منتديات قبيلة المهيمزات الرسمي - الي أي سعودية تبي تسوق السيارة

السلام عليكم ورحمة الله وبركاته

خواتي في الله كثر الحديث في الأونة الأخيرة عن قيادة المرأة السعودية للسيارة

وأنا كوني إماراتية أسوق سيارة وكل من حولي من المعلمات والصديقات والأهل والزميلات ..... الخ

يسوقن سيارات أقول وهذه ليست تجربة شخصية بل كل اللي أعرفهن يمرن بنفس

المعاناة وطبعا هي تبدأ بالتدريج

يعني الزوج أو الأخ في البداية يقول سيري داومج بالسيارة وبعد كمن شهر خذي العيال

للمستشفى والا للمدرسة

ومع الأيام راح يكون عليج كل شيء خصوصا لوكنت موظفة من بداية مشاوير الصباح

للمدارس والدوام

والظهر بعد الدوام لتشتري أغراض البيت مرورا بالعصر تاخذي العيال للمستشفى وإلا

لمكان اللعب

وكل المشاوير اللي كان يسويها بو الشباب صارت أم الشباب تسويها وهو يا نايم في

العسل والا مع الربع أو الكوفي

تصدقون هاي معاناة كثيرات ممن يسوقن إلا من رحمها ربي بزوج يتحمل المسؤولية ( وهذولا قليلين )

والله أنكم عايشات أميرات وشو خانة الزوج إذا كانت زوجته تسوي كل شيء

في الأخير أنا ما أعمم ولكنها الحقيقة الغالبة

لا إله إلا أنت سبحانك إني كنت من الظالمين
لامانة منقول