منتديات قبيلة المهيمزات الرسمي - مهامزه من ماضي الوقت للان / عايد اديهم ابن مدعث المهيمزي

سميت بسم الي فرض خمس الاركان @ الي بسط سبعن وسبعن بناها

الله ما غيره عليم ن بما كان @ سامع دبيب النمل بظلم دجاها

و من بعد ذكره قلت في زين الالحان @ قال ابن اديهم في بيوت ن نقاها

حنا مقابيس الوغا سر و اعلان @ حنا سنام المجد فيه انتباها

مهامزه من ماضي الوقت للان @ حنا زباينها و حنا حجاها

و الي يعادينا له نصير عدوان @ عدونا عيونه ترانا عماها

كم شيخ قومن بعده ابناه يتمان @و صاحت عليه أمه و قدت غطاها

بسبابنا يبكونه اقراب ووأخوان @و حليلته بعده تغير أرداها

عقب الطمع فلابه الذيب سرحان @ غرته نفسه يوم طاوع هواها

عاقوه ربعن دون حلوات الالبان @لا طار عج الخيل و اظلم سماها

شجعان من شجعان واولاد شجعان @ كلن يبا العليا و يركض وراها

هديبان مروي بالقا غض الاسنان @بالسيف يرمي للذيابه عشاها

السيف من يمناه بالدم رويان @في ساعتن تنسى العذارا نماها

و ابن غضواء بالملاقا بليهان @صفراه من دون المتلي ثناها

يثني خلاف الي من الخوف حيران @ عايش زبون الخيل ساعت لقاها

و خضران له في صفحت المجد عنوان @ سيره ولوطال الزمن مامحاها

و خضير متعب بالقا حيلن أسمان @ الخيل لاقبل يمها اعطت قفاها

و فالح ولد مدعث و للهرج برهان @ كم سربتن بالسيف فرق عصاها

و ابن المشوش بالقا حام الاضعان @ صفراه تقصر دون ربعه اخطاها

زبونها اليا طار بالجو دخان @شلفاه من جوف المعادي سقاها

حنا اهل الطولات في كل ميدان @لا طار عج الخيل حنا حجاها

ستر العذارا أن زغردن وين الاخوان @نارد حياض الموت والدم ماها

و من يستبيح حدودنا يضام وايهان @ نزيه سمن دون غالي ثراها

لا ما نبيحه لو سعى بدرب الاحسان @عن وطيت العدوان نحمي احماها

وذرا الدخيل بظلنا بأم وأمان @طلابته تقطع لا جانا رجاها

و الجار لو ان جار مايجيه نقصان @ باطيب زلاته نقدم جزاها

يعيش معنا بعز ما يشوف حقران @يرحل و جيرتناحشا ما نساها

و الضيف نفرح به الى جاء و له شان @ أضيوفنا روس العداوا قراها

سلمن لنا من ماضي الوقت للان @ غصبن على الزعلان و الي رضاها

أولاد مهيمز قلتها سر و اعلان @سقم المعادي في نهار الوجاها

يشهد النا التاريخ من ماض الازمان @من خلقت الدنيا و خلقت سماها

و مدحي لربعي مابه ذمن وبهتان @كلن له امجادن و لاحدن غواها

و صلات ربي عد ماهل ودان @ على شفيع الخلق في ملتقاها

\ عايد اديهم ابن مدعث المهيمزي /