![]() |
وحيد ... والليل .. والوحـده . تبكينـي
سهران ... فاقد حنان انسان .. يكفينـي أحكي له أحساس عمري وأخر اشعـاري شاعر وعندي قرينـة شعـر .. تسقينـي من نبعها حرف ... والمعنى من افكـاري وحيد ... والليـل ... والوحـده تبكينـي ماكنـي الا غريـب بـداخـل ديــاري وانا طفـل . والحـزن معيـا يماشينـي والهم في غرفتـي شطـب لـي جـداري كبـرت لاكـن .. ظروفـي ماترعاينـي تعبـت مـن قسـوة الأيـام واقــداري جريـح مبطـي . ولا منهـو يداويـنـي والصبـر عيـا يطفـي داخلـي نــاري فقيـر لاكـن : يديـن العـز تغنيـنـي مامـدهـا غـيــر لله والله الـبــاري وش لي بناس (ن) اليا ضاقـت تخلينـي وش لي بناس (ن) تبي تخسف . بمقداري وانـا مكانـي رفعتـه فـوق بيديـنـي من (حشمتي)(عزتي) (عزمي)مع اصراري أحساسـي اكبـر لـو الدنيـا تغنيـنـي علـى لحـن فرحهـا وتحـن وتـداري .. .. ياصاحبي ليـه ؟ بيـن النـاس بالينـي تذمنـي ليـه ؟ وانـت بحالـتـي داري لارحت عنـي تسولـف بالـردى فينـي والا انت شارب مـع الفنجـال مخـداري لاضاق صدرك . تعوف النـاس وتجينـي كم لـك تقسـم علـى توليفـة اوتـاري ماني بكيفـك ... تعلينـي __ توطينـي انا مع النجم قـدري .. والقمـر سـاري يشوفني مـع وجـود الليـل .. يدعينـي اسهر معـه والصبـاح يقبـل ازهـاري .. .. والا انت ياللي غرامـك ماخـذ سنينـي وشفيك من غبت ؟ ماتنشد عن اخباري ؟ صدك ترى .. في صميم القلـب يكوينـي ضيعت حلمي معاك وكنـت لـك شـاري تبيعنـي ليـه ؟ دامـك منـت شارينـي خليـت دمعـي علـى يمنـاي ويسـاري دوم اتذكـرك وابكـي وانـت ناسيـنـي ماغير اقلـب مـن جروحـي بتذكـاري عطيتك اسـرار يومـك كنـت هاوينـي واليوم متندم انـي بحـت بـا اسـراري صرت بغيابـك وحيـد . الهـم طاوينـي اكتب قصايـد حزينـه .. مالهـا قـاري شاعر وعنـدي قرينـة شعـر تسقينـي من نبعها حرف . والمعنى مـن افكـاري وحيد ... والليل .. والوحـده . تبكينـي ماكنـي الا غريـب بـداخـل ديــاري |
ط§ط¨ظٹط§طھ ط¬ظ…ظٹظ„ظ‡ ط§ط´ظƒط±ظƒ ط¹ظ„ظ‰ ط·ط±ط*ظ‡ط§
|
وحيد ... والليل .. والوحـده . تبكينـي قصيدة رااااااااقت لي كثير وكلمة رائعة قليلة بحقها أشكرك أخوي على أختيارك وأن دال على وذوقك لك كل ودي وأحترامي وبانتظار جديدك بشقف تقبل مروري المتواضع "شخص آخر" |
اشكرك شخص اخر على مرورك العطر
|
يشرفني ان اكون حاضرا هنا بكلماتي المتوااضعه
امام شموخ كلماتك وصدق المشاعر لكل وضع حال ولكل حال قمه والقمم تختلف في حالاتها يا اما تكون (((قمة الحزن )))او (((قمة السعاده والفرح))) ومن الذين احببناهم نرا احد تلك القمم واتمنى ارى كل جديد لك دمتي بخير وحفظك ربي من كل شر |
الكلمات رائعه جدا
ومعانيها اروع يسلموووووووو اخوي بندر اموووووووله |
الساعة الآن 06:45 PM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host