منتديات قبيلة المهيمزات الرسمي - قالوا جفاك وقلت يجفى بكيفـه

قالوا جفاك وقلت يجفى بكيفـه
انا اتلـذذ فـي المحبـه بجفـواه

قالوا ذبحك بطعنة الهجر سيفـه
قلت اتركوه احيا بطعنات يمنـاه

ربيع عمري عايشه فـي خريفـه
وعن الشتا تدفى ضلوعي بطرياه

واخيل برق الغيم في عز صيفـه
واسقي جذور الحب لاهلّ من ماه

املا نظر عيني ليا حـل طيفـه
واروي ظما القلب المعنى بذكراه

والله لـو قلبـي تزايـد نزيفـه
لسقيه دم عروق قلبـي ويفـداه

عمرٍ مضى واللي بقى له حليفـه
يرخص لجل عينه وفدوه لماطـاه

القلب بيت الحب والزين ضيفـه
باقصى معاليقي من سنين مركـاه

يشب ناره بالضلـوع النحيفـه
الشوق زنده والاحاسيس تحمـاه

عيون قلبي في العـذارى كفيفـه
والله ماشافت مع الناس حليـاه

زين البشر قد راح منه النصيفـه
مع النبي يوسف وهـذي بقايـاه

بدر السما لا شع نوره وصيفـه
لا والله الا فـارق فـي مزايـاه

دلع وخلق وكل ميـزه شريفـه
من لامني جعـل المنايـا توطـاه

اللي خلق فيه الطبـوع العفيفـه
اطلب منه جعل المنايـا تعـداه

ياعاذلين القلـب والله ماعيفـه
هذا حياة الـروح ولقلبـي دواه

قالو جفاك وقلت خلوووه كيفه
حلفت باللي زين الكون مانساه

مماراق لي