سقى الله ديرة آل سعود ديرة كاسب الطولات
بسيل يسقي الوديان ويْجرّح له حدوده
عسى مزنٍ تجمّع في سماها ما يروح اشتات
ويلوح البرق في غرّ المزون اتدندن رعوده
ويمطر فوق دار أهل الوفا والعز والـفزعات
وحتى إن الشجر يخضرّ به وبل الحيا عوده
ويعم الخير وسط الدار حتى تـكثر الـخيرات
وتنعم كل دار بخير ربّ الــكــون ووعوده
يا دارٍ قدرها عالي وباسـمك نرفع الـهـامـات
وصرتي للقصيد العذب مغزى شعر وانشوده
ملكها الفيصلي حتى مشى فيها عزيز الذات
تحكّم في رسنها صوب دار العز ويــقـوده
تـراك الغـاية الأولى وطـنّا وآخـر الـغـايـات
من حدود الشمال وللجنوب أبعد من السوده
نذود اعن الوطن بأرواحنا لو كل واحــد مات
ونرخصها على شان انّها بالنصر موعوده
وبـعـز الله ثم عزه نطول ونرفع الرايات
وكل الشعب ردد له ترى فرحان بوجوده
كريمٍ بالسعة زيزوم لا من كثرت الجولات
وكل امواطن ومسلم سعيد ويـفـخـر ابـجـوده
رسم فوق الثرا عز الفقير وصادق البسمات
حمى دار الوطن والأمن يزخر دوم بجوده
ولـه هـقـوه سليل المجد زايدةٍ عن الهقوات
جمع كل الخصال اللي بخلق الله محموده
هذاك القايد اللي تحْت ضلّه ننعم ابخيرات
أبو متعب ترى كل العرب تشكر له اجهوده
تهني يا وطنّا وافخري به ســيّد الـسـادات
زعيمٍ له مواقف مع جميع الناس مشهوده
سلاااااااااااااااااامتكم
شـــعـــــر / الــبــحــر الأحــمــر