قصيده للشاعر شباب عالي الرشيدي
بديت باسم اللي بجاهه حمى البيت
اللي نصر جنده على من يضده
ابدي بذكره كل ماصبحت وامسيت
واستغفره واستسمحه واستمده
من بعد ذكره بالمعاني تنقيت
وانا هجوسي للمثل مستعده
مثايلن تنصى هل الطيب لاجيت
نادى المنادي واعتزى بعقب جده
ندى يصوت للجبيرات تصويت
اهل الوفاء واهل الكرم والموده
للبدو والي بالحضاره تعزويت
ولهل الكويت العلم واضح ووده
مدحي لربعي مايذم اهل الصيت
ولايستشك الا خبيثن معده
ربعي على وقت الليال المساحيت
مثل البحر ينهاب جزره ومده
من انذروه يساهر الليل مايبيت
ويطاوعونه بالمهند وحده
والامل بالله ثم فيكم وانا ابديت
يادرعي اللي ماغدالي يردة
وتمت بذكر مثبت الحق تثبيت
تحيت الاسلام قافي مشده
الشاعر شباب عالي الرشيدي
|