منتديات قبيلة المهيمزات الرسمي - راكب اللي دبلَــو حتى سبيره

راكب اللي دبلَــو حتى سبيره

راكـب اللـي دبلَـو حتـى سبيـرهفل كامل كـل شـئ شـد الوكالـه

لو يخير صاحبه مـا اختـار غيـرهمـاورد مثلـه ولا يبـغـى بـدالـه

من تواصيفه ماهـو بيصيـح قيـرهولو نزل راعيـه ماسمـع اشتغالـه

نيكل تلمـع عصـى قيـره قصيـرهكنها معصـم وقبضـة يـد اصالـه

ما يميز فـي وقوفـه مـن مسيـرهمـا تطيـح مـن المطبـات البيالـه

...والمراتب الاوله تشبـه الاخيـرهبالفخامـه جلـد ناعـم ينعنـا لــه

وعاج طبلونه مـع شاشـه قصيـرهتكشف اللي بعد خمس امتار حولـه

وفي دركسونـه لـه ازرار كثيـرهكـل شـئ ٍ فيـه لـه زر لحـالـه

كل ما تحتـاج مـن حاجـه يسيـرهبيـن سبابتـك وابهـامـك تنـالـه

والمكينـه مـن وصايفهـا كبـيـرهتمسك الكبـوت مـن جالـه لجالـه

وشمعته شبريـن ماهـي مستديـرهنورها شكلين لا جـاء الليـل زالـه

لعترض لك كن فـي جنبـه سعيـرهوكـل لـون زايـد خفـه جمـالـه

مصنعه صاطي المصانع منه غيـرهقـلـدوه ولا حــد ٍ ورَد مثـالـه

لمشى مـا تلحقـه حتـى الذخيـرهينزرق كنـه يتخـوف مـن ضلالـه

صممـه بأحـدث تصاميـم خبيـرهما أشغله من شغلتـه كثـرت عيالـه

مصنـع اليابـان يابـانـي مـديـرهمالبـس غتـره ولا ميَـل عقـالـه

يشتغـل بأيـده ومشروعـه يديـرهويتعلـم ويتخصـص فـي مجـالـه

مطعمه محضور والمشـروب بيـرهما يفكر فـي حرامـه مـن حلالـه

كافـر مـا يطلـب الله بالستـيـرهبوه ما جاء يطلب امه مـن خوالـه

لشتغل حاسب على شغلـه ضميـرهوان طرا له شئ يفعـل مـا طرالـه

في الديانه ما يفكـر عـن مصيـرهمن جهالة مذهبـه واعظـم جهالـه

في هواء نفسـه وشيطانـه مصيـرهفي نهار الحشـر مـا فالـي بفالـه

يانديبـي وجهـه لاعــز ديــرهنجد دار اهل الوفاء واهـل الشكالـه

وانص بيت اللـي مواقيفـه خطيـرهيخلف الشاعـر لمـا وقـف قبالـه

شاعـر مافيـه فـي العالـم نظيـرهيشهد اللي قد عرف وقت مضى لـه

ابن شايق يعرفه من فـي الجزيـرهشاعر في الطيب ما تقصـر حبالـه

اختـلـف والله يعـلـم بالسـريـرهوكم شلي جـو وقتـه مـا صفالـه

يوم يصفي لـه ويـوم فيـه حيـرهومن غدر فيه الزمـن يـا عزتالـه

ومن عرف ورد الزمن يعرف صديرههكـذا مـا بيـن ميلـه واعتـدالـه

والقبيـلـه والفخـيـذه والعشـيـرهما توافق لـو يفكـر فـي اعتزالـه

نفتخر به فـي المواقيـف العسيـرهوعزتى للشعـر لـو يفقـد رجالـه

وختمهـا طلبتـك يامنجـي جويـرهولا يخيب اللي على الـرب اتكالـه