منتديات قبيلة المهيمزات الرسمي - ماقلت آبي قربك ولا قلت مابيك....آفهم شعوري وانت حدد قرارك..

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

ماقلت آبي قربك ولا قلت مابيك....آفهم شعوري وانت حدد قرارك..

ماقلت أبي قربك ولا قلت مابيك ...
...افهم شعوري وانت حدد قرارك

ان رحت عني بدعي الله يحميك ...
...وان جيتني بقول بالقلب دارك

اوقات مايطري على البال طاريك ...
... واوقات من شوقي اناجي جدارك

واوقات اخلي كل هالناس واجيك ...
... واوقات رجلي تنحرف من مسارك

تسوى الخلايق والخلايق تساويك...
... ليلك يشابه في سمايا نهارك

اشتقتلك واهواك وابغاك وارجيك...
... واكرهك والعن جد ليل انتظارك

... ازعلك وازعل عليك وارضيك
... وازعل على نفسي وارد اعتبارك

اهوا شموخك وافتخر في تعاليك...
... والعيد عندي يوم اشوف انكسارك

ياكم شكرت الحظ يومه نزحه فيك....
وياكم حسدت من اوله بيت جارك

من هيبتك قلبي يفز لمعاليك...
... ومن قل قدرك صرت احب احتقارك

اشوف بك لا اقبلت هيبة مماليك...
... واشوف بك لا قفيت اقوى المعارك

اغار من حنانك لا ضمت ايديك...
... وامشي وخلق الله يمينك يسارك

من رقتك تهواك حتى حكاويك...
... ماتشو بدليات حكيك تبارك

لاجيت تحكي صار زحمه بفكيك ...
... كل الكلام يقول خذني لحوارك

اقبل جنون العاشق اللي مباريك...
... وان ماقبلت انت ناوي دمارك

ابقتلك وادفنك واندبك وابكيك...
...وابرجع اقتلني و اوفيك ثارك

اما حياة تسعد اللي مخاويك...
... ولا ترانا بالممات نتشارك

مابين ابيك وبعض الاحيان مابيك...
... هذا شعوري وانت بيدك قرارك

منقوووووووووول
تحياتي اختكم .... روز .....