منتديات قبيلة المهيمزات الرسمي

اهداء من ابن العم الشاعر / فواز مريزيق المهيمزي
إلى بني رشيد عاااااااااااااااااامة وقبيلة المهامزة خاصة

وهذه القصيدة قيلت في
احتفال بني رشيد في ابناءها الخريجين من الكليات العسكريه

سبحان من يبقـى ويهلـك ماسـواه
عالـم ماكـان وعالـم ماسيـكـون

يعطي ولا احد لياعطى يمنـع عطـاه
ورحمتـه اخيـر ممـا يجمـعـون

أشهـد بـأن الله غـيـره لاإلــه
والدين له لـو يكرهـون الكافـرون
ومني على سيـد ولـد آدم صـلاه
ماشعشع النـور وذكـره الذاكـرون

ومن بعد ذكر اللي يشـرف مبتـداه
سـلام للـي بالعزايـم ياصـلـون
اهل المقام اللـي يشـرف مستـواه
ربـع بكـل الموجبـات يشـرفـون

من عصر عبس الجاهلي واللي وراه
عصر المناحر والمثـارى والطعـون
كم عد وردوا بالسيوف الحدب مـاه
لو غيرهم من دون مـاه يصـدرون

وكـم وقعـة بالضلـع ولا بالفـلاه
مايدخلوهـا الا وفيهـا يظـفـرون
تاريخ ناصع يثـري اقـلام الـرواه
ياكثـر مالكتـاب فـيـه يألـفـون

واليوم دور العلـم نبـراس الحيـاه
نـاس يبـون المجـد لازم يتعبـون
والعلم يبنـي البيـت ويثبـت بنـاه
وقـوم بليـا علـم قـوم يجهلـون

العلم يرفـع نـاس لوكانـوا رعـاه
والجهل بيت الفقر جيـاب الغبـون
والحمدللي رزق عبـده فـي سمـاه
رجالنـا فـي هالمسـاء يتـوجـون

راح التعب واللي صبر حقـق منـاه
بكره يعلـق رتبتـه فـوق المتـون
ويصير مسؤل ولـه سمعـه وجـاه
والنـاس بالأفعـال لازم يـذكـرون

كل حلف واعلـن مـن لسانـه ولاه
واقسم على اخلاص العمل مهما يكون
لذلك اوصي كل ضابط فـي وصـاه
يحـط خـوف الله مابيـن العيـون

ترى الأمانـه حملهـا ماحـد قـواه
لابد مـن يـوم عليهـا تحاسبـون
عند الولـي كـل وماحاشـت يـداه
فـي يـوم لاينفـع مـال ولابنـون

الرجل مايمشي علـى غيـر اتجـاه
وعقل البشر ميزه ينافيـه الجنـون
هذي مشاعر شاعـر وقـف عسـاه
يطرب سموع اللي لشعره يسمعـون

شاركـت بالواجـب ولا ادور جـزاه
اهم شيء اسلم مـن اللـي ينقـدون
ون كـان شعـري مايشـد الإنتبـاه
ماني بلا شاعـر ولاهـم يحزنـون