ربعي بني رشيد
 

( ربعي بني رشيد )



[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ربعي هل الطولات مقدم هل الخير=بني رشيد مدلهين الجلاوي
من عزهم مايلحق الروح تقصير=إليا تناخو مبعدين الهقاوي
مايهمهم عسرن وبعد المشاوير=وعدوهم تكبر عليه البلاوي
مثل الصقور بعاليات المشاهير=كلن على النخوه يتوق ونداوي
ياتاج راسي محتمين المغاتير=روس الرجال موثقين العزاوي
أنا رمتني في زماني مقادير=وأصيح وانخاكم ولاني بغاوي
أقفت سنين العمر مثل المعاصير=وانتو دوا قلب كوى فيه كاوي
ابغى سحايب ياوجيه المناعير=عنها سجين ويطوي الحال طاوي
فزعاتكم تارد جموع وطوابير=وأنتم ذرى قلبن طمع فيه ناوي
ومايسقي الظميان روس المعاذير=وانتم بعد ربي لجرحي مداوي
والعذر منكم كان بالقاف تقصير=انا على الامال فيكم رجاوي

[/poem]


الشاعر/ عوض بن عني بن سبيتان الجبيري المهيمزي الرشيدي

رد: ربعي بني رشيد
 

صح السااانك مليووون ي عووض

ولا قوول غير الله يفرجها عنك وعن كل مسلم

رد: ربعي بني رشيد
 

رد: ربعي بني رشيد
 

صح السانك ياعوض واسأل الله العلي القدير ان يفرج كربك

رد: ربعي بني رشيد
 

صح السانك ياعوض وانا يعلم الله لااعرف انك بهذا الوضع إلا من احد اعضاء الموقع
الله يكون بعونك
وياليت تراسلني خاص وتعطيني الاشخاص المعنيين واصحاب الشان
وأهل الخير سوف يبذلون اقصى جهودهم بأذن الله

رد: ربعي بني رشيد
 

صحت أبدانكم جميعا وأشكركم على تعاطفكم ‏مع ‏
وضعي

ولكم مني فائق المحبة والتقدير

رد: ربعي بني رشيد