.gif)
نصيحة بن فطيس ..
اضحك وفل حجاجك اشفيك محزون
دنياك ماتسوى وخذها نصيحه
مادام مالك ميت ولا انت مديون
ارم الهموم وخل نفسك مريحه
لوكانوا اصحابك يضاهون مليون
نق الكفو منهم وخل السطيحه
ولا تشتكي للناس لو كنت مطعون
(والذم من بعض الخلايق مديحه)
ولاتنحني للهم وتعيش مغبون
ترى المريح اهل العقول الصحيحه
لاصرت صادق قالوا الناس مجنون
مايمدحون الا النفوس القبيحه
وخلك صمود بوجه الايام وموزون
وماحرم الله إثم لاتستبيحه
والكبر لو به فايده فاد فرعون
ومن ذاع سره بشره بالفضيحه
والله لو يعطون لك مال قارون
ماشفت نفسك بالغنى مستريحه
انفض هموم القلب وابليس ملعون
وان ضاق صدرك ارض ربي فسيحه
الشاعر/ محمد بن فطيس المري
|