يالي زعل تزعل ولاني مراضيك
يالي زعل تزعل ولاني مراضيك
اشرب كدر ماء البحر كانه ارضاك
لاتحسب اني عقب صدي باداريك
باعز نفسي عنك مدراك مدراك
اربع سنين انا متحمل تغليك
راضي بتعذيبك لجل قلب اغلاك
وخليتني واليوم والله لاخليك
وادوس قلبي لينه يقول خلاك
قبل توريني الحساير باوريك
لين قال فلان هانك اوراك
ماني بقايلك عسى الله يهنيك
الله يحرمك من كل ماكان هناك
عسى العمى ياخاين العهد يعميك
فوق الغرور الي عن الماضي اعماك
وعساك ماتفرح وتكثر بلاويك
وأمك تشق الجيب من عظم بلواك
وعسى الشلل يعوف رجلن اتمشيك
لينك تحسف ليش غيرت ممشاك
عساك ماتسمع غريب يناديك
حيثك تجاها صوت محروم ناداك
الله يكره فيك حتى دوانيك
غشاش خاين من من الناس داناك
هذي النهايه روح والله يجازيك
امسك ويومك عنهم الغد يجزاك
_________________________
من كليمات الشاعر الكبير طلال السعيد
|