمته معي .. عوج السنين=وانكسر قدام عيني .. من اسبابي كسر
يوم لدت لي وقلت: .. امريني وش تبين...؟=قالت:.. احذر دمعتي.. لا تحولها قهر
قلت:.. والله لا اذبح الروح واخذيها يمين=كان طاحت ... دمعتك من جفا .. و الا غدر
مير مدري ويش سويت .. واخلفت اليمين=وانذبح مني .. وانا عشت .. لعيون السهر
والله اني ما جرحته .. كذا يا مسلمين=لين صرت.. اتجرع الموت .. و الضيقة دهر
و والله . انه قرة العين .. و الجنب المتين=في عيوني ... لو توسدت للضيقه هجر
انكساري في غيابه ... عدول الحاقدين=و إنشراحت من يبا الصيد .. في الماي العكر
مير يا صفوة بنات .. العرب و العالمين=والله اني لاتلف .. الحال لعيونك صبر
واحفظك ..حفظه الامانات في .. يدين الامين=واتقهوى ذكرياتك .. تعاليل و عذر
و اتسمر كل .. ما جاب طاريك الحنين=و ابتسم و اتقبّل .. الريح ضيقه وانصهر
لو بكبدي من يدينك .. يا غالي طعنتين=ما قدرت اسج عنها ... مع غيابك شبر
طعنة كاهي بالاعماق.. تنخر بالوتين=اتجاهل نزفها .. مير ما منها مفر
و طعنة تجتاحني .. كل ما اطلقت اليدين=في فضاك و حال .. بيني و يمناك القدر
تدري انك حلم عمري ... و للروح الوزين=ولا خفاك ان ... الهبايب سبب موج البحر
مير ما ثمنت ... صوتي وانا صوتي ثمين=رحت تقتات المشاريه... موزون و نثر
لا تقولين العذر من متى تتعذرين...؟=عاذرك قبل اتحسس ...تفاصيلي وامر
خاطرن هشمت ما فيه ...من دنيا ودين=عقب ما هو ... يحضنك في الصباح وبالعصر
اه .. ليتك بس عن ما جرالي تعلمين=كان ما رحتي و غبتي عن عيوني ... شهر
كل شي من رحلتي ... على ما تخبرين=تاركه ينتظر ..... رجعتك و انا بنتظر
وسولفي يا نكبة الحظ... لعيون الحزين=من بداية شهر عشره اليا... غرة صفر
وش بقى للناس شرهة .. و وش باقي حنين=واجمعيني ... في كفن و ادفيني في قبر
[/poem]



و سلاااامتكم اخوكم محمد ابن مدعث

رد: وش بقى للناس شرهه و وش باقي حنين
 

صح لســــانك يامحمد

شاعر المنتدى وبيض الله وجهك

على القصيده

ومن طول الغيبات جاب الغنايم

وحياك الله ونورت المنتدى

والحمدالله على السلامه

رد: وش بقى للناس شرهه و وش باقي حنين
 

ابن مدعث
صح السانك قصيده جزله من شاعر جزل
لله درك
تقبل مروري البسيط
تقديري

رد: وش بقى للناس شرهه و وش باقي حنين
 

الله الله

الشاعر الجزل صاحب الاسلوب المميز والمختلف / محمد بن مدعث صح السانك ملاااااااااااااايين قصيده شامخه

كتبت بماء الذهب ممزوجه بدموع الحزين لله درك ما اجملها وش نكتب وش نقول

الصمت ابلغ من الكلام..............

تقبل مروري المتواضع اللذي عجز عن التعبير امام هذه العملاقه

تقديري لك

رد: وش بقى للناس شرهه و وش باقي حنين
 

تسلم ي صديقي على القصيد الجزل
أسلوب راقي وواضح
فائق أحنرامي

رد: وش بقى للناس شرهه و وش باقي حنين
 

[poem=font="arial,5,deeppink,normal,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black""]
اه .. ليتك بس عن ما جرالي تعلمين=كان ما رحتي و غبتي عن عيوني ... شهر
كل شي من رحلتي ... على ما تخبرين=تاركه ينتظر ..... رجعتك و انا بنتظر
وسولفي يا نكبة الحظ... لعيون الحزين=من بداية شهر عشره اليا... غرة صفر
وش بقى للناس شرهة .. و وش باقي حنين=واجمعيني ... في كفن و ادفيني في قبر
[/poem]




محمد أبن مدعث صح السااااانكـ مليوووون ولا يسسسدوون قصيده جزلهـ

من شااعر جزل وكلماااات راائعه فعلاً

تقييييمي مع التثبييييت

رد: وش بقى للناس شرهه و وش باقي حنين
 

و ابتسم و اتقبّل .. الريح ضيقـه وانصهـر

يالله يامحمد أتحفتنا وأمتعتنا وألمتنا يا أكسجين الشعر

صح لسانك أستمر فعيون الأبداع ترعاك