منتديات قبيلة المهيمزات الرسمي - قهرني انسان ناكر طيبتي

منتديات قبيلة المهيمزات الرسمي (http://www.almohemzat-abs.com/vb/index.php)

- ◄ منتدى عيون الشــعر ► (http://www.almohemzat-abs.com/vb/forumdisplay.php?f=35)

- - قهرني انسان ناكر طيبتي (http://www.almohemzat-abs.com/vb/showthread.php?t=15222)

قهرني انسان ناكر طيبتي

قصيدة انسان ناكر طيبتي

الطيب طيّب عند من يستاهله
ويصير عيبٍ عند ناسٍ جاهله
وانا قهرني انسان ناكر طيبتي
يوم انها تزهر.. وارضه قاحله
لا من ناخني قلت لبا خاطرك
ما قلت له ما اقدر ظروفي مايله
لو يطلب الغالي يرد بصحبته
ما رد خايب او يدينه ماحله
كنت احسبه سيفي ودرعي دايما
الا حسبته فرد ضمن العايله
كنت احسب ايامي بدونه مظلمه
وتسفر معي دنياي من اقابله
دايم ملازمني .......بأوقات الرخا
وكنت دايم في عيوني شايله
ويوم ضاقت بي الفجاج الواسعه
وشفت من دونه نجوم القايله
ناديت له لكن!!!! ما رد الندا
يسمع ندائي له!!!! وهو متجاهله
يمر صوبي كن ماني صاحبه
ما كن نهر الطيب مني ناهله
الطيب في مثله سذاجه واضحه
يحرم علي حتى السلام ابادله
ماهو كفو طيبي وايضا شرهتي
ولا يشرفني كلامٍ قأيله
واللي غمرني بالجمايل بشره
والله لا اثقل بالجمايل كاهله