منتديات قبيلة المهيمزات الرسمي - يا حسااااااااافه ......!

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى الشــعر الشعبي ► (http://www.almohemzat-abs.com/vb/forumdisplay.php?f=36)

- - يا حسااااااااافه ......! (http://www.almohemzat-abs.com/vb/showthread.php?t=25035)

يا حسااااااااافه ......!

للتواصل ....!

يا حسافه و الف الف يا حسافه
يا حبيب كب محبوبه خلافه
راح و عيونه بتوديعه تلوح
بالدموع و نبض قلبه و ارتجافه
كل ما ماج السراب بزول خله
طاح مغشي من جفاه و من جفافه
ما عرف للبعد سبه من حبيبه
غير كلمه ما تنقص من عفافه
ليه يا روحي تنكر لي و ترحل
مع طريق كنت يا قلبي تخافه
الطريق اللي علشانك جفيته
رغم ما بي من جروح ومن كلافه
اه يا صبري قضيت من التهلف
والحزن بحر على جفني ضفافه
مات فيني كل حلم به رسمته
وذاب فيني كل صوت كان قافه
اكتبيني يالسنين و حرفيني
دامني دفتر نزع ربه غلافه
و انثريني يالرياح بكل وادي
واجمعيني يالظروف بلا كلافه
فوق غصن مات ما ماتت عروقه
طاحت اوراقه وفصل العشب طافه
ما كتب له شي يستاهل شموخه
ولا حطبه الوقت واشعل في رفافه
احتضنه الغيم مرة قبل مده
ولا عقبه الا التصحر و الجلافه
بنطوي و اضف نفسي في كنوفه
دام حالي مثل حاله يا كسافه
والله اني ضمت نفسي بالمحبه
مع حبيب ما رحم حالي و شافه
من بدينا بالمحبه ضاق صدره
ول يقلعها يا ابو نايف ولافه
عاد باول عذر ودع ما التف لي
ما درى ان الشوق مغرقني رعافه
اه يا ليت الغلا عرق و اقصه
لو ذبل قلبي و لال البين لافه
بس اريح من غلاه و من طيوفه
ولا يصير اغلا بشر للعمر افه