منتديات قبيلة المهيمزات الرسمي - يازكي خلقه ماهي بلك شهقات الغراق=الأجودي ماهو يسوي كذا فـ الأجودي؟؟لايفوتكم

بدون مقدمات ..لايفوتكم ابداع سعد بن علوش

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ـالـغـلا بـعـضه .. تنفس وبـعـضه ـإخـتنـاق=والتنفس .. شرق وأناتغربت وحدي
مت من فعل الجمايل براعين النفاق=وعن حدًي نفسي لها لو ماني بمحدي
العمر محسوب والجرح لامن فاق فاق=ماتغمض به دكاترته وقرية مهتدي
أبشع أشياء الحياه الضليمه والفراق=والغبى , والمعصيه , والبنى , ثم الردي
وانت ياللي صغت حلم التواصل بالسباق=قلت لي هيا .. وأنا جيت بالحلم أعدي
أعدي وأنا مسوي خطا فـ الإنطلاق=مبتدي من قبل لسباق حلمك يبتدي
وانفجر صدري وعدوي معك ماعاد لاق=وجيت مستسلم ولأنوار حلمك مقتدي
لين حلمك حطني بين قوسين إحتراق=تحترق منا يدي وتحترق منا يدي
والله أن أكبر عيوب الرجيل الإنزلاق=خص لامن صار دربك وحيش وسرمدي
أتعثر بس ماسمع حكي كذاب ساق=كلمتي هي كلمتي ووعدي هو وعدي
يازكي خلقه ماهي بلك شهقات الغراق=الأجودي ماهو يسوي كذا فـ الأجودي
الله يسامح خطا القلب يالصلب الرقاق=ليه يحيى فـ البسيطه ويحلم فـ. الجدي
العفو وإلا الشكر كلها نفس السياق=إعرف إنك في عروقي مع الدم تغدي
لو كرات الدم ترث غلا وإلا إشتياق=كان أبتنافس على حبك أنا وولدي
أعشقك بس العذر منك مايطلق وثاق=مانته بمكه ليا أخطيت فيك أذبح فدي
لكن إذكرني ليا جا اللحاق مع اللحاق=واعتصم هادي وعيى على الدمع مهدي
إذكر إن غيمة عيوني ليا بان الزراق=وهب طاريك يتساقط على الخد بردي
والذي نفسي بيده إني أشعر بإختناق=كل ماهب الهوى شرق وأصبحت وحدي

[/poem]