امـــه تعـــيـــســـه
((قصيده امه تعيسه))
لشآآآعرنا الكبير حمود البغيلي وقام بارتجالها الشاعر الكبير علي القحطااني ....
قصيدة الشاعر حمود البغيلي
امه تعيسه يقول فيها...
امه تعيسه ياعلي وين ما رحــــت
تبيع في لحظه حقوق المواطـــــن
ما تنتبه لك يابن قحطان لوصحـــت
قامت جنون الشر فيها تراطـــــــن
ماحد يسند لك اذا وسطهم طحــــــت
الشر فيها صار ظاهر وباطــــــــن
لا تلومني لاشفتني ياعلي بحـــــــت
سري وشفت اسرار روحي تشاطن
والله ثم والله لو جيت لو رحــــــــت
جروح قلبي ماتشافن وخاطــــــــن
كل ما بغيت اقوم ياصاحبي طحــــت
كن المشاعر للمخدر تعاطـــــــــــن
واليكم ارتجال الشاعر الكبير علي القحطاني جوابا لشاعر حمود بقصيده عنوانها...
((ياحمود فاح الشعر))
يقول فيها...
ياحمود فاح الشعر وانته معه فحــــت
ياللي بوضع الناس فاهم وفاطــــن
المشكل انه صار لك عام مالحـــــــت
لين المشاكل حوطن ثم حاطــــــــــن
تبدي بوجهك وان قابلتهم شحــــــــت
ياحمود فكر وين الاقدام ياطـــــــــــن
حياتنا نوعين يافوق يا تحـــــــــــــــت
شف من معك في الحي ساكن وقاطـن
اما تحذها بحت والا اعطها بحـــــت
ياللي جروحك في خفى الروح غاطـــن
من لايخاف الله ماهمه السحــــــت
من خذ جرام اليوم بكره يخذ طــــــــــــن
ان كان ياذيب الرجاجيل مازحـــت
حجار دربك في الخطا بك تباطـــــــــــــــن
|