منتديات قبيلة المهيمزات الرسمي - ( قـــيــــادة المرأة للسيارة)!!

يا بنت مالك في السواقـة تصريـن
شوفي الحوادث تاكل الناس كل يـوم
اليا بغيتي خوذي سـواق بـه ديـن
فيه المحافظ في صلاتـه وبالصـوم
وكانك مصره مثل غيـرك تسوقيـن
قلت اعذريني أفتـح لبـاب مـردوم
باب ن اشوفه يزعجن صكتـه زيـن
جاب الهبايب شرها صـار محتـوم
واللي يحدك يغصبك قلـت مسكيـن
مثل الخليج وغيرهـا قولـه احلـوم
ماحد ن بغاهـا فتنـة ن للوراعيـن
ذنبك عليهم لا لقوا جنس مهضـوم
ولبس البراقع عادة ن لبسها شيـن
في لبسهن يصير ماهـو بمحشـوم
واللي تضايق من كلامي قوي عيـن
ما فيه غيـره للمحـارم وال سلـوم
غرب ن غزونـا للفكـر هالملاعيـن
خلوا شرايع ديننـا شـرع مظلـوم
ما شافوا ظلم ن صاير ن في فلسطين
الشعب تسلب كل حقوقـه ومعـدوم
لكـن بغوهـا ديـرة ن للشياطيـن
باسم التطوّر مـا انـا فيـه ملـزوم
هذه بلادي مهبـط الوحـي والديـن
واللي يمسه جعلـه للنـار بـه دوم