منتديات قبيلة المهيمزات الرسمي - من بلد جابر تنصى السعودية

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - من بلد جابر تنصى السعودية (http://www.almohemzat-abs.com/vb/showthread.php?t=28265)

من بلد جابر تنصى السعودية

قصيده للشاعر/نشمي زامل الرشيدي

من بلد جابر تنصى السعوديه

راكب اللي ماتناصل مساميره
إلى نهمته يقطع الخد بشويه
وارد الألمان مانزّل اسبيره
صبغته بيضاء وداخل رصاصيه
مصبحا ديره وممساه في ديره
من بلد جابر تنصى السعوديه
سايقه ماقال قهوه وتعميره
حط رجله والسبيرات ممليه
التوانك عبيت يالله الخيره
واستوى الممشى ولا فيه دوريه
الحليفه حطها يمين عن سيره
مع سريع الخط لين الحناكيه
لين شاف أبيض وبانت تباشيره
وانحرف ومؤشره يطرق الميه
انحرف مع خط حائل بتكبيره
وألحق الميه ثمانين وشويه
سايقه فني قديمه مشاويره
مايهمه لو طوى السير حوليه
ماهو نوّامٍ يكثر معاذيره
ماينام وحاجته ماهي مقضيه
لين ياصل ضرس ابو رمث ماغيره
مستقر النفس دامنها حيه
أتعب الدله بفنجال تبهيره
ماحلى المجلس مع الربع عصريه
والعمر لابد ماتلفي مداويره
والأمور اللي ورا الغيب مخفيه
مايهم اللي يكثر معاييره
ديرتي لو اترك الكسب موليه