|
قصيدة سيف العشق - مساعد الرشيدي
كيف أطفي الريح بثيابك وكيف اشعلك
كيف اتنثر على جمرك وكيف احتويك نقضت لليل الحرير وجيت ما انت لهلك سميت باللي فتني بك وقلت ابتديك هذا اول الدرب اوهذا الطريق اولك جيت اتوقا عذابات المدى واهتديك شوقي مسافة وهمساتك مدار وفلك ان ما ضميتك غلا ياعلني ما ارتويك اية اعرفك واعرف اني من غلاك اجهلك مرات اضمك واخاف اني مشبة عليك مرات اشوفك بنفس الوقت واتخيلك وانشد كفوفي عن اخر سالفة من ايديك اعن لك لو تصب الموت واتهيلك واجوع لك واتمنى خنجرك واشتهيك ماقلت لك عمر سيف العشق مايقتلك ماتشوفني حي قدامك وانا اموت فيك اشتق لك قبل اجيك وجيت واشتقت لك لبارحة طول ليلي بين هاذي وذيك مليت جمر انتظارك واستحيت اسالك واحسبني ما بعد جيت وفكرت اجيك اثرك بقلبي من البارح وانا استعجلك واثري نسيتك من الفرحة وقمت احتريك |
صح السان الشاعر
|
اشكرك اخوي ابن نمش على اختيارك لي هاذي القصيده الرئعه
صح السان الشاعر تقبل مروري اخوك حكيم الزمان |
اسعدني مروركم
|
صح لسان الشاعر الكبير مساعد
ولاهنت على اختيارها ونقلها |
ابن نمش قصيده اشهر من نار على علم ..
صح لسان شاعرها و احساس ناقلها .. تحيااااااااااااتي لك ... |
فعلااااااااااا اشهر من نار على علم
شاااااااعر استثناااااائي في كل شيء صح لساااان ابوربيع وسلمت يمينك مليااااااااار ماقلت لك عمر سيف العشق مايقتلك ماتشوفني حي قدامك وانا اموت فيك اشتق لك قبل اجيك وجيت واشتقت لك لبارحة طول ليلي بين هاذي وذيك |
| الساعة الآن 04:51 PM |
Powered by vBulletin® Copyright ©2000 - 2025, Jelsoft Enterprises Ltd. Supported By Noc-Host