فهد بن محياء خليفه العجوني الرشيدي (أبــوتــركــي)
 

هذه قصيدة مهداه الأخ والصديق
فهد بن محياء خليفه العجوني الرشيدي


يانديبي كانها بالجنيه وبالريال
الوعد قدام والهرج مافيه اثمره
احتزم في محزم العز واكرام السبال
الرجل ينطح رجل والمره تنطح مره
النصيب ايصيب والعبد من حالن لحال
لين مايحمل ويدفن بوسط المقبره
اعتبرني درع جنبك لامن الحظ مال
الاحوال امعدله والامور اميسره
وسيفك الي يقطع الشك وينال المحال
وصاحب ن ماصد وجهه ولقاك اظهره
بالشدايد والقصايد وصكات الليال
بالعسر واليسر والعذر عند المقدره
يافهد ياخوي ياصاحبي يابن الحال
ياسديد الراي بالميمنه والمسره
إحتزم في محزم العز لاجالي مجال
الرجال اهل الوفى والصخى والمعذره
بالشعر مهما تطورت واخترت الجزال
من درره وبحره العذب واندر ندره
في مثل شرواك راسي كما ترسي الجبال
بالمواقف ياهل العرف ماهي بربره
يحتمي الميقاف من طيب عمان وخوال
والله الي يسر العسر والذنب اغفره
وارد العد الرهاوي يابوتركي ينال
في نظر من شق جوه وبره وبحره
الظفر والعز لاظاقت اصدور الرجال
كان ودك تنطح الذيب واتجيب اخبره
اظفر بخوة صديقن صدوق وراس مال
والردي ما زاد همه ولافج انحره
عند من يكرم ظيوفه الياصف الدلال
عقب شب الجمر والعود وسط المبخره
من رجال الطيب والعز محمود الخصال
الردى مادوره والزمن ماغيره
يافهد يابن محياء قبل وقت الزوال
الرجل من طاب حظه وبالخير اذكره
من رجال العز والي يفكون الجمال
يوم كلن سل سيفه وورد ظمره
واحد ماشال هم وقت وقل مال
وشاعر بالشعر ياقف ويحيي منبره
وبالختام اقول ياخوي شيال الثقال
من جبر عظم الخوي عقب مالوقت اكسره

الشاعر / نايف بن دكيم الكريباني العازمي

رد: فهد بن محياء خليفه العجوني الرشيدي (أبــوتــركــي)
 

صح لسانك ويعطيك العافيه