مرثيه الشاعر / مشاري بن كريم
 

بسم الله الرحمن الرحيم

اقدم لكم هذه القصيده


للشاعر / مشاري بن كريم بن عجوين الرشيدي رثاء في عمه الشيخ /عبدالرحمن بن بعيجان بن عجوين
شيخ شمل العجاونه من قبيلة بني رشيد
تغمده الله بواسع رحمته


[poem=font="simplified arabic,5,black,bold,normal" bkcolor="black" bkimage="backgrounds/24.gif" border="double,7,gray" type=1 line=1 align=center use=ex num="0,black""]





قالوا توفى الشيـخ عمـك بليهـان=قلـت انـنـا لله وآنــا دخيـلـه
واتفجرت عبـره وفاضـن الااعيـان=ودمعي غدا سيـلٍ وجفنـي مسيلـه
ترجل الفارس عقـب وقفـة ازمـان=الله يعوضـه ويـعـوض القبيـلـه
والله يثبتـه ابسؤالـه ليـا حــان=والله يوسـع مدخلـه ويعفـي لـه
ياعمّ مرحومٍ عـدد وبـل الاامـزان=وجعل القبر ياعـمّ روضـة خميلـه
مرحـوم يامـن للمشاكيـل عنـوان=مرحـوم يامـن مامشـى بالرذيلـه
مرحـوم يامـن بالمهيبـات مـالان=مرحـوم ياطـب النفـوس العليلـه
مرحوم يامن كل ربعـه لـه اخـوان=مرحـوم يامقـدام شيخـان جيـلـه
الصايـم القايـم وصــداح الااذان=قـاري كتـاب الله وشرعـه دليلـه
تبكيه شيخـان وعـوارف وعربـان=وتبكي على موتـه رجـال القبيلـه
فقده خساره لو تعـوض بالااثمـان=انعوضهـا ميـر البـلا مستحيـلـه
ابو مساعد شيـخ ذربيـن الايمـان=شيخٍ علـى العجويـن راع الجميلـه
رمز المراجل والجمايـل والااحسـان=امشيد الصـرح الـذي ننتمـي لـه
شيد مع ارجاله بدايـع لهـا شـان=من هو من الشيخان حصل حصيلـه
ولاهان غيره مـن شيـوخٍ ولاهـانل=كـن ابـو مساعـد فعولـه جليلـه
كم اشبع الجايع وكم اروى ضميـان=وكم قال انا والغير ينفـض شليلـه
ويامـا تزهـل واحتماهـا كحيـلان=وياما تفضـل واتصـف بالفضيلـه
وياما يمينه فرّجـت كربـة انسـان=ويامـا تكـرم والليـالـي بخيـلـه
وياما عدل بالصح منهـاج غلطـان=ويامـا تركـى للحمـول الثقيـلـه
والمـوت هـدّام الملـذات يـافـلان=واقدامنـا يابـو طـلال اتعـدي لـه
الموت رحـالٍ وحنـا لـه اوطـان=ولاطبنـا نرحـل بغيهـاب ليـلـه
سطوته اشد من سطوة السيف شامان=وكل الرقاب اليا سطـى تنثنـي لـه
وموتـه فجيعـه ورّدتنـا للااحـزان=هـمٍ يلازمـنـا ليـالـي طويـلـه
جيت اقبره وآنا من الحـزن رويـان=ايـه اقبره...ماعـاد باليـد حيـلـه
وشلته على كتفي وانا وجهي اللوان=من الحزن لأني على القبـر اشيلـه
وساعة دفنته واصبح الحزن مدفـان=وائيست عينـي مـن انْهـا تخيلـه
رفعت ايدي وهلـت ادمـوع ندمـان=وابتلت ايـدي مـن دمـوعٍ هميلـه
يالله يالله ياعلـيـمٍ بـمـا كــان=علت صفاتك ولْك الااسماء الجليلـه
تغفر لعمـي يـوم لفتـه الااكفـان=وتكرمه منـك الكـرم نرتجـي لـه
وَتَلهـم العجويـن صبـراً وسلـوانا=لفاجعـه ماهـي عليـهـم قليـلـه
واتعوضهم في شيخهم بـن بعيجـان=اللي خذاه المـوت واعلـن رحيلـه [/poem]



وسلامتكم

ابن رهق


صح الله بدنكـ


وجزاكـ الله خير الجزاء

ويسلم لي راسك على التحـــــيه


وأتمنى من الجميع تثبيت القصيده لحيث انها جديده وحدثها سابقها بوقتاً وجيز



لكم اجل التحيه والتقدير،،،،،

صح الله لسان الشاعر مشاري

ورحم الله الشيخ عبد الرحمن واسكنه فسيح جنااته

رد: مرثيه الشاعر / مشاري بن كريم