مهما يدور الوقت
 

[poem=font="Simplified Arabic,6,black,bold,normal" bkcolor="transparent" bkimage="backgrounds/39.gif" border="inset,10,burlywood" type=2 line=0 align=center use=ex num="0,black""]
مهما يدور الوقت و تطول الأيام=أنت الغلا اللي طول الأيام باقي
لو الليالي حطمت كل الأحلام=يبقى مقامك مثل ما كان راقي
حفظت لك حب ٍ على صدري وسام=و شيدت له قصر ٍ رفيع المراقي
قصر ٍ شمخ عن كل عاذل و لوام=ما زعزعه هرج الخطأ و النفاقي
سلطانه إحساسي و الأشعار خدام=مامورة ٍ في وصف كثر اشتياقي
و قصايدي عندي عزيزات و حشام=لا جا لها بين الضلوع اصطفاقي
ما تخدم الا هاجس ٍ كل ما نام=عليه مندوب الغرابيل واقي
و أحيا ليال البعد لوعات و هيام=و أروى ظما وجدي بعذب السواقي
و أخبرك بهموم ٍ ثقيلات و جسام=و قلب ٍ من صدوف المقادير شاقي
و عرض لك الواقع مثل عرض الأفلام=فيها صور للصبر مر المذاقي
تسمع بها للحزن دقات و أنغام=و أحداث بلوى ً حملها ما يطاقي
حلفت لك باللي كفل رزق الأيتام=و فرج هموم اهل الصدور الضياقي
لو ان عندك علم عن عاشق ٍ هام=و تشوف كيف أثر عليه الفراقي
انك لتتعب له عيونك و الأقدام=و تحرم المرقاد قبل التلاقي
[/poem]

رد: مهما يدور الوقت
 

آلفرآق ..
البعد ..
الحرمآن ..

آقسى مرآحل يمر بهآ المحب ليتجرع الآه يوم" بعد يوم ..
معيبد بكل صدق لأستطيع وصف قصيدتك..فآنت لم تترك للحنين مكان بين كلمأتك..
...

الوفآء بالحب هو المطلوب بين كل عآشقين ...وبين هذه الأسطر والابيات رآيتك علم" للوفآء ..


...

لو الليالي حطمت كل الأحلام ** يبقى مقامك مثل ما كان راقي .
...
...

رآق لي جدآ هالبيت وكآنه يخاطب مشآعري..
فلم تضع للاستسلام مكان بين آسطر كلمأتك
هنآ رمز للوفاء والاحساس بين المحبين..


...
صح لسانك ابو شعبآن وصح قلبك وصدق عآطفته ..
فهذآ الحب المطلوب بين سماء كل عآشقين تحت ظلال الوفاء الصآدق تحطيهم آغصان المحبه وتحميهم من ريآح الفقد والبعد..

...

تصويرك للأبيات ..
آشعر وكآني آتصفح قصه غراميه او اتابع مشههد لعآشقين يجمعهم الصدق مهمآ آحآطت بهم الدنيا بالبعد والحرمآن..

..
هنيئآ" لك بقلبك الذي يحمل الصدق بدآخله..
وهنيئا" لمن آحببت لانه يمتلك قلب" كقلبك..
..


دمت لغاليك وبآحسن حآل يآرب ..حقآ امتعتني بالقصيده واود العوده وقرآتهآ من جديد فكمآ عودتنا بكتاباتك التي لاتمل..
دمت مبدع ومميز كمآ أعتدنا عليك ..،

رد: مهما يدور الوقت
 

صح لسانك وربي يوفقك وتمثل القبيله في شاعر المليون

رد: مهما يدور الوقت
 

اولا كل عام وانت بخير شاعرنا الفذ معيبد شعبان
ثانيا اتمنى لك التوفيق من كل قلبي والله انك تشرف وكفووو يابو شعبان والله يوفقك لما يحبه ويرضاه

رد: مهما يدور الوقت
 

قصيدة جزلة وتستأهل الاجازة
صح لسانك ولا هنت على الدرر المنثوره
معيبد الرشيدي اتمنى لك التوفيق ومافيك حيله
كن بخيرآ
بدوي فااااهم

رد: مهما يدور الوقت
 

معيبد المهيمزي

كل عام وأنت بخير , وصح لسانك , وبالتوفيق لك في ميدان إن شاء الله .

رد: مهما يدور الوقت