يابني مظبر لو اصخر قصيدي كله < جديدي>حجاج المهيمزي
 

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
امسي على اعضاء وزوار هذا الصرح الشامخ وانقل اليكم جديدي وهي قصيده بمناسبة زواج الزميل معيبد ضيف الله المظيبري الرشيدي
جيت ماني ضيف لاكني يابن ضيف الله=في محلي وبوسط ربعي وبين اخواني
جيت بيتٍ والله اني من قبل لاصل لّه=تقل اشوف الكيف قدمي والبخور وزاني
الكرم والعود الازرق والشبب والدله=والقبال الزين والتقدير للضيفاني
كل هذا عند اهل ضلعٍ ذراه وظله=من تذرابه نجى مجني عليه او جاني
ضلع ابان اللي محله ماحدٍ يحتله=والله انه مايشبه فيه ضلعٍ ثاني
مامدح الضلع بحصاه ودقه والا جله=بس فعل اهله مدحهم عني وكفاني
قومٍ من ارقاب الاعدا سيوفهم مبتله=يوم صكات الزمن منها الضعيف يعاني
محتمين حدودهم بالشذره المنسله=حدها يلمع سوات البرق بالرباني
يستخف الخصم منها وتحديه الذله=ويعقبها للحياه....الموت ماله داني
يابني مظبر لو اصخر قصيدي كله=في مدايحكم ماوالله يستريح لساني
لاكن العذر ان حصل تقصير والا زله=واسمحولي واعذروني ياذخر جداني
وسلامتك
[/poem]

رد: يابني مظبر لو اصخر قصيدي كله < جديدي>حجاج المهيمزي
 

صح الله لسانك مليون ولايسدون

والنعم بالمادح والممدوح

يستاهلون ربعنا المظابره هم اهل الكرم واهل الطيب واهل الفروسيه

حجاج بيض الله وجهك وعلى غريبه على شاعر بحجم حجاج

رد: يابني مظبر لو اصخر قصيدي كله < جديدي>حجاج المهيمزي
 

رد: يابني مظبر لو اصخر قصيدي كله < جديدي>حجاج المهيمزي
 

حجاج وفيت وكفيت يستاهل المادح والممدوح الطيب

شاعر وافي الى الامام

تقبل مروري

رد: يابني مظبر لو اصخر قصيدي كله < جديدي>حجاج المهيمزي
 

صح السااانك حجااااج """
يستاااهلووون ""
تحيتي حب الغموض

رد: يابني مظبر لو اصخر قصيدي كله < جديدي>حجاج المهيمزي
 

صح لسااانك ابن عمار ويستاهل ابن مظبر ولا تهون سلالة الزول المقدسة من المحيط الى المحيط

وسلالة مهيمز .

رد: يابني مظبر لو اصخر قصيدي كله < جديدي>حجاج المهيمزي
 

بيض الله وجهك ياحجاج والى الامام