محاورة فكاهية مع الشعراء / محمد بن عمار، الطائر المهاجر، فلاح الزهراني ، منصور المري .. وأتحدى واحد يقراها وما يضحك طول اليوم / ههههههههه

محمد بن عمار





معي فرتن احمـر مدبـرن بالصـدأ مرشـوق **
موديـل اربـع وخمسيـن ضايعـتـن اوراقــه



ابي من يخاوينـي بعفشـه علـى الصنـدوق**


ويرفـق بصـك البـاب .. مكـسـورة الطـاقـة



بننحـر بـه الصمـان لأهــل الغـنـم والـنـوق **


ونتـرك ربوعـن . فـي ردى الـهـرج نقّـاقـه



وقرص الجمر نآكل ونشرب عليـه اغبـوق**


نـفــل الـحـجـاج وخـالــق الـطـيـر رزاقـــه



واشوف الذي منهـا ستـار الحشـا مشقـوق **


نتـمـم فـرحـنـا .. والـمـهـر نـدفــع سـيـاقـه



ونـهـدي عربـهـا بالتـمـر قلّـتـن واعـــذوق **


وهيـل ٍ يعشعـش فـي قفـا راس مــن ذاقــه



الــــــــــــــــــطــــــــــــــــــائـــــــــ ـــــــــر


الــــــــــــمـــــــــــــهـــــــــــــاجــــــ ـــــــر



ابلحـقـك بالسيـكـل ولــو مشيـتـي بـرفـوق**


وابسبقـك قبـل الفـجـر مــا يعـلـن اشـراقـه



لأنــي اعـــرف انـــك تـغـديـت بالـمـرقـوق **


الينـه تـفـخ بطـنـك وتشـكـي مــن شهـاقـه



وبنصـح مـن استنـاك لوكـان لـك معشـوق **


يـــدور بــدالــك فــانــت قــــدر وطـربـاقــه



فمن شاف وجهك شاف جربوع فيه شقوق**


دعـســه الـتـريـلا قـبــل يــاصــل لْـنـطّـاقـه



وانا اللي وسيم من نظر له يشـوف بـروق**


اصـيـد الأســد وابـــدا بحـمـسـه واحـراقــه



جـهـازي ثمـيـن آقـدمـه للـظـبـي بـشـفـوق **


خـلاخـل وسمبـوسـه ولــو كـانــت رقـاقــه



واخليـك فـي الصمـان ماتهتـنـي بالـسـوق **


سبقتـك وخـذت الظبـي لــو كـنـت تشتـاقـه



مـــــــــــــــــنـــــــــــــــــصـــــــــــــ ـــــور


الـــــــــــــــــــــــــــمــــــــــــــــــــ ـــــــري



اذا صـوت ابـن عمـار يسمـع بكـل اطـروق**


يبـي فـزعـة العـربـان مــن بُـعـد واشنـاقـه



يبـي اللـي يسايـر موتـره لاوطـا السـاروق**


يخـاف الرمـل ويعـود مشـيـه عـلـى سـاقـه



فانـا جاهـزٍ لـه بالسفـر نـاصـل المعـشـوق **


على اللـي مـع اللجـه شغلهـا علـى الطاقـه



نشيله ونشيل اللي معه لـو بـدون اسبـوق **


ونـشـيـل المـسـمـى للـصـلـوات وارفــاقــه



ونشيـل المواتـر والسياكـل مـع المطـبـوق **


ونشـيـل الحبـيـب ورايــة النـصـر خـفـاقـه



ومعنا المضاد اللي على المعتـدي ساحـوق**


ومـعـنـا الـمـوجَـه نـــاره بـحـيـل حــراقــه



انخوف به اللي ثوبـه مـن اسفلـه مشقـوق**


شجـاع علـى الادنــى وهــو باللـقـاء نـاقـه



فـــــــــــــــــــــــــــــــــــــــــــــــــ ــــــــلاح


الــــــــــــــــزهـــــــــــــــــرانــــــــــ ـــــــي



علامـك يابـن عمـار صوتـك تقـل مخـنـوق **


تعـزْم العـرب وتـجـي تنـاظـر مــن الطـاقـه



علـى موتـرك شديـت حملـي وانـا مشفـوق**


وراكــب فــي الصـنـدوق ماشـفـت سـواقـه



لقيـت المهاجرعـنـد مـوتـرك شـايـل بــوق **


يـقــول الحـقـونـا بيـنـنـا افـكــار منـسـاقـه



وعاينت وجهـه شفـت وجهـه تقـل برقـوق **


وبشتـه مطـوى فــي يــده والـهـوى شـاقـه



معـه سيكـل مكسـر وشايـل معـه صـنـدوق **


وشـايــل كلاشـنـكـوف مـاحـلـى تمنـطـاقـه



تحيـرت بالمخـطـي ومنهـوالـذي محـقـوق **


وجـاريـتـكـم فــــي لــيــل مـابـيــن افــاقــه



وعاينـت بالصمـان ماشفـت لــي مخـلـوق **


ولا شفـت غيـر العيـس والشـمـس حـراقـه



مــــحــــمـــــد بــــــــــــــن عـــــــمـــــــار


( لــــــــــــلــــــــــــطـــــــــــــائــــــــ ـــــر)



وش الراي في عودن يهاجم بـدون حقـوق**


جميـع الخلايـق تشتكـي .. لـذعـة اشـداقـه



يحارش جميع الناس ماخـص لـه مخلـوق **


لسانه كمـا الرشـاش .. فـي لحظـة اطلاقـه



معه سيكلن موذي بـه الخلـق ذا المطفـوق**


عطوني إذا أحدن سيكلـه فـي الرمـل ساقـه



بزعمـه باصـدّ ق روحتـه زايـر أم صفـوق **


يكد الشعـر.. والكـوت .. فـي جيبـه مشاقـه



روى لـي حكايتهـا عقـب مـا كـل الخـازوق **


وحلف . حلف مايدخل .. مع اثنين عشاقـه



لقاها عجوزن . فـي الثمانيـن مـدري فـوق**


عليها مـن الخلقـان ... طولينـن ... وطاقـة



وتلاويـن كشرتهـا .. مـن الديـرم المدقـوق**


وفلقـة جبينـن ... تشبـه ... لطـار . طقاقـه



وريحة عطورن تحرق العين هـي والمـوق**


وصوتن مثل صوت الجحش لحظـة نهاقـه



عقب ماتواست وانكشف راسهـا المحلـوق**


تمـدد .. طريحـن وانثنـت ... عقبهـا ساقـه



فـــــــــــــــــــــــــــــــــــــــــــــــــ ــــــــلاح


الــــــــــــــــزهـــــــــــــــــرانــــــــــ ـــــــي



تبـي الـراي يامحمـد فـي الطائـر المرهـوق**


ورمـيــك يـشـابـه رمـيـتـه او يـكــن فـاقــه



انـا خابرالطـائـر فــي الـمـزح مـابـه بــوق**


يـحــب الفـكـاهـه ماتـخـبـى فــــي انـفـاقــه



يجـاري القوافـي بيـن روعاتـهـا وطــروق**


ومـاظـن شـايــل لـلــردى شـــي باعـمـاقـه



يسـوق الحطيئيـات لاهـل المعـانـي ســوق **


ولاصــاد حصـنـي جـــود الـعــود بخـنـاقـه



ومــادام جــاك بسيكـلـه مختـبـي بـالـنـوق**


ونـاوي علـى الفـلات وابـدى لــك اشـواقـه



يبـي يسبـقـك ويـفـوز بالـجـادل المبـهـوق **


واثــــارك تـسـويـهـا مـطـبــات لاغــراقــه



عجـوزن مـن الصمـان ووريعهـا مـشـدوق **


تـخـطـط لـصـيـد الـعــود بـعـيــون بــراقــه



ترى العـود غـره مكيجتهـا مـن المسحـوق**


مــن الـبـعـد عايـنـهـا وماعـنـدهـا بـطـاقـه



عشقهـا يفكرهـا جميلـه مــن اهــل الــذوق**


ويومـه صحـى مـن نومـتـه شافـهـا شـاقـه



تخلـى ووصانـي وقــال الـحـق المـوشـوق **


وجيـتـك عـلــى رسـلــي بخيـلـيـن سـبـاقـه



اذا انتـه مصمـم يامحـمـد عـلـى ام الــزوق**


فـجـهــز لــهــا شــقــه وعــكــاز وبـنـاقــه



الــــــــــــــــــطــــــــــــــــــائـــــــــ ـــــــــر


الــــــــــــمـــــــــــــهـــــــــــــاجــــــ ـــــــر



اركبك في الصنـدوق عقـب مانمـر السـوق**


وانـا فــي الغـمـاره امـسـك الـخـط سـواقـه



واركب معـك عنزيـن الـى شفتهـن كالنـوق **


ولوجعـت لاتحلـب وتشـرب عـلـى سـراقـه



ولا نبـغـي الصـمـان نـنـحـر بـلـيـا عـــوق **


ديــار تـفـل حـجـاج مــن حــس بالـضـاقـه



تشـوف البحروالشـط ونــاس عليـهـا ذوق **


وتطـعـم حـلـيـب قـبـلـك الـجــد مـــا ذاقـــه



وعلى الشرع تاخذ ماتبي من وسيع الموق**


وتـنـسـى هـمــوم تـثـقـل الـقـلـب حــراقــه



مــــحــــمـــــد بــــــــــــــن عـــــــمـــــــار


( لــــــــــــلــــــــــــطــــــــــــائـــــــــ ـــر )



أشوفـك قلبـت السالفـه مـن تـحـت لافــوق**


وشـطـت بــك الأفـكــار والـنـفـس حـمـاقـه



بغـيـت الـحـزام وعــود المحـتـزم مخـنـوق**


وضعـنـا مــع ( السـيّـاق ) والعنزوالـنـاقـه



ترفـق وكــل مـطـرود ياصاحـبـي ملـحـوق**


طريـق البحـر. والشـط . لـه نـاس عشّاقـه



أيا الحوقلة ياللـي بـراس الغصـن مشنـوق **


تدحرج من أعلـى العـش يـوم القـدر ساقـه



فـداك العنـاق اللـي طـرف أذنـهـا مشـقـوق **


وفــداك الصمـيـل الـلـي مكسـرتـن حـلاقــه